DOPFÜYU 3:31 - SHEEYU BAIBEL (BSI)

³¹ Mapao hai maiye zhuvea sühsho-e ae puhnou Etaoye teisa sü malaiwulai moe.

DOPFÜYU 3:31 Cross References

2 SAMUEL 14:14

Etao mai hrülai thaikhai toulai; Etao hai deiphi hi dzü lakouyu büa baie, deiphi hi lakouyu dzü sü podakhai louhoe. Ana hrü toulia Ramai nou polaiwu moe, sükure thaosü puhnou pa dou-a tamore donou hulai khaitouyu maiye donoua puhnou ludu aveih ali phoupeiwe.

1 VEMAITO 11:39

Daiolouzü Solomon vei mah vanou Enou David vei tyaonah maitao hi tudee peilai, ana süsü teisa donou laimoe.’ ”

LOUTAO 77:7

“Mapao nou Etaoye teisa nou thaokhaia bailaiho? Puhnou Etaoye leshi peipu khailai modeho?

LOUTAO 94:14

Mapao nou puhvei maitaoye sü thaongai peilai moe; puhnou puletaoye thaokhaia talai moe.

ISAIAH 27:8

Mapao nou puhvei maitaoye hukhamai soua panou vakou nüpota-a souvea peie. Puhnou puletaoye sü teinghi palova teikhai ashi alinou pa hüpoa tare.

ISAIAH 57:16

Enou avei maitaoye sü hrirai peie, südonou puletao hisü Enou mah duka peipu khailai more alia raroupu khailai moe.

JEREMIAH 31:37

Mapao nou haibüa paoe: “Kusho-a buyu ratei sü doulou sülouzü, ae deiphao soushuyu beikhei sü phoupa lousüe toulouzü, süthaisü Enou Israel maivei tyaosholea taosü puletao nou soupfü khaitouyu vanou malaiwulai.” Mapao nou haisü paowe.

JEREMIAH 32:40

Enou akhai hayu vo ali puletaoye koa souloulai. Enou puletaoye donou havei soupeiyu sü thaokhailai moe, ae Enou puletaoye panou puletao vei tsüle teitei nou Eye ngaopi-a buyu sü soupeilai, sübüa puletaoye panou ahinou tavai takhai toulai moe.

JEREMIAH 33:24

“Enou dopakhai touyu Israel ae Judah maiye Enou malaiwure tea maikhe mainou paoyu sü nenou chouho moe? Südonou avei maitaoye sü puletao nou ngaora-e ae maikhe mainou puhaiye sü tyahrü ali-e tea popei more.

MIKAH 7:18

Oh Mapaowo, neye raiyu ramai ali-a ha-e; shokhai toua buyu nevei maitao vei mah sü nenou khaipeie. Ne sü teisa nou rarou koute moe, ana nevei maitao pei hi nevei tobai soumoa zhuvea leshi peiyu nasü nenou jüpae.

NAHUM 1:12

Mapao nou haibüa paoe, “Puletao nou khoushoa alia mai poushoa buyuma, puletaoye sü daodea alia souhalai bailai.

1 SAMUEL 12:22

Mapao nou neletaoye sü thaokhai toulai moe, daiolouzü puhnou neletaoye sü puhvei mai panou soulai tea chaachou souwure.