DOPFÜYU 1:1 - SHEEYU BAIBEL (BSI)

¹ Raichoki mainou phoutao-a buyu nuhdu nasü, chuo kabüa zei tea bure sarou! Vuli hi deiphao mainou tsükhoua buyu nasü, chuo puh sü mimeapfü ali büa bure; Nuhdutao hrohinou vepfüpai soua buyu sü chuo maivei qila soutare.

DOPFÜYU 1:1 Cross References

1 VEMAITO 4:21

Solomon vei vedei Euphratis Rei hinou poa Philistia hi koute alia Ejipt maivei deirai hi koute buyu tyahrü teitei nou loue. Puletao nou puh hi kikha peie ae puhvei hümamai teitei hinou puhvei khakhe hinou hrüe.

2 VEMAITO 23:33

Ejipt hi veo Neko nou puhye sü Hamath maivei teidei Riblah hinou hukhamai soua nüloure, ae Judah maiye panou shahu sühcho 3,400 ae sana sühcho shiadai hai panou kikha soua nou peie. Sübüa Joahaz nou veo souyu sü akhai soure.

2 VEMAITO 23:35

Ejipt maivei veo hi kikha hai peire donou Jehoiakim nou maikhe mai hinou thoudzü hai puletao nou ngaolouyu thaifüa kikha hai polouwe.

2 PUOPAOKO 9:26

Puhnou Euphratis rei hinou poa Philistin koute ae Ejipt maivei deirai hi koute hrüyu veo maitao pei hinou veo sü sou-e.

EZRA 4:20

Khouko bushoyu vemai linou Jerusalem hinou veo-a buki, rei hinou teinghi loulova hrüa buyu mai hrülai hi kiphaokha, navei kha, alia huh souyu kha hai kha-e.

NEHEMIAH 5:4

Kukhe maitao nou haibüa paoe, “Veo vei kikha peire donou Etao hai mai hinou pousha sü poloua Etao vei ki-lu nou pousha nasü khapei molouzü polo tea mai hinou pousha sü pou-pao loure.

NEHEMIAH 9:37

Etao vei teidei hinou veisho-a peiyu thoudzü khesü veo maitao nou poloure, daiolouzü Etao nou mahmo khesü souwure. Puletao nou Etao hi ae Etao vei kikhaorü hi sounü thaifüa souloure, ae Etao hai veaho sholoure!”

LOUTAO 122:4

Nuhdu hai hisü tyahrütao nou tave, Israel maivei tyahrütao nou tave Mapao nou peikhai touyu chikha thaifüa puh hi kalo paowe.

ISAIAH 14:12

“Oh Babilon hi veo, vavei shoyu shona teivu, kabüa nou ne sü raki vanou dekou tare? Raichokio tyahrü kheye nenou veiloua buwe, ana chuo ne sü deiphi hi kaolou tare.

ISAIAH 22:2

Nuhdu teitei hisü shurao soua buyu sü daidonoue? Neletao mai thaiyu hai khoche nou daotha moe, moa reih soua thaimoe.

ISAIAH 3:26

Nuhdu vei robomü khesü soushi sasawua panou baitoua buyu naotumai ali nou dopfüa krapoa buyu bülai.

ISAIAH 49:21

Süthaisü ne le hinou haibüa tsücholai, Mai haitao hai thaonou Eye napeie? Esü nahmai hrülai nou hazei toudao, ae nahapfü ali soua soureih hinou nüpoa hukhamai ali soua vakou saho khaiwure, ana chuo thaonou mai haitao hai kikopa peisa? Eye sü lah likhei khaipeia baie, ae chuo mai haitao hai daikinou vege?”

ISAIAH 50:5

Mapao nou Eye sülou süyu tsüdo hai peie, ae Enou puhye khaityawu moe, moyuma E puh hinou tarei tachamoe.

ISAIAH 52:2

Mainou nüpoa hukhamai soua buyu Oh Jerusalem, tashuloua nou ne va hi konai neakhai touyu khesü khoulaiwo! Neye phupfüa laiyu hurai nasü phalaio, Oh Zion hi hukha maitaore!

ISAIAH 52:7

Deichi vanou ko avei paodou laiyu, kaonayu ko ae savayu ko aveih polai mai, ae khailu peiyu ko pao-a Zion hi “Neletao Ramai nou Veo soure” tea pao-a laiyu mai phisü daizhouzhou zhai veisa!

ISAIAH 54:4

Ngaopiso, daiolouzü neye sü hraongu peipu kheilai more, ae soutai sounou peipu khailai more. Daiolouzü nahle-a buki nenou hraongu ngaoyu khesü ngaiwulai, ae mimea maipfü ali büa veahoyu khesü lichopu khailai moe.

JEREMIAH 31:7

Mapao nou haibüa paoe, “Israel maiye donou asa-a lou soulo, ae tyahrütao pei hinou dukayu naye donou shusoua shakhaio. Neletao nou paoshoyu lou sü soukhaio, ‘Mapao nou puhvei maitaoye khailupa peire; puhnou shokhai toua buyu mai hrülaiye sü vupa peire.’

JEREMIAH 40:9

Gedaliah nou puletao hi paoe, “Enou neletao hisü cheche-a paowe, süolouzü Babilon maiye ngaopiso. Teidei hai hinou hrüa Babilon veo vei kuvah sü soua bulouzü, neletao hi kaozhou ashi ali-a vedaolai moe.

JEREMIAH 42:2

haibüa nou paoe, “Etao nou zhuvea nou khoyu nasü soupeio! Etao Ramai Mapao hi Etaoye panou hriloure donou veachi paokha peio. Nenou ngaowe, süolouzü raichokio Etao hai mai taoli bue, ana chuo mai daotu likhei bua baire.

JEREMIAH 44:2

Khoukhoulai Mapao, Israel maivei Ramai nou paoe, “Enou Jerusalem alia Judah vei nuhdu kukhetao soushi khaitouyu teitei sü neletao ngaore. Chukoute-a sütao sü shi-a nou buhie, ae mai linoua sütao hisü hrümo hie.

JEREMIAH 44:6

Südonou Enou avei lekha rarou nasü Judah vei nuhdutao hi ae Jerusalem vei duvatao hisü lakou peie, ae sütao sü meideilai peie. Sütao sü soushiloua khaiwure ae zhou koute ngaopi shopoa nou buhie.

JEREMIAH 50:23

Babilon maivei hubao sünou deiphao veishi daphesasa peie, ana chuo hubao sünasü sousasa khaiwure! Tyadei süna hi vepayu khesü ngaoloua tyahrü hrülai nou khupa soure.

JEREMIAH 9:11

Mapao nou paoe, “Enou Jerusalem sü tangina khaiyu buh ali soupeilai, ae lakhaotao panou bure buh soupeilai; Judah vei nuhdu khesü radeiki hi soudathou peiwulai, mai panou hrüloushi buh ali soupeilai.”

DOPFÜYU 1:19

“Eye leshiyu maitaoye sü Enou kuwe, ana puletao nou Eye tave soukha peibare. Napao maitao ae süthai-apei maitao hai hriloure donou touso phoua nuhdu vei luduva kinou thaitare.

DOPFÜYU 2:1

Mapao nou puhvei lekha rarou hinou Zion sü teimai teizhi sünou hongilure. Puhvei haveih khesü deiphi hi soushikou khaipeiwure. Puhnou lekha payu teithe sü puhvei Rathoki koute-a thaokhaiwua tare.

DOPFÜYU 2:10

Jerusalem hi tsümaitao hai zei tea nou deiphi hinou bua baire, Puletao vei pei hisü naihü nou bosho loure ae soukousah nou banoua bure. Jerusalem hi loumainahtao hai deiphi hi puletao vei pei sü pfüa nakou bure.

DOPFÜYU 4:1

Etao vei sana praivava-a buyu khesü shitare; Rathoki poa nou soukhai touyu chuh khesü duva kinou raroupoa nou bure.

DOPFÜYU 5:16

Etao nou khaophu soua buyu khesü aliro hazei toure. Etao nou mah souwure, ae chuo Etao nou veahoyu nasü ngaore.

EZEKIEL 26:16

Zai pe hinou hrüyu tyahrü hrülai vei vemaitao hai puletao vei vebuh hinou taokou talai, ae puletao nou vemai vei na nouyutao ae puletao vei sabanü aveih khesü phakhaiwua deiphi hinou ngaopi-a nguhrührüa nou bulai. Ne hi vepayu ko khesü puletao nou süloua ngaopi sholai ae puletao nou ngaopia ngurürüa buyu sü thaolou hoa bailai.

EZEKIEL 26:2

“Thai-a bailaiyu maipu nare, Tair vei nuhdu hinou hrüa buyu maitao nou Jerusalem ye sü haibüa nou paoe, ‘Chuo Jerusalem hai pepo tare, puhnou huha souloure khouko nasü hatare! Puhnou Etaoye dupu khailai more.’

EZEKIEL 5:5

Mapao Ramai nou haibüa paoe, “Jerusalem nuhdu nasü zhukhaio, Enou puhye sü deiphao toutsü hi khaipei khaitoue ae tyahrü hrülai nou puhye sü sühao poa nou bue.

LEVIMAI LARÜBVÜ 26:31

neletao vei nuhdu khesü soukanghi khaiwulai, neletao nou rathoyu buh khesü soushiwulai, ae neletao nou posheela peiyu khesü Enou popeilai moe.

LEVIMAI LARÜBVÜ 26:33

Enou neletao hisü soureih pove peilai ae neletaoye vakou maivei teidei hisü soupho rarou khaiwulai. Neletao vei teidei hisü panou mai hrülai moe, ae neletao vei nuhdu khesü soushi khaiwulai.

ZEPHANIAH 2:15

“Eh baie, mai kukhemai lia ha-e” teanou ngaopiyu liaha-a khaosou sho-a buyu nuhdu nasü haibüa bailai. Buh sünasü soushi khaituwua panou rekhaona nou ve buyu buh souwulai. Nuhdu süna tacho tayu mai hrülai nou ngaopi sho-a tayu soulai.

PONGAOPEIYU 18:7

Puhnou daizhozhou lah puhye sü paosho peiresa ea souvasho peiresa, süzhou veahoyu ea dopfüyu sü puh hia peikhaio. Daiolouzü puhlah puhle hinou haibüa paoe: ‘Veopai Esü buh haihinou chobue, Ewo meamaipfü moe, Ewo dopfüyu ngaokhai laimoe!’