DOPFÜYU 1:9 - SHEEYU BAIBEL (BSI)

⁹ Honapai vei shee moyu sü ngaokhai loure, ana haithai puh hi dai vepalai touyu hai honapai nou tsücho moe; südonou honapai sü kaodu tare, ae puhye sousava peire mai lia hazei toure. Honapaiye ngaobayu maitao nou veiloure, ae honapai nou Mapao hi zhuvea leshi peio tea kra-a khowe.

DOPFÜYU 1:9 Cross References

2 SAMUEL 16:12

Puhnou Eye haibüa chaa peiyu vanou Ramai nou avei veahoyu hai süpeia shiha-a peilou veie.”

2 VEMAITO 14:26

Israel mainou veaho shoa buyu ae mai linoua puletaoye soukha peire mai hayu sü Mapao nou ngaoloure.

NEHEMIAH 9:32

“Oh Ramai, Etao vei Ramai, ne hai daizhou koute dusa! Ne hai daizhou koute ngaopi-e, daizhou koute khouko bue! Vo soukhai touyutao hai newo louzü chilee cheche-a souvete peie. Assaria maivei veo maitao nou Etaoye souvea peiyu teile hinou poa zhou koute hai Etao nou veaho-a nou bue! Etao vei veo maitao, süthai-apei maitao, napao maitao, ae rachipaola peiyu maitao, Etao vei puopaoh maitao, ae Etao mai hrülai nou veaho sho-a nou bue. Etao nou daizhou koute veaho-e touyu khesü licho peio!

LOUTAO 119:153

Enou sounou soua buyu sü zhupeio, ae Eye khailupa peio, daiolouzü Enou nevei chikha khesü ngaophou moyu soumoe.

LOUTAO 140:8

Mapao, mai ashi maitao nou jüpa-a buyu khesü panou ngaolouso, puletao nou shodo ashi souyu khesü panou vete louso.

LOUTAO 25:18

Enou veaho-a buyu ae sounou-a buyu nasü licho peio, ae amah veishi sü khaipeio.

LOUTAO 69:21

E houzüa laiyu phaki, puletao nou Eye sü maiye shuthayu pou nou thouloua nou peie; E rei-a nou laiyu phaki, puletao nou Eye sü khashoyu dzü nou peie.

TAPALOUYU 3:17

Ale sü laloure, süolouzü Enou neletaoye veahoshoa buyu Ejipt mai bah hinou veishoyu teidei, chonaodzü ae laivoudzü nou küa buyu Kanaan mai, Hit mai, Amor mai, Periz mai, Hiv mai, ae Jebus mai vei teidei hisü save peilai.’”

TAPALOUYU 3:7

Süthaisü Mapao nou paoe, “Ejipt hinou hrüyu avei maitao nou veahoyu sü Enou ngaore, alia puletaoye tukhasa-a ae taideipoa nou vah souyu mai bah hinou kra-a vupapeio tea khoyu paisü Enou chouloure. Puletao nou veahoyu teitei sü Enou süwe.

TAPALOUYU 4:31

Mai khemai nou süsü louche loure, alia Mapao nou Israel maiye zhuvea peia puletao hi ve loure ae puletao nou veahoyu khesü ngaoloure touyu sülou khaie, puletao nou pei pfüa nakou Puhye tho-e.

KOPAODOUWO 4:1

Süthai-a teinghi khehnou souveayu vahtao Enou ngao-e. Zhukhaio, vealai maitao vei nghidzü, alia puletao ye souva peire mai aliro hare! Puhtaoye souveayu maitao hilosü khouko bue, alia puletaoye souva peire mai ali-a hae.

ISAIAH 3:8

Jerusalem hai phi süloure, ae Judah hai kaotare; daiolouzü puletao nou Mapao vei aduso nasü ngaophou moa puletao vei chi lako ae vah haso teitei sü Ramai ye hraiyu hinou soutare.

ISAIAH 37:17

Oh Mapao, ne noubei sü pfüa keipeio ae ne nghithou hepa zhupeio. Hria buyu Ramai, neye ngaophou moa nou Senakherib nou paoyu chipao khesü keipei khaio.

ISAIAH 37:23

Nenou ngaophou moa jünüyu sü thaowe? Nenou paoshiyu nasü thaoge? Nenou ngaophou moyu nasü Israel maivei Sheeyu Ramai-e.

ISAIAH 37:29

Nenou Eye paoshiyu ae nenou khaophu souyu sü anou hi chouve loure, südonou Enou ne nghou sü vouwulai alia ne mü sü phuloua nenou veyu ludu hisünou neye panou dakhai talai.”

ISAIAH 37:4

Assaria veo nou seive-a buyu Rabshakeh nou hria buyu Ramai Mapao ye konüa paoyu chipao khesü nevei Ramai Mapao ye panou choulouyu sü soulo, ae nevei Ramai Mapao nou choulouyu chipao vanou puletaoye sü tudei peiyu sü soushulai. Südonou shokhaitoua buyu etao maitaoye donou veachi paopeio.’ ”

ISAIAH 40:2

Jerusalem hinou hrüa buyu maitaoye pailako aveih nou keapeio, ae puletao hisü haibüa paopei khaio, süolouzü puletao hai teile taoli veaho shore, anou chuo puletao vei mahmo khesü khaipeiwure. Enou puletaoye sü mahmo souyu donou soutaosoua tudei peiwure.”

ISAIAH 47:7

Ne sü teisa nou veopfüpai soua bukoute-a bailai tea tsü choloure, südonou haibüyu khesü nenou tsücho lou moe, moa kabüa akhai soulaisa touyu hai-a tsücholou moe.

ISAIAH 51:19

Veahoyu ahai sü neletao hi velai: Thaonou neletaoye sousava peilai? Souhayu ae soushiyu, tokaa ae khoche— haitao hinou thaonou neletaoye sousava peilai?

ISAIAH 54:11

Mapao nou paoe, “Oh veaho shoyu paire, teikhai teirü ashi nou souvea shopeia buyu nare, neye sü mai linoua sousava peire hayu Oh Jerusalem, Enou neye sü mutei chuh nou poa soushu dakhai peilai.

JEREMIAH 13:27

Puhnou ngaorayu vah haso khesü neletao nou souyu puhnou ngaoloure. Neletao nou deichi vanou ae deikho kinou khakhayu mai ali büa moa reshiyu rhei ali büa cheche moyu rahtaoye thaihua laiyu sü puhnou ngaoloure. Jerusalem hi maitaore, neletao hai daizhou koute vealaisa! ngaopeisa! Neletaoye sousheeyu hai teile kasho loulaige?

JEREMIAH 16:7

Mai talinou thaiyu donou tea le souva peire donou koa touso zholai moe, moa pfüpuo thaiyu vanou le souva peilai tea mailinoua zhuvea peilai moe.

JEREMIAH 2:34

Neletao vei sabanü vasü mai ashi maivei zhe moa mai aveih mai ae touha soha mai zhe nou dana khai toure. “Ana haibüa buyuma,

JEREMIAH 48:26

Mapao nou paoe, “Moab maiye panou zhaoh sozhilo, daiolouzü puletao nou Eye dure. Moab mainou lah rüpakhai touyu hinou danapoa nou talai, ae maikhe mainou puhye konülai.

JEREMIAH 5:31

rachipaola maitao nou acheche chi paomore; napao maitao hai rachipaolayu maitao vei kharochi hinou teidei kho-a baire, ae avei maitao nou haisü jüpa loure. Ana akhai teile veyu kisü puletao nou dai soulai?”

JEREMIAH 50:29

“Voulou poyu maitao hisü Babilon hi soureih hulou khaio tea paopeio. Voulou polou süyu mai hrülaiye sü seitawo. Nuhdu nasü sühaolo, panou mailia tupa louso. Puhnou soukhai touyu thaifüa puh hia soupeio, daiolouzü puhnou khaophu soua Israel maivei Sheepu, Eye ngaophou more.

DOPFÜYU 1:17

“Enou abah sü thaipa-e, ana mai linoua Eye soukha pei more. Avei kinapa maitaoye panou Eye haire donou Mapao nou kupove peiwure; Puletao nou Eye sü na ashi ali büa poa baire.

DOPFÜYU 1:21

“Enou lüa buyu sü kei peikhaio; mailinoua Eye sousava peire mai hare. Nenou veahoyu khesü ahi pove peiyu phaki Eye ngaobayu maitao nou asah soua bure. Nenou paoh peikhai touyu teithe nasü pove peio; avei ngaoba maitaoye panou Enou veahoyu büa puletao-a veahoyu peio.

DOPFÜYU 2:13

Oh Jerusalem, leshi shoa buyu Jerusalem, Enou neye donou dai-e paolaige? Enou neye kabüa sousava peilai? Mailia neye büa veayu sü hahie. Nenou veahoyu sü zaidu büa akhai sü hare; neye donou areih sü halia hazei toure.

DOPFÜYU 4:1

Etao vei sana praivava-a buyu khesü shitare; Rathoki poa nou soukhai touyu chuh khesü duva kinou raroupoa nou bure.

DOPFÜYU 5:1

Oh Mapaowo, Etao hi vepayu khesü licho peio. Etaoye zhupeio, ae Etao nou veahoyu khesü zhupeio.

HOSEA 2:14

Südonou, chuo Enou puhye seiloulai, alia puhye sü rekou save khaiwulai, ae puhye sü pai süla veinou cha-a bailai.

ZEPHANIAH 2:10

Puletao nou khaosouyu vanou haihai ve daolai, daisounou tiyuo puletao nou Khoukhoulai Mapao vei maitaoye ngaophou moa konüyu donoue.

JOHAN 11:19

Alia Jihudimai alaonou Martha hai Meri hi puhai pou thaiyu vanou le souvare donou tave loure.

PAODAKHAIYU CHIKHA 26:7

Etao nou Etao puopao Ramai Mapao hi kra-e, alia Mapao nou Etao paikho choupeie, alia Etao veashoyu, vah teishoyu soua alia souvea shoyu puhnou ngaoe.

PAODAKHAIYU CHIKHA 32:27

Ana ngaobamai nou paoshire nasü E-a ngaopi-e, daiolouzü puletao ngaobamai nou sümahloua haibüa paoshulai, Etao vei khouko vanou veiloua baie, haisü Mapao nou souyu vah moe.’

PAODAKHAIYU CHIKHA 32:29

Puletao hai tsü veiwe toulouzü, puletao hi dai-e vepawe touyu khesü süyu pha-e, alia haithai daidai vepalai touyu hai-a süa buyu pha-e.

1 PITAR 4:17

Chiku shure teilesü veloure, alia lah Ramai vei maitaoye nou chiku railai. Haisü Eletao hinou kushurai louzü, Ramai chipao avei louche moyu maitao hisü kakua akhai soulaisa?

1 SAMUEL 1:11

Hannah nou chaachou soua haibüa veachi paoe, “Oh Khoukhoulai Mapaowo, ne kilaipai Eye zhupeio! Enou veahoyu hai sü zhuloua Eye ngaipeiso! Nenou Eye nahpoutu ali peilouzü, Enou puhye sü poa neye puhvei hrümai teitei nou peilai, ae puh peishu sü panou bi khailai moe.”