DOPFÜYU 2:4 - SHEEYU BAIBEL (BSI)

⁴ Puhnou Etaoye sü ngaobamai ali büa puhvei voulouthou sü paipa Etaoye kare donou buloure, Etao vei asah souyu ae jüpa-a buyu hrülai sü puhnou souhakhai toupeire. Jerusalem hai hinou Etao hai puhvei lekha rarou nanou dei-a nou bue.

DOPFÜYU 2:4 Cross References

2 PUOPAOKO 34:21

“Taho Eye donou ae shokhaitoua buyu Israel ae Judah maitao donou Mapao hi noukhaio. Larübvü hi daitoua paodou peikhai touyu khesü phoupalo. Mapao nou Etao pei hi raroure, daiolouzü Etao vei puopaoh maitao nou Mapao chi sü zülou more ae larübvü hai hinou soupfülo tea paopeiyu khesü soulou more.”

2 PUOPAOKO 34:25

Daiolouzü puletao nou Eye thaowua ramai kukhe hi poukai nüvei meidei-a posheela peire, ae puletao nou soukhai touyu vahtao sünou avei lekha soupa peiwure, ae avei lekha nasü buh hai hi lakou peilai, ae süsü panou akhai bulai moe.

JOB VEI LARÜBVÜ 19:11

Ramai nou apei hi rarou sholoure, Eye sü puh vei ngaoba shoyu mai ali büa poloure.

JOB VEI LARÜBVÜ 6:4

Hali-hala soulousü Mapao nou Eye loushu nou kashore, ae loushu vei poushi nanou avasou teitei kaive tere, Ramai vei rarou nanou Eye sühao loure.

LOUTAO 37:14

Touha-a nou veaho laiyu maiye southare donou, ae acheche maiye souhare donou mai ashi maitao hai puletao vei khoche sü paipa loure, ae puletao vei voulou sü paipa loure,

LOUTAO 7:13

puhnou puhvei thailou veiyu basei polashulai, alia mei kei-a buyu puhvei louthou nou poshu teloulai.

ISAIAH 42:25

Südonou puhnou Eletao pei hisü puhvei lekha rarou nasü mei souyu büa lakou peie, mei taoyu büa puhvei lekha sünou Israel mai hrülaiye deipeie, ana Eletao nou haisü daisousa touyu tsü sükulou moe, Eletao nou hai vanou halia doupu loumore.

ISAIAH 63:10

Ana puletao nou puhye khaitya-a dure, alia puhvei sheeyu rakoye sü le souvea peie. Südonou puhnou puletao vei ngaobamai souloua puletaoye reih soue.

ISAIAH 63:6

Avei lekha nasü nou pfüa Enou tyahrü taoye sü taidei sasa peire, ae avei rarou hinou puletaoye sü soushikhai peiwure. Enou puletao vei hriyu zhe sünou deiphi hisü lazü peie.”

JEREMIAH 10:20

Etao sahpao khesü souhawure; phupakhai touyu rai taosü detare. Etao vei nahmaitao sü takhai toure; Etao vei sahpao soulapu peire mai sü hare; haosahtao sü popa haopu peire mai lia hare.”

JEREMIAH 21:5

Enou neletao pei hi avei pfüchi, avei lekha ae rarou nou poa reih soulai.

JEREMIAH 30:14

Nevei leshi mai hrülai nou neye ngaiwure; puletao nou neye donou tea tsücho peimore. Enou neye sü ngaobamai ali büa dukhaire; neletaoye zhuveayu ali-a ha-a nou souvea shopeire, daiolouzü neletao vei mah sü alao loure ae neletao vei ashi khesü pousho loure.

JEREMIAH 36:7

Puletao nou Mapao hi veachi paoloua puletao nou vah ashi souyu khesü thaolou vei-e, daiolouzü Mapao nou puletao hi puhvei lekha rarou hai ngaopi sho-a paopei khaitoue.”

JEREMIAH 4:4

Neletao vei Mapao Eye koa vo soukhai touyu pfüthoso, ae neletao hai Eye donou soushee loua peithoulo, Oh Judah ae Jerusalem hi maitaore. Neletao nou sükulou more toulouzü, avei lekha rarou nasü mei büa tao-a bailai, ae mailinoua soungheilou laimoe, daiolouzü neletao nou vah ashi souyu donou.”

JEREMIAH 42:18

“Israel maivei Ramai Mapao nou paoe, ‘Enou avei lekha rarou hai Jerusalem maitao hi lapa peiyu büa neletao nou Ejipt hi hota louzü, Enou neletao hia lapa peilai. Neletaoye sü ngaora sholai; maikhe mainou neletaoye ngaoposhu neletao vei zhih hai chaa soua polai, ae neletaoye konü peilai. Neletao nou teidei hai nasü ngaopu loulai moe.’”

JEREMIAH 7:20

Südonou Ramai Mapao Enou Rathoki haina hisü avei lekha rarou lakou peilai. Avei rarou nasü maikhe maitao hi ae kikhaorütao hi, alia süübetao ae shina maratao pei hia raibütoua koupeilai. Avei lekha rarou nasü mei büa taolai, ae mai linoua hai nasü souhei loulai moe.

DOPFÜYU 1:13

“Puhnou mei sü reilova nou seikou peie, ae mei sünasü alekhe nou kei-a nou bue. Puhnou Eye muloure donou shorü southou khaipeie, ae Eye deiphi pokou khaipeiwure. Süthaisü puhnou Eye thaokhaiwure alia Eye panou sokhai timoa soua nou bua baire.

DOPFÜYU 2:5

Mapao nou Israel maiye sü ngaobamai ali büa souhawure; Puhnou veo vei ki fühao ae reihkhaobu khesü soushiwure; Puhnou Judah hi maitaoye sü veahoyu ae dopfüyu hai soupoupu papeie.

DOPFÜYU 3:3

Ae puhnou Eye zhuveayu lia ha-a nou dapeiyu thainou dapei khaikhaire.

DOPFÜYU 4:1

Etao vei sana praivava-a buyu khesü shitare; Rathoki poa nou soukhai touyu chuh khesü duva kinou raroupoa nou bure.

DOPFÜYU 4:11

Mapao nou puhvei lekha rarou veishi hai phapeiwure; Puhnou Zion sü mei shaopeiwure, sünanou beikhei teitei sü meideire.

EZEKIEL 13:13

Ramai Mapao nou chuo haibüa nou paore: “Avei lekha rarou hinou teikhai teirü ashi ae reithou sü seive kivo sü soushiwulai.

EZEKIEL 20:34

Enou neletaoye tyadeitao hi soupho rarou khaitouyu hinou sapoa vejüloua avei lekha ae khouko nasü soungao peilai.

EZEKIEL 22:22

Shahu hai thaopei hinou dzü vitayu büa Enou puletaoye Jerusalem hinou soupeilai, süthaisü puletao nou Mapao vei lekha rarou nasü süloulai”

EZEKIEL 24:25

Mapao nou ahi paoe, “Thai-a bailaiyu mainare, chuo puletao nou khaophu soua buyu ae sava-a buyu alia jüpasho-a ve zhunüa buyu rathoki nasü Enou puletao hinou potalai. Alia puletao nahnaotu poutu khesü Enou puletao hinou potalai.

EZEKIEL 36:18

Südonou puletao hisü avei lekha rarou hai panou vere, daiolouzü puletao nou teidei hai hinou maiye southa dathare ae puletao nou bashara khesü thotayu donou teidei hainasü souzhai khaiwure.

EZEKIEL 5:13

“Enou rukha loumo koute hai avei lekha rarou sü neletao hi velai. Haibüyu khesü neletao hi vepare toulouzü, Mapao Enou neletao hi paopeiwure ae neletao nou chilee cheche moyu donou vepa-a baie touyu hai neletao nou süloulai.

EZEKIEL 6:12

Kadou kounou buyu maitao hai sounou soua nou thailai; nghia buyu maitao hai soureih hinou southawulai, shokhai toua buyu maitao hai houzüa thai bailai. Puletao hi avei lekha rarou veyu nasü puletao nou süloulai.

EZEKIEL 7:14

Shabe sü nghoupare, ae mai hrülai nou souda loure, ana mailia reihbu hisü talou more, daiolouzü Ramai vei lekha rarou hai mai hrülai hisü raibütoua vere.

LEVIMAI LARÜBVÜ 26:17

Enou neletaoye sü dutalai; sübüa neletaoye panou hraongu ngao-a bailai, ae neletaoye ngaora-a buyu maitaoye panou neletaoye tukha poa hrülai; mailia neletaoye thaihu moyuma neletao hai ngaopi shopoa nou tuta-a bailai.

NAHUM 1:2

Ramai hai puhye hraiyu mai hi healou hoyu alia khürüyu Mapao-e, Mapao hai khüphouwe alia lekha shiwe, Mapao hai puhye hraimai hi khü phoue alia puh ngaoba maiye lekha rarou nou soushi peiwe.

NAHUM 1:6

Puh vei rarou nghoujü hi thaonou lalou süe? Souhyu puhvei lekha nasü thaonou healou süe? Puh lekha sü mei büa lakou peilai, alia puhnou chuhdu nasü dakhosa peilai.

PAODAKHAIYU CHIKHA 32:22

Avei lekha sü mei büa panou taolai, ae sünasü panou rabedushao koute taokoulai, Deiphao hi buyu na veishi sü deihawulai, ae deichitao vei beikhei teitei-a panou deilai.

1 SAMUEL 28:16

Samuel nou paoe, “Ramai nou neye thaowua neye hraitayu thaisü ne daisounou Eye kuwe?