DOPFÜYU 2:9 - SHEEYU BAIBEL (BSI)

⁹ Rokhubomü khesü pepo takhaire, sütao vei tyayu hu khesü sousasawure. Veo alia peikhoyu maitaoye sü hukhamai soua vakou nüpoa tare. Chikha sü chuo doupeipu more, ae rachipaola peiyu maitao hai Mapao hinou zho sü ngaomore.

DOPFÜYU 2:9 Cross References

2 VEMAITO 25:7

Zedekiah vei nghoujü hinou puh nahpoutu maitaoye sü southawure, süthaisü Nebukhadnezzar nou Zedekiah ngheithou hai reila paloua puhye hurai nou phuloua Babilon hi nüpoa tare.

2 PUOPAOKO 15:3

Teile taoli hai Israel mainou acheche Ramai ye sa-a hrümore, ae puletaoye paodou peire napao mai ha-a chikha khesü sümoa hrüre.

NEHEMIAH 1:3

Puletao nou ahi haibüa chila peie, “Soureih mainou nüpoa talou moyu maitao hai veashoa nou ae hraosho-a nou bure. Jerusalem vei kivo khesü pepo takhai toure ae rokhubomü khesü meidei laikhaiwure.”

LOUTAO 74:9

Etao vei sheeyu shee veishi sü souhawure; rachipaolayu mai ali-a hare, ae teile kasho-a haibüa bukou laisa touyu hai mailia sümore.

ISAIAH 24:12

Nuhdu khesü soushi khaiwure, alia robomü sü pepo takhaire.

JEREMIAH 14:14

Ana Mapao nou chila peie, “Rachipaolayu maitao nou azhih hinou mada-a paoa baie. Enou puletaoye seita moe, moyuma Enou puletaoye taho rachi paopeio tea kharochi peimoe. Puletao nou zho ngaoyu hai ahinou ve moe; puletao nou vepare chi paoyu hai dahrührüa puletao vei tsü hinou paopayu chipao baie.

JEREMIAH 23:16

Akukulai Mapao nou Jerusalem maitao hisü paoe, “Rachipaola maitao nou paoyu chi sü keiso; puletao nou cheche moyu chi paopeia panou hamako hinou neletaoye areih buwe. Enou paoyu chi moa nou puletao hai lah tsücho loua pao-a baie.

JEREMIAH 39:2

Zedekiah nou veo soulouyu po kiali, khouh adai vei teithe akü zhou nuhdu vei kivo sü souphe soupho laiwure.

JEREMIAH 39:8

Babilon mainou veo vei ki ae maikhe maitao vei ki khesü meidei laiwure alia Jerusalem vei kivo sü daphe daphore.

JEREMIAH 51:30

Babilon vei reihmaitao sü soureih soumoa puletao vei ki hinou bure. Puletao hai khuha tare, ae naotumai ali büa bure. Nuhdu vei rokhubomü sü daphe dakhowure, ae ki khesü meideiwure.

JEREMIAH 52:14

ae puhvei reihmaitao nou nuhdu vei kivo sü dakho laiwure.

DOPFÜYU 1:3

Judah hi maitaoye sü taitsü poa veasho-a panou vah sou-e, Süpei hinou puletaoye sü vakou nüpoa satare. Puletao hai tyahrü kukhe maivei teidei hi ho hrütare, ana lah puletao vei soua soloure buh ali-a ngaomoe. Ngaoba maitao nou puhye sü sühao loure, tupa loure ludu aliro hazei toure.

DOPFÜYU 4:15

Maikhe mainou puletao hisü haibüa paore, “Tavailo! Eye deiso! Neletao hai sheemore!” Südonou puletao hai sühaota-a shetumai ali soutare, ae puletao nou veyu buh veishi hinou mailia puletaoye sü jüpa-a popei more.

DOPFÜYU 4:20

Eletao vei hrirai, Mapao nou dopa peiyu veo sü puletao nou nüloure; ngaobamai taralinou soureih souveyu phaki Etaoye vupa peilousüe tea Etao nou louche-a buyu nasü puletao nou nüloure.

EZEKIEL 12:13

Ana Enou puhye sü avei khahbesah nou beloua bailai, ae puhye sü rüh hinou muloulai. Süthaisü Enou puhye Babilon vei nuhdu hi sapoa ve khai-a bailai, ae sühinou puh sü ngaomoa thaita bailai.

EZEKIEL 17:20

Enou souhuyu maivei besah sü poloua puhye beloulai. Enou puhye sü Babilon hi poho sühinou puhye tudee peilai, daiolouzü puhnou ahi chilee cheche more.

EZEKIEL 7:26

Veahoyu ali pei hinou veahoyu kukhe ali hai veloulai, ae tobai soumoa ko ashi khesü thaokhai toumoa neletao hisü veloulai. Neletao nou rachipaola peiyu maitao hisü puletao nou ngaoyu khesü paongao peio tea kholai. Napao maitao nou maikhe mai hi halia paodou peiloulai moe, ae tsümaitao nou maikhe mai hi halia doupeilai moe.

HOSEA 11:6

Puletao vei nuhdu khesü khoche nou souhawulai, puletao vei rokhubomü khesü pa meinou deihawulai, alia puletao nou lahdo soua tayu donou reih hinou pa thaikhaia bailai.

HOSEA 3:4

Sübüa Israel mainou teile taoli vemai ha-a hrülai, alia rahzhu souloua posheelayu alia chuh shulahloua thoyu sü soulai moe, alia pou-vah soulai moe.

AMOS 1:5

Enou Damaskas vei rokhubomü khesü daophewulai, alia Aven deikho hinou hrüa buyu maitao ae Bethedea hi peikhoyu maitaoye sü polaiwulai; alia Sairia maiye sü panou Kir hi nüpoa ta-a bailai.”

PAODAKHAIYU CHIKHA 28:36

“Mapao nou neletao sü hulailai alia ne ae ne puopao nou sümoyu tyahrü hi mainou neletao pei hi veo pa soulai. Buh sühinou süü chuh nou soukhai touyu rah kukheye sü neletao nou tholai.

PAODAKHAIYU CHIKHA 28:63

Mapao nou neletaoye panou sava-a buyu ae maitya poupayu hai jüpa shoyu büa neletaoye soushi ae souhayu hai-a jüpa-e. Neletao nou talou polai tea buyu teidei hinou puhnou neletaoye sü maa hinou paipa laiwulai.

1 SAMUEL 28:6

südonou puhnou Mapao hinou dai souyua veilai tea noue. Ana Mapao nou puhye sü zhiho mekou hinoua, moa Ramai vei leli poa zhuyu Urim ae Thummim hinoua, moyuma rachipaola peiyu maitao hinoua chila sü peimore.