फिलिप्पी 3:2 - Walangi

² तुस तेन्हि दुष्ट मेह्‍णु केईआं खबरदार बिशे जे बोते कि परमेश्वरे गभुर भुण जे रीति रिवाज जुए खतना कराण जरूरी असा। एन्हि कुतरेउ हेर दूर बिशे।

फिलिप्पी 3:2 Cross References

मत्ती 24:10

तपल सुआ जेईं विश्वास केआं उलाठ घेन्ते, यकी होरी धोखा देन्ते, त यकी होरी जोई बैर कते।

मत्ती 7:15

झूठे भविष्य वक्ती केआं दूर बिशे। से भोले-भाले ढडुड़ के वेश अन्तर तुं भेएड़ एन्ते, पर सच्चे बि से चीरणे बाड़े शेंखु भुन्ते।

मत्ती 7:6

शुची चीज कुतरेउ कें धे दी कइ बेकार ना मुकाए। अपु मोती सूरी के अगर न फटाए। ईं न भो कि से तेन्हि अपु खुर पड्डे ढच छड़े त तुसी बि चीर छड़ियेल।”

रोमी 2:28

किस कि सच्चा यहूदी से ना भो जे बाहरीआ केता, होर ना सच्चा खतना से असा, जे बाहरीआ केता त जिसम पुठ भुन्ता।

2 कुरिन्थ 11:13

किस कि से ना कोई मसीहे प्रतिनिधि असे, होर ना सच्चे मन जुए सेवा करणे बाड़े असे। से त बस, मसीहे प्रतिनिधि भुणे ढोंग कते।

गलाती 5:13

ए भाई त भेणिओं! परमेश्वरे तुस खुल कइ जीण जे भिहो असे। पर खबरदार बिशे कि जे छूट तुसी परमेश्वर केईं मेओ असी, तसे बेलि तुस अपु अपु जिसमे बुरी इच्छा पूरा ना करे, बल्कि परेम जुए यकी होरी सेवा करे।

गलाती 5:15

पर, अगर तुस अपफ बुच पलचिन्ते त यकी होरी दान्‍तियान्‍ते जीं कुतर कते, त हेरी बिशे कि यकी होरी ना मुकाई छड़े।

गलाती 5:6

किस कि जपल कोई मसीह यीशु पुठ विश्वास कता त तस खतना भुणे या ना भुणे कोई मुल नेईं। सद विश्वासे मुल असा जे परेमे बेलि अपफ हरालता।

फिलिप्पी 3:19

परमेश्वर तेन्हि सज्जा दी कइ मुकाई छता, किस कि से अपु जिसमे इच्छाई वश अन्तर असे। से सम्हाई बेशर्मी कमी पुठ रोभ किढ़ते। तेन्हि अपु अपु मन सद इस धरती चीजी पुठ लोओ असे।

फिलिप्पी 3:3

अस से भिन्थ जे परमेश्वरे सच्चे गभुर भो, किस कि अस परमेश्वरे आत्माई मदते बेलि तसे अराधना कते त यीशु मसीह असी बचाण जे किओ कम पुठ रोभ लान्ते। अस रीति रिवाज पुठ भरोसा ना कते।

1 तिमुथि 1:19

होर अपु विश्वास त साफ अन्तरात्मा छड़ ना दिए, जेस छड़ दी कइ कत मेह्‍णु के विश्वासे जहाज पाणि अन्तर डूब गो असा।

तीतुस 1:16

से त बोते कि परमेश्वर पिछाणते, पर तेन्के कम ई हरालता कि से तस न पिछाणते। किस कि से रशुणे असे त निआंग ना मानणे बाड़े असे। होर तेन्के बेलि कोई बि खरु कम भुन्ते ई नउ।

2 पतरस 2:22

तेन्हि पुठ ईं उजवाण सुसुर बिश्तु कि कुतर अपु उल्टी खाण जे, त सन्हो किओ सूर जन बुच लोटीण देण जे दुबारी घेई घेन्ते।

यहूदा 1:4

किस कि ईं केहि मेह्‍णु मठे नियोक कइ तुसी बुच एई गो असे, जे परमेश्वरे भक्ति ना कते त हें परमेश्वरे कृपादृष्टि यक मखोल ईं समझ कइ लूचियाम कते। होर त होर, ए हें यके मालिक त प्रभु यीशु मसीह बि ना मानते। परमेश्वर एन्हि की सज्जा देन्ता तसे बारे सुआ टेम केआं पेहलाई धरमे कताब अन्तर लिख छो असु।

प्र. बोके 2:9

अउं तुं दुख तकलीफ त गरीबी जाणता, पर आत्मा अन्तर तुस अमीर असे। होर जे मेह्‍णु अपफ जे यहूदी बोते, पर भिन्थ नउ, बल्कि से शैताने सतसंगे मेह्‍णु भो, तुं बारे तेन्के बुराई करण बि जाणता।

प्र. बोके 21:8

पर डरपोकी, अविश्वासी, बुराई करणे बाड़े, मेह्‍णुमार, गलत तरीके जुए जिसमे संमंध रखणे बाड़े, जादू टौणा करणे बाड़े, मुर्तिपुजा करणे बाड़े त सोब झूठे तेस टह्‌नु अन्तर घेन्ते, जे हमेशा आग त गन्धके बेलि जाओरा रेहन्ता। एईएं दोकु मरुण भो।”

प्र. बोके 22:15

पर जुठे मेह्‍णु जीं कि जादू टौणा करणे बाड़े, गलत तरीके जुए जिसमे संमंध रखणे बाड़े, मेह्‍णुमार त मुर्तिपुजा करणे बाड़े त झूठ बणाणे बाड़ा त झूठे साथ देणे बाड़े शेहरे बाहरे ईं रेहन्ते।”

प्र. बोके 3:9

हेर! अउं तेन्हि शैताने दले मेह्‍णु तुं वश अन्तर कइ छता, जे यहूदी बण बिशो असे, पर भिन्थ नओं। से झूठ बोते। हेर, अउं ईं कता कि से एई कइ तुं खुरी पुठ बिश्ते, त ईं बि जाण घेन्ते कि अउं तुसी जोई परेम कता।