DOPFÜYU 1:2 - SHEEYU BAIBEL (BSI)

² Kheimathe honapai sü kra-a bure; nghidzü hai puhvei baitu hi kükoure. Honapai vei samai khamai hrülai nou puhye sü thaowua takhai toure, puhye sousava peire mai lia hare. Honapaiye chavei lathao-a buyu mai hrülai nou puhye sü lalu peiwure, ae puletao nou chuo puhye sü ngaobayu mai soutare.

DOPFÜYU 1:2 Cross References

JOB VEI LARÜBVÜ 6:15

Ana samai taorai, neletaosü reitu ali büa Eye laluwua baire, Reitu taosü tei rümokhaie thekei tea baiwe.

JOB VEI LARÜBVÜ 7:3

Eye panou khouh teile taoli hai hamako hinou hrüa bue, alia ahisü kheimathe veayu hai pei-a baie.

LOUTAO 126:5

Nghidzü kou-a taimou vuthou khaitouyu maitaoye sü panou asah soua chachi louyu sü soupeio.

LOUTAO 31:11

Eye ngaobayu mai hrülai nou, ae avei kinapa mai koute-a Eye sü ngaophou moa konüa bubaire, Eye sükho ngaokhoyu maitao koute-a Eye ngaopi loure, puletao nou Eye ludu hinou ngaoyu phaki, puletao hai ahi nou tutare.

LOUTAO 6:6

E le veayu nou lelouho shore; kheitsü sü E krayu donou avei züphao chare, avei nghidzü sünou kouh peikhü sü chata baire.

LOUTAO 69:21

E houzüa laiyu phaki, puletao nou Eye sü maiye shuthayu pou nou thouloua nou peie; E rei-a nou laiyu phaki, puletao nou Eye sü khashoyu dzü nou peie.

TSÜCHITAO 19:7

Touhayu mai naye thaihou jüraimai hrülai nou puhye ngaora-a baiwe; daizhou koute puhvei samaitao nou puh hinou hrotalai! Puhnou chipao lako aveih nou jüa thaihuyuma, puletaoye seilou moe.

JEREMIAH 13:17

Hakinou neletao nou keipei molouzü, neletao vei khaophu vanou kheikhei soua Enou kralai; Enou kradu kra-a anghidzü koulai, daiolouzü Mapao vei maitao sü hukhamai sou-a nüpoa tare.

JEREMIAH 2:25

Ne phikha patamo koute moyuma ne raoqulu thekeimo koute rah kukheye thaihua laisu baio. Ana nenou haibüa paoe, ‘Moe, E thaikhailou shire, daiolouzü E vakoumai rahye leshi loure, ae chuwo thaikhailou shire, puhye thaifü ta-a bailai.’ ”

JEREMIAH 3:1

Mapao nou paoe, “Cha ali nou puh chapfüye hulaiwua honapai nou puhye thaowua chaa kukhe mai ali ki vetayu thai, puhnou honapaiye sü napu loushi-e. Sükuyu thaio teidei sünasü souzhaiwure. Ana Isreal mai louzü jüpayu mai alao bue, ae chuo puletao nou ahi dakhai veyu jüpare!

JEREMIAH 30:14

Nevei leshi mai hrülai nou neye ngaiwure; puletao nou neye donou tea tsücho peimore. Enou neye sü ngaobamai ali büa dukhaire; neletaoye zhuveayu ali-a ha-a nou souvea shopeire, daiolouzü neletao vei mah sü alao loure ae neletao vei ashi khesü pousho loure.

JEREMIAH 4:30

Oh Jerusalem, ne sü daizhou koute veasa! Daidonou ne sah maomemeyu tya banouwe? Daisounou ne zhusana tupfüwe, ae nghiteipou na-a buge? Hakonou ne sü natupoa bubaie! Neye jüpayu maitao nou neye sü ngaora tare ae neye southalai tea phoua bure.

JEREMIAH 9:1

Oh apei hai dzübvü ali-e tulouzü, ae anghithou hai dzüla toulouzü, Enou Amaitaoye southayu vanou hea-khei sümoa kra-a bua bailai.

DOPFÜYU 1:19

“Eye leshiyu maitaoye sü Enou kuwe, ana puletao nou Eye tave soukha peibare. Napao maitao ae süthai-apei maitao hai hriloure donou touso phoua nuhdu vei luduva kinou thaitare.

DOPFÜYU 1:21

“Enou lüa buyu sü kei peikhaio; mailinoua Eye sousava peire mai hare. Nenou veahoyu khesü ahi pove peiyu phaki Eye ngaobayu maitao nou asah soua bure. Nenou paoh peikhai touyu teithe nasü pove peio; avei ngaoba maitaoye panou Enou veahoyu büa puletao-a veahoyu peio.

DOPFÜYU 1:9

Honapai vei shee moyu sü ngaokhai loure, ana haithai puh hi dai vepalai touyu hai honapai nou tsücho moe; südonou honapai sü kaodu tare, ae puhye sousava peire mai lia hazei toure. Honapaiye ngaobayu maitao nou veiloure, ae honapai nou Mapao hi zhuvea leshi peio tea kra-a khowe.

DOPFÜYU 2:11

Avei nghithou hai krapouleyu donou ha ngaotou more; Ale sü veashore. Avei maitaoye soushi souhayu donou dopfüa E sü shaloure. Nahmaitao ae nahmaitou khesü nuhdu vei duva hinou shatare.

EZEKIEL 16:37

Haivanou raichoki nenou jüpayu mai alia ngaorayu mai hrülaiye sü Enou save jüloulai. Enou puletaoye panou neye sühao loulai, süthaisü nevei sabanü khesü Enou phapeiwua nevei baitou touyu sü puletaoye panou ngaolai.

HOSEA 2:7

Puhnou puhvei leshi maitao thaisü hutalai, ana puletaoye sü ngoulouhoe; alia puhnou puletao ye sü phoulai, ana puletaoye sü ngaolou laimoe. Süthai puhnou paolai, “E talaire alia dakhaive acha raina hi vebai laire, daiolouzü Eye donou chujünou raikia veipua baire.”

MIKAH 7:5

Nevei kinapa maiye loucheso moa nevei samai khamaiye lüloucheso. Nevei maipfü koute hia nevei chipao sü leikei-a paolo.

PONGAOPEIYU 17:13

Puletao lesü ali khei soubaie, alia puletao vei khouko ea soulousü zü nasü khaosou sünahi peire.

PONGAOPEIYU 17:16

Nenou ngaoyu kai kiruotao ea khaosou sünanou khakhapfüpai sünaye ngaoralai. Puletao nou honapaihi buyu ha teiteisü potaloulai ea puhye sü baitoua thaowulai. Puletao nou puhvei vasousü touloulai ea puhye sü meinou deiwulai.