DOPFÜYU 1:7 - SHEEYU BAIBEL (BSI)

⁷ Jerusalem nou veahoyu ae tateiyu daoyu thainou, raichoki puhvei haveih ae savayu khesü licholoue. Honapai hai ngaobayu maitao bah hi louyu phaki, mailinoua puhye sü soukha peire mai hare; Honapai nou kaodu tayu sü ngaobamaitao nou ngaoloua puhye sü konüre.

DOPFÜYU 1:7 Cross References

JOB VEI LARÜBVÜ 29:2

Tala tayu avei teile hi Ramai nou Eye khopei vupeiyu büa teile tainasü ngaodakhai loure donou E jüpasho-a bue.

LOUTAO 42:4

Enou maisouye süthaisa-a Ramai vei ki hi asa shopoa shusoua Ramai ye paoshoyu lou souyu khesü licho velouyu phaki ale sü pepoa baie.

LOUTAO 77:3

Enou Ramai ye tsüchoyu phaki, ale sü veare; Enou soutaosoua puhye lichoyu phaki, Esü chathaire.

LOUTAO 79:4

Etao hai kinapa maitao hinou hraongu sü ngaore, puletao nou Etaoye sü konüre ae ngaophou moa Etaoye sü pahnü soupeie.

ISAIAH 64:10

Nevei sheeyu nuhdu khesü radeiki vitare; Jerusalem hai soushi khaiwua mai pahatare.

ISAIAH 64:11

Etao vei sheeyu ae hüvei shoyu Rathoki, raichoki Etao poupaoh maitao nou neye paoshoyu ki nasü mei nou deihawure. Etao nou sava-a nou jüpa-a buyu buh veishi sü souhawure.

JEREMIAH 48:27

Moab, nenou kabüa Israel maiye konüe touyu sü licho khaio! Nenou puhye sü vomai liye nülouyu büa ngaora-a ne pei sü züe.

DOPFÜYU 4:17

Etaoye soukha peire mai hai hamako soua Etao nou vuzhia nou bua baire, Etaoye khailupa peishulai tea tyahrü ali vei vurei-a nou kho-a bue.

EZEKIEL 25:3

Ramai Mapao Enou puletao hi paoyu sü keilo tea paopeio: Neletao hai avei rathoki nasü souzhai peiyu phaki, Israel maivei teidei soushi peiyu ae Judah maiye hukhamai soua nüpoa tayu sü ngaokhaie neletao hai lesare.

EZEKIEL 25:6

“Ramai Mapao nou haibüa nou paoe: Neletao nou Israel maivei teidei nasü ngaorayu donou neletao hai bahtaore, ae asasho-a nou teihi chopare.

HOSEA 2:7

Puhnou puhvei leshi maitao thaisü hutalai, ana puletaoye sü ngoulouhoe; alia puhnou puletao ye sü phoulai, ana puletaoye sü ngaolou laimoe. Süthai puhnou paolai, “E talaire alia dakhaive acha raina hi vebai laire, daiolouzü Eye donou chujünou raikia veipua baire.”

MIKAH 4:11

Tyahrü taoli nou tave jüloua neletaoye dure donou bure, ae puletao nou haibüa paoe, “Jerusalem sü soushilai deinou shire! Etao nou nuhdu hai nasü haka-a shitayu sü zhulai.”

LUK NOU RÜYU KO AVEIBVÜ 15:17

Ana puhnou tsü chodakhai louyu kisü, puh lahnou haibüa paoe, ‘Apuo hinou zho kutoua buyu mai kazhounou touli-tousho-a busa, ana Ewo buh haihinou khütheawuzhu laire!

LUK NOU RÜYU KO AVEIBVÜ 16:25

“Ana Abraham nou paoe, ‘Anahna, likhaio, süolouzü nenou hribu kisü ne sü na avei teitei ngaoloure, alia sübüa Lazaras-a ashi teitei ngaoe; ana chuo puhsü haihinou vasho-a bure, alia newo chorosoua bure.