फिलिप्पी 4:1 - Walangi

¹ तोउं त, में ट्यारे भाई त भेण, जीं मेईं बोलो असु तीं प्रभु पुठ विश्वास अन्तर बस घिए। तुस मोउं खुशी देन्ते। तुस तेस मुकुटे ईं असे जे मोउं अपु कमे लिए प्रभु केआं मेओ असा। तुस मोउं तीं ट्यारे असे त अउं तुसी जोई मीण चहन्ता।

फिलिप्पी 4:1 Cross References

मत्ती 10:22

होर में बझई जोई सम्हाई मेह्‍णु तुसी हेर नफरत कते; पर जे अखिर तकर लाह जोई सीढ़िन्‍ता, सेईंया बचता।

यूहन्ना 8:31

तपल यीशु तेन्हि यहूदी मेह्‍णु जे बोलु, जेन तसे बोक मनो थी, “अगर तुस में बोक मानते रेहन्ते त तुस सच्चे में चेले बणते।

प्रतिनिधि 11:23

जपल से तठि पुजा त परमेश्वरे कृपा हेर कइ खुश भोई गा। तोउं तेन तेन्हि सोबी जे हिम्मत दी कइ बोलु कि पूरे मन जुओई प्रभु भक्ति करे।

प्रतिनिधि 14:22

बत से विश्वासी के मन टकाई कइ, विश्वास अन्तर पक्का भोई बिशुण जे हिम्मत देन्तेथ, त ईं बोतेथ कि “असी सुआ दुख तकलीफ सेही कइ परमेश्वरे राज्य अन्तर घेण असु।”

प्रतिनिधि 2:42

होर प्रतिनिधि केआं शिचण, सतसंग करण, साते रौठि खाण त प्रार्थना दुआ करण अन्तर मस्त भोई गे।

रोमी 2:7

परमेश्वर तेन्के धे अमर जीवन देन्ता, जे लाह रख कइ खरु कम कते रेहन्ते, ताकि तेन्हि जे परमेश्वर खरु बोलियाल, इज्जत दियेल, होर से तस जुए हमेशा बिशियेल।

1 कुरिन्थ 15:58

तोउं त, ए में ट्यारेओ, मसीह पुठ विश्वास अन्तर मजबूत रेह त परमेश्वरे दुतो कम कते रिहे, किस कि तुसी पता असा कि प्रभु जे तुं कोई बि कम बेकार ना भुन्तु।

1 कुरिन्थ 16:13

चौकाने भोई बिशे त मसीह पुठ विश्वास अन्तर मजबूत भोई घिए। मसीह जे हिम्मत करे त परमेश्वरे शक्ति बेलि ताकतवर बण घिए।

2 कुरिन्थ 1:14

तोउं, यीशु मसीहे एणे रोज तुस असी पुठ रोभ लान्ते त अस तुसी पुठ।

गलाती 5:1

त ए भाई त भेणिओं! मसीह अस नियमे वश केआं छुड़को असे, त सावधान बिशे कि दुबारी तेसे गुलामी ना करे।

फिलिप्पी 1:27

पर जीं बि भोल, तुस तीं जीण दिए जीं मसीहे खुश खबरी मानणे बाड़े जीन्ते। तोउं चहे अउं एई कइ तुसी जोई मिआल या तुसी केईं दूर भोई घियाल, अउं तु बारे ईं शुणता कि तुस विश्वास अन्तर बसी कइ, यक मन भोई कइ जे खुश खबरी विरोध कते तेन्हि जे तेसे सच्चाई उगाह देन्ते, जेस पुठ अस विश्वास कते।

फिलिप्पी 1:8

जीं यीशु मसीह तुसी जुए परेम कता, अउं बि तुसी जुए परेम कता। त मोउं तुं कत हप्पड़ लगता, तसे बारे उगाह परमेश्वर असा।

फिलिप्पी 2:16

तुस परमेश्वरे जीवन देणे बाड़े वचन अन्तर पक्के भोई बिशे। अगर तुस ई सोब कते त मसीह दुबारी एणे रोज अउं इस बोकी पुठ रोभ किढ़ता कि मसीह जे मेईं जे दुख सेहा त कष्ट किआ, से बेकार ना भुआ, बल्कि तसे फल तुस असे।

फिलिप्पी 2:26

तोउं बि मेईं तस तुसी केईं लंघाणे ठीक किओ असु, किस कि तस तुं सम्हाई के हप्पड़ लगो असा। त तसे बीमार भुणे बारे जे तुसी शुणो असु, तेस बझई जुए बि दुखी भोई गो असा।

कुलोसी 4:12

मसीह यीशु सेवक इपफ्रास बि तुसी जे नमस्कार कता। से तुं अठियाणि भो त हमेशा तुसी जे प्रार्थना कता रेहन्ता कि तुस विश्वास अन्तर सिद्ध भोई कइ परमेश्वरे इच्छा पुठ बस घियेल।

1 थेस्सलु 3:13

ताकि, से तुं मन ईं शुचा बणाल कि जपल हें प्रभु यीशु मसीह अपु सोब शुचा मेह्‍णु जुए एन्ता त हें परमेश्वरे त बोउए सम्हाणि तुं मन बजन दोषे मेईंयाल।

2 थेस्सलु 2:15

तोउं त ए भाई त भेणिओं! हिम्मत रखे त जे शिक्षा असी बोकी जुए त चिट्ठि बइ तुसी शिचालो असी, तस मानते रिहे।

2 तिमुथि 2:1

तोउं त ए तिमुथियुसा, में कोईया! प्रभु यीशु मसीह अन्तर जे कृपादृष्टि असी, तस अन्तर हउ बि ताकतवर बण।

इब्रानी 10:23

होर जे उम्मीद असी बजन शके रखो असी तेस पक्की रखते, किस कि जेन उम्मीदे जुबान दुतो असी, से सच्चा असा।

इब्रानी 3:14

किस कि अगर अस यीशु मसीह पुठ अखिर तकर अपु शुरुवाती भरोसा जुए बिश्ते त अस तेस जुए हेस्सेदार बणते।

इब्रानी 4:14

त किस कि असी जे परमेश्वरे कुआ यीशु असा, जे स्वर्ग अन्तर जे घेई गो असा। से हें बोडा पुजारा असा। त चले, तेस पुठ खरे हिम्मत जुए विश्वास कते रेहन्ते।

2 पतरस 3:17

तोउं त, ए ट्यारेओ! किस कि तुसी इन्हि बोकी के बारे पेहलाई पता लग गो असा, त तुस चौकाने बिशे, ताकि बेधर्मी के गलती अन्तर फस कइ विश्वास केईआं ना भटकियेल, होर अपु विश्वास खतम ना करियेल।