फिलिप्पी 4:7 - Walangi

⁷ तोउं, परमेश्वरे से शान्ति जे हें समझ ना एन्ती, तुं मन त ध्यान सही सलामत रखता, किस कि तुस मसीह जुए मिओ असे।

फिलिप्पी 4:7 Cross References

लूका 1:79

ताकि अन्हारे त मौते उडार अन्तर बिशणे बाड़ी बचणे सुसुर बथ हरालियेल, त असी तेस बथ पुठ हंटाल, जेसे बेलि अस बगैर कोई परेशानी शान्ति जोई बिशियेल।

लूका 2:14

“खड़िया अम्बर पुठ परमेश्वरे गुणगान लौतु भुओ, होर धरती पुठ जेन्हि हेर से खुश असा, तेन्हि शान्ति लौती मेओ।”

यूहन्ना 14:27

अउं तुं धे शान्ति दी कइ घेण लगो असा। अउं तुं धे अपु शान्ति देण लगो असा। पर तीं देण नेईं लगो, जीं इस मतोके मेह्‍णु देन्ते। त तुस दुखी ना भुओ, होर ना डरे।

यूहन्ना 16:33

ई सोब बोक मेईं तुसी जे तोउं बोली कि में बेलि तुसी शान्ति मेईंयेल। इस मतोक अन्तर तुसी दुख भुन्ता, पर हिम्मत रखे, किस कि मेईं ई मतोक जीतो असा।”

रोमी 1:7

ए चिट्ठि रोम शेहरे तुसी सोबी जे असी, जे परमेश्वरे ट्यारे असे त शुचे भुण जे भिहो असे। हें परमपिता परमेश्वरे त प्रभु यीशु मसीहे कृपादृष्टि तुसी पुठ भुन्ति रिहे, होर तुसी शान्ति मेती रिहे। आमीन।

रोमी 14:17

किस कि परमेश्वरे राज्य अन्तर खाणे पीणे कोई खासियत नेईं, खासियत असी त शुची आत्माई बेलि धर्मी जीणे, अपफ बुच उई मी कइ त खुशी जुए बिशणे।

रोमी 15:13

त अउं प्रार्थना कता कि जे परमेश्वर हें जीवन उम्मीद जुए भरता, विश्वास करण अन्तर तुसी सोब किस्मी खुशी त शान्ति जोई भरे, ताकि शुची आत्माई ताकती बेलिए तुस अपु उम्मीद अन्तर पक्के भोई घियेल। आमीन

रोमी 5:1

तोउं त, किस कि हें प्रभु यीशु मसीह पुठ विश्वास करणे बेलि परमेश्वरे अस धर्मी बणो असे त तसे बेलिए अस परमेश्वर जोई मी गो असे।

रोमी 8:6

जिसमे बोकी अन्तर मन लाणे बेलि मौत एन्ती, पर परमेश्वरे आत्माई बोकी अन्तर मन लाणे बेलि जीवन त शान्ति मेती।

2 कुरिन्थ 10:5

अस परमेश्वरे ज्ञाने खिलाफ हर यक सोच मुकाई छते त सोबी के मन मसीहे वश अन्तर कते, ताकि सोब तसे निआंग माने।

2 कुरिन्थ 13:11

अब ए ट्यारेओ! यके मन भोई कइ, त उई मी कइ बिशे। खुश रिहे त हिम्मत रख कइ विश्वास अन्तर बस घिए। होर परेम त शान्ति देणे बाड़ा परमेश्वर तुसी जोई साते रेहन्ता।

गलाती 5:22

पर नोउएं गुण जे शुची आत्माई बेलि असी मेता तसे बेलि अस परेम त खुशी जुए उई मी कइ बिश्ते। अस बोडे लाह रख कइ दाह जुए यक होरी मदत कते। हें मन अन्तर हर बेले शान्ति भुन्ति त अस सम्हाई अब्बल अब्बल कम कते, होर यकीन लेएक भुन्ते।

फिलिप्पी 1:1

ट्यारे फिलिप्पी शेहरे सम्हाई विश्वासी भाई त भेण! तुसी त मसीहे सतसंगे सम्हाई सेवक त मुखिया! यीशु मसीहे नौखर अउं पौलुस त भाई तिमुथियुस तुसी जे नमस्कार कते जे यीशु मसीह पुठ विश्वास करणे बेलि शुचे भुओ असे।

फिलिप्पी 1:2

हें परमपिता परमेश्वरे त प्रभु यीशु मसीह कृपादृष्टि तुसी पुठ भुन्ति रिहे त सुख शान्ति तुसी मेती रिहे। आमीन

फिलिप्पी 4:19

में परमेश्वर अपु बेहिसाब अमीरी जुए यीशु मसीहे बेलि तुं हर यक जरूरत पूरी कता।

फिलिप्पी 4:21

प्रभु यीशु मसीह पुठ विश्वास करणे बेलि जे तुं आ शुचे भुओ असे, तेन्हि सम्हाई जे हें नमस्कार करे। मोउं जुए बिशो में सम्हाई साथी तुसी जे नमस्कार कते।

फिलिप्पी 4:9

मोउं केआं तुसी जे किछ बि शिचो असु, अउं करण काओ असा, त शुणो असु, से सम्हाई रोज कते रिहे। तोउं शान्ति देण बाड़ा परमेश्वर तुसी जुए भुन्ता।

कुलोसी 3:15

तुस हर यक कम त ब्योरा मसीहे दुतो शान्ति बेलि करीण दिए, किस कि तुस यक जिसमे ईं शान्ति जुए बिशुण जे भिहो असे। त तुस हमेशा परमेश्वरे धन्यवाद देन्ते रिहे।

2 थेस्सलु 3:16

अभेईं शान्ति देणे बाड़ा प्रभु तुसी हर बेले, हर किस्मी शान्ति दिए त तुसी सम्हाई जोई साते बिशे।

इब्रानी 13:20

त अभेईं, जे परमेश्वर, ढडुड़ के बोडा पुहाल हें प्रभु यीशु मसीह, अपु अमर जुबानी लहुए ताकती बेलि, मरो तेन्हि अन्तरा दुबारी जीआ, से तुसी शान्ति दिए।

यहूदा 1:1

ए में ट्यारे भाई त भेणिओं, जे परमपिता परमेश्वरे भिहो असे त यीशु मसीहे लिए सम्हाड़ी कइ रखो असे। तुसी सोबी जे अउं यीशु मसीहे सेवक त याकूबे भाई यहूदा नमस्ते कता।

प्र. बोके 1:4

एशिया इलाके सतहोई सतसंगे में ट्यारे विश्वासी भाई त भेणिओं! अउं यूहन्ना ई चिट्ठि लिखुण लगो असा त अउं चहन्ता कि परमेश्वरे कृपादृष्टि तुसी पुठ भुन्ति रिहे त तुसी शान्ति मेती रिहे। से परमेश्वर जीन्ता असा। से पेहलाई केआं जीन्ता थिआ, त अगर जे बि जीन्ता रेहन्ता। तिहांणि तेन्हि सत आत्माई, जे तसे सिंहासने समाणि भुन्ति, त यीशु मसीहे बि कृपादृष्टि तुसी पुठ भुन्ति रिहे, होर तुसी शान्ति मेती रिहे। से यीशु मसीह परमेश्वरे यकीन लेएक उगाह असा, जे मरो तेन्हि अन्तरा सोबी केआं पेहले दुबारी जीआ त धरती सोब राजी के अधिकारी असा। तेन असी जोई परेम किआ त अपु लहु बहाई कइ हें पाप धुई छड़े।

प्र. बोके 2:17

कन खोल कइ शुणीण दिए कि शुची आत्मा सतसंगी जे की बोती। जे जीतते, तेन्के धे अउं तेन्हि रौठि देन्ता जे अमर जीवन देन्ती। होर तेन्के धे यक हच्छा घोड़ बि देन्ता, जेस पुठ यक नोउ नओं लिखो भुन्तु। तेस नओएं बारे होर कोई ना जाणता, सद सेईंया जाणता, जेस से मेता।”