फिलिप्पी 3:8 - Walangi

⁸ आं! में प्रभु यीशु मसीह जाणण अन्तर जे अनमोल अशुश असी, तस सामणि सद से सोब नेईं जे मेईं बोलो असु, बल्कि बाकी सोब किछ बेकार असु। मेईं त अपु सम्हाई किछ गन्‍द-फन्‍द समझ कइ मसीहे खातिर छड़ दुतो असु, ताकि अउं तस अपु बणेउ।

फिलिप्पी 3:8 Cross References

लूका 1:43

ई कृपादृष्टि कोढ़िआ आई कि में प्रभु ई मोउं जुओई मीण जे अओ असी।

लूका 11:20

पर अगर अउं परमेश्वरे ताकत जुए दुष्ट आत्माई नशाणता त परमेश्वरे राज्य तुं बुछ पूज बि गो असा।”

यूहन्ना 14:20

तेस रोज तुसी पता लगाल कि परमपिता परमेश्वर अन्तर अउं असा त तुस में अन्तर असे; होर अउं तुसी अन्तर असा।

यूहन्ना 14:7

त अगर तुस मोउं सुसुर जाणते त में बोउ बि जाणते। त अभेईं तुस तस जाणते त काओ बि असा।”

यूहन्ना 16:3

से ए सोब तोउं कते, किस कि तेन्हि ना बोउ पिरान्तो असा होर ना अउं पिरान्तो असा।

यूहन्ना 17:3

त अमर जीवन पाणे तरीका ई असा कि तेन्हि पक्का पता लगे कि तुस ईं यक सच्चा परमेश्वर भो त अउं जे यीशु भो, सेईंए मसीह भो जे तुसी लंघो असा।

यूहन्ना 17:8

किस कि जे जे निआंग तुसी मोउं जे दिती, मेईं से तेन्हि जे बोल छेई त तेन्हि से सोब मनो असी। तेन्हि सुसुर पता लग गो असा कि अउं तुसी केईआं अओ असा, त तुसी अउं लंघो असा।

यूहन्ना 20:13

तेन्हि दुहि बोलु, “जिल्हाणुआ! तु किस रोलुण लगो असी?” त तेन तेन्हि जे बोलु, “कोउं जेईं में प्रभु घिन गो असे त मोउं पता नेईं से कोठि रखो असा।”

यूहन्ना 20:28

त थोमे बोलु, “ए में प्रभु, ए में परमेश्वरा!”

प्रतिनिधि 20:24

तोउं बि मोउं अपु प्राण ट्यारे नेईं। में त यके इच्छा असी कि अपु दौड़ त से कम पूरु करुण, जे प्रभु यीशु मेन्धे दुतो असे। से कम भो - परमेश्वरे कृपाई खुश खबरी उगाही देण।”

रोमी 8:18

अउं समझता कि इस टेमी दुख तकलीफ, परमेश्वरे असी पुठ प्रकट करणे बाड़ी महिमाईं सामणि कुछ बि नेईं।

रोमी 8:39

ना खड़िया, ना डुघियार, होर ना सृष्टि कोई बि चीज असी परमेश्वरे परेम केईआं, जे हें प्रभु यीशु मसीह अन्तर असा, असी अलग कइ ना बटते।

1 कुरिन्थ 2:2

किस कि तुसी जुए बिशणे टेम मेईं ठीक किओ थिउ कि अउं हर बोक पुठ मुर्ख बणता, पर सद यीशु मसीहे त तसे क्रूस पुठ मरणे बारे जाणकार बणता।

1 कुरिन्थ 9:10

ना! बल्कि से असी जे बि बोलुण लगो असा। किस कि बाणे बाड़ा किछ मेणे उम्मीद अन्तर ईं बांता, त खला पुररणे बाड़ा किछ मेणे उम्मीद अन्तर ईं खला पुरोड़ता।

2 कुरिन्थ 4:4

तेन्हि से खुश खबरी टगड़ियार न केती, जे परमेश्वरे यकी दुई मसीहे रौनक भो, किस कि इस धरती जे देवता असा, तेन तेन्के मन अन्हारा कइ छो असा।

2 कुरिन्थ 4:6

किस कि, ए सेईंए परमेश्वर भो, जेन सृष्टि बणाणे टेम बोलु कि “अन्हारु केआं टगड़ियार चमके।” त परमेश्वरे ईं अपु टगड़ियार हें मन अन्तर चमकाओ असी ताकि अस परमेश्वरे तेस रौनक मसीह यीशु बेलि समझ बटते।

इफिसुस 4:13

ई कम से तपल तकर कते जपल तकर विश्वास अन्तर त परमेश्वरे कोईये ज्ञान अन्तर हें मन यक ना भोई घेयाल, त अस यक सिद्ध मनख भोई कइ तसे ईं ना बणियेल।

फिलिप्पी 1:1

ट्यारे फिलिप्पी शेहरे सम्हाई विश्वासी भाई त भेण! तुसी त मसीहे सतसंगे सम्हाई सेवक त मुखिया! यीशु मसीहे नौखर अउं पौलुस त भाई तिमुथियुस तुसी जे नमस्कार कते जे यीशु मसीह पुठ विश्वास करणे बेलि शुचे भुओ असे।

फिलिप्पी 3:10

अउं मसीह सुसुर जाणण चहन्ता। अउं तसे दुबारी जीणे ताकत अपु जिन्‍दगी अन्तर मेहसुस करण चहन्ता, त अउं मरुण तकर बि तसे ईं कष्ट सीढ़ण चहन्ता।

फिलिप्पी 3:12

अउं ईं बोलुण नेईं लगो कि अउं इस पुठ कमियाब भोई गो असा, त परमेश्वरे अगर सिद्ध भोई गो असा। पर अउं यीशु मसीहे ईं भुण जे जब्बर कोशिश करण लगो असा, किस कि एसे खातिर तेन अउं चुणो असा।

फिलिप्पी 3:7

मोउं लगतुथ कि ए सोब मोउं जे फायदामन्द असु। पर अभेईं मोउं लगतु कि मसीह जाणणे लिए असे कोई फायदा नेईं।

2 तिमुथि 4:6

किस कि अभेईं परमेश्वर जे मोउं अपु जिनि भकत देणे टेम एई गो असा त में मरणे टेम भोई गो असा।

इब्रानी 3:14

किस कि अगर अस यीशु मसीह पुठ अखिर तकर अपु शुरुवाती भरोसा जुए बिश्ते त अस तेस जुए हेस्सेदार बणते।

1 पतरस 2:7

तोउं त, तुस जे तस पुठ विश्वास कते, तुं लिए से सुआ कीमति असे। पर जे विश्वास ना कते तेन्के लिए से, “जे घोड़ मिस्त्री रेज समझो थिआ, सेईंए कुणे पुठि खास घोड़ भोई गा।”

2 पतरस 1:2

परमेश्वरे त हें प्रभु यीशु जाणणे बेलिए तुसी पुठ तीं कृपादृष्टि त सुआ शान्ति मेती रिहे। आमीन

2 पतरस 1:3

जीवन जीण जे त परमेश्वरे भक्ति करण जे जे कुछ बि असी लौतु, परमेश्वरे अपु शक्ति बेलि से सोब हें धे दुतो असु। परमेश्वर बोडा त सुआ खरा भुणे बझई जोई अस भिहो असे। असी तसे पता असा, तोउं त ई सोब असी मेई गो असु।

2 पतरस 1:8

किस कि अगर तुस ए सोब कते रिहेल, होर अगर ए सोब गुण तुं अन्तर बधते घियेल, त तुस ई हरालते कि हें प्रभु यीशु मसीहे पिछाणणे बेलि तुं अन्तर जब्बर खरे असर भो असा।

2 पतरस 3:18

पर तुस हें प्रभु त बचाणे बाड़ा यीशु मसीह कृपादृष्टि त ज्ञान अन्तर बधते घिए। यीशु मसीहे इज्जत अभेईं त जुग जुग तकर भुन्ति रिहे। आमीन।

1 यूहन्ना 1:3

जे कुछ बि असी काउ या शुणु, तस तुसी जे बि बतान्ते, ताकि तुस बि हें संगते हेस्सेदार बणियेल। हें ए संगत बोउ जोई त तसे कुआ यीशु मसीह जोई असी।

1 यूहन्ना 2:19

से सम्हाई मसीह विरोधी हें बिचा निथे त सच्चे विश्वासी नेओथ। किस कि अगर से हें ईं सच्चे विश्वासी भुन्तेथ त असी जोई साते बिशतेथ। पर असी केईआं नश कइ तेन्हि ई हरालु कि से हें अपु नेओथ।

1 यूहन्ना 5:20

अस ई बि जाणते कि परमेश्वरे कुआ एई गो असा। तेन हेन्धे समझ दुतो असी कि अस तेस पिछाणियेल, जे सच्चा असा। होर किस कि अस तसे कुआ यीशु मसीह जुए जुड़ कइ बिश्ते, त अस तेस जुए बि जुड़ कइ बिश्ते, जे सच्चा असा। एईएं यीशु मसीह सच्चा परमेश्वर भो त अमर जीवन देणे बाड़ा भो।