ຟີລິບປອຍ 3:1 - ພຣະຄຳພີສັກສິ1 ທ້າຍສຸດນີ້ ພີ່ນ້ອງທັງຫລາຍຂອງເຮົາເອີຍ, ຈົ່ງຊື່ນຊົມຍິນດີໃນອົງພຣະຜູ້ເປັນເຈົ້າເທີ້ນ. ການທີ່ເຮົາຂຽນຊໍ້າຂໍ້ຄວາມ ຊຶ່ງເຮົາໄດ້ຂຽນກ່ອນໜ້ານັ້ນ ບໍ່ເປັນສິ່ງທີ່ລຳບາກແກ່ເຮົາດອກ ແຕ່ເປັນສິ່ງທີ່ປອດໄພແກ່ພວກເຈົ້າຫລາຍຂຶ້ນ. See the chapterພຣະຄຳພີລາວສະບັບສະໄໝໃໝ່1 ນອກຈາກນີ້, ພີ່ນ້ອງທັງຫລາຍຂອງເຮົາເອີຍ, ຈົ່ງຊື່ນຊົມຍິນດີໃນອົງພຣະຜູ້ເປັນເຈົ້າ! ບໍ່ເປັນການລຳບາກສຳລັບເຮົາເລີຍທີ່ຈະຂຽນເລື່ອງດຽວກັນເຖິງພວກເຈົ້າອີກ ແລະ ເລື່ອງນີ້ກໍເປັນການປ້ອງກັນພວກເຈົ້າດ້ວຍ. See the chapter |
ຟີລິບປອຍ 3:1
46 Cross References
ສະນັ້ນ ພວກເຂົາຈຶ່ງສຸກໃຈຫລາຍໃນມື້ນັ້ນ ໃນເມື່ອໄດ້ກິນແລະໄດ້ດື່ມຢູ່ຊ້ອງໜ້າພຣະເຈົ້າຢາເວ. ອັນນີ້ເປັນເທື່ອທີສອງ ທີ່ພວກເຂົາໄດ້ປະກາດແຕ່ງຕັ້ງໂຊໂລໂມນໃຫ້ຂຶ້ນເປັນກະສັດ. ໃນນາມຂອງພຣະເຈົ້າຢາເວ ພວກເຂົາໃຊ້ນໍ້າມັນສັກສິດຫົດສົງເຈີມໂຊໂລໂມນໃຫ້ຂຶ້ນເປັນຜູ້ປົກຄອງຂອງພວກເຂົາ ແລະແຕ່ງຕັ້ງຊາດົກໃຫ້ເປັນປະໂຣຫິດຂອງພວກເຂົາ.
ບັດນີ້ ຈົ່ງກັບເມືອເຮືອນ ແລະລ້ຽງສະຫລອງກັນສາ. ຈົ່ງແບ່ງປັນອາຫານ ແລະເຫຼົ້າອະງຸ່ນໃຫ້ແກ່ຜູ້ທີ່ບໍ່ມີພຽງພໍ. ວັນນີ້ແມ່ນວັນສັກສິດທີ່ຖວາຍແກ່ພຣະເຈົ້າຢາເວຂອງພວກເຮົາ; ສະນັ້ນ ຢ່າສູ່ໂສກເສົ້າ. ຄວາມຊົມຊື່ນຍິນດີທີ່ພຣະເຈົ້າຢາເວໂຜດໃຫ້ແກ່ພວກທ່ານນັ້ນ ຈະເຊີດຊູໃຈຂອງພວກທ່ານໃຫ້ເຂັ້ມແຂງຂຶ້ນໃໝ່.”
ໃຫ້ພວກເຈົ້າພ້ອມລູກເມຍກັບຄົນຮັບໃຊ້ ແລະຊາວເລວີທີ່ອາໄສຢູ່ໃນເມືອງພວກເຈົ້າ ພາກັນກິນຂອງຖວາຍເຫຼົ່ານີ້ຢູ່ຊ້ອງໜ້າພຣະເຈົ້າຢາເວ ພຣະເຈົ້າຂອງພວກເຈົ້າ ໃນບ່ອນນະມັດສະການແຫ່ງດຽວທີ່ພຣະເຈົ້າຢາເວ ພຣະເຈົ້າຂອງພວກເຈົ້າໄດ້ເລືອກໄວ້ ແລະພວກເຈົ້າກໍຈະດີໃຈໃນທີ່ນັ້ນ ເພາະສິ່ງທີ່ພວກເຈົ້າໄດ້ເຮັດ.
ຈົ່ງຊົມຊື່ນຍິນດີຢູ່ຊ້ອງໜ້າພຣະເຈົ້າຢາເວ ພຣະເຈົ້າຂອງພວກເຈົ້າຮ່ວມກັບລູກຊາຍຍິງຂອງເຈົ້າ, ທາດຮັບໃຊ້ຂອງເຈົ້າ, ຊາວເລວີ, ຊາວຕ່າງດ້າວ ເດັກກຳພ້າ ແລະແມ່ໝ້າຍທີ່ອາໄສຢູ່ໃນເມືອງຕ່າງໆຂອງພວກເຈົ້າ. ຈົ່ງຈັດພິທີນີ້ຂຶ້ນຢູ່ໃນບ່ອນທີ່ພຣະເຈົ້າຢາເວ ພຣະເຈົ້າຂອງພວກເຈົ້າໄດ້ເລືອກໄວ້ ຊຶ່ງໃຫ້ນາມຊື່ຂອງພຣະອົງຕັ້ງຢູ່.
ພີ່ນ້ອງທັງຫລາຍເອີຍ, ທ້າຍສຸດນີ້ ພວກເຮົາວອນຂໍ ແລະເຕືອນສະຕິພວກເຈົ້າໃນພຣະນາມຂອງອົງພຣະເຢຊູເຈົ້າວ່າ ພວກເຈົ້າໄດ້ຮຽນຮູ້ຈາກເຮົາແລ້ວວ່າ ຈຳເປັນຕ້ອງດຳເນີນຊີວິດຢ່າງໃດ ຈຶ່ງຈະເປັນທີ່ພໍພຣະໄທພຣະເຈົ້າ ເໝືອນດັ່ງພວກເຈົ້າກຳລັງປະຕິບັດຢູ່ແລ້ວ ກໍຈົ່ງປະຕິບັດດັ່ງນັ້ນໃຫ້ຫລາຍກວ່າເກົ່າອີກ.
Advertisements