फिलिप्पी 3:19 - Walangi

¹⁹ परमेश्वर तेन्हि सज्जा दी कइ मुकाई छता, किस कि से अपु जिसमे इच्छाई वश अन्तर असे। से सम्हाई बेशर्मी कमी पुठ रोभ किढ़ते। तेन्हि अपु अपु मन सद इस धरती चीजी पुठ लोओ असे।

फिलिप्पी 3:19 Cross References

मत्ती 16:23

त तेन पतरस जे बोलु, “ए शैताना, में सामणि केआं दूर भोई गा! तु में कम रोकुण लगो असा, किस कि तु परमेश्वरे बोकी पुठ न, बल्कि मेह्‍णु के बोकी पुठ मन लान्ता।”

मत्ती 25:41

तोउं से बउंआ कनारी तेन्हि जे बोता, ‘ए शराप लगो मेह्‍णुओ! में सामणि केआं ओस ना हुशणे बाड़ी आग अन्तर घेई घिए, जे शैतान त तसे दूती जे तेयार किओ असी।

लूका 12:19

त अपफ जे बोता कि मेईं अपफ जे केहि साले लिए अनाज कुठु कइ छो असु, त अभेईं अउं खांता, पीन्ता त सुखी बिश्ता।’

लूका 16:19

तोउं यीशु यक कथा शुणाई, “यक अमीर मेह्‍णु थिआ, जे खरे खरे झिणे डब कइ, होर रोज सुख शान्ति जुए खाई पी अपु जिन्‍दगी गुजारताथ।

लूका 18:4

कुछ रोज तकर त तेन ना मनी। पता तेन अपु मन अन्तर विचार कर कइ बोलु, ‘ना अउं परमेश्वरे हेर डरता, होर ना मेह्‍णु के परवाह कता।

रोमी 16:18

किस कि ईं मेह्‍णु हें मसीहे ना, पर अपु पेटे सेवा कते। होर चिकनी चुपड़ी बोकी बइ सिधे साधे मने मेह्‍णु बेहकाइ छते।

रोमी 6:21

पर तेस अजादी बेलि तुं की फायदा भुआ? तुसी त अब तेन्हि कमी हेर शरम एन्ती, किस कि तेन्हि कमी के अखिरि फल मौत असी।

1 कुरिन्थ 3:3

किस कि अभेईं तकर तुस अपु जिसमे इच्छाई मुताविक जीणे बाड़े असे। अगर तुसी बुछ जड़ुण, त झगड़ीण भुओल त की तुस जिसमे हेसाब जुए ना जीन्ते ना? तुस त मतोके मेह्‍णु के ईं असे।

1 कुरिन्थ 5:2

थु बारा थु! तुसी शरम अओ लौतीथ, पर तुस त रोभ लाण लगो असे। तुसी ईं कम करणे बाड़ा बखरे छइ छाण थिआ।

1 कुरिन्थ 5:6

तुसी की पता नेईं ना कि धिखुभई टकेणे सम्हाई आटा टकाण छता? तिहांणि एस मेह्‍णु के पाप होरी सम्हाई पाप अन्तर फसाई छता। तोउं त तुसी इस पुठ रोभ ना लाण चहिए।

2 कुरिन्थ 11:12

तुसी केईआं अपु खर्चा ना करवाणे मेईं जे फैसला नीओ असा, अगर बि तस पुठ अउं पक्का बिश्ता, ताकि अपफ जे बोडे प्रतिनिधि बताई कइ जे तुसी केईआं दान नेन्ते, तेन्हि मोउं जुए बराबर भुणे कोई मौका ना मेईंयाल।

2 कुरिन्थ 11:15

त अगर तसे सेवक तसे ईं धरमे कम करणे ढोंग कते त कोई नोई बोक नेईं। यक रोज तेन्हि अपु कमे फल जरूर मेता।

गलाती 6:13

ए खतना कराणे बाड़े अपफ त मूसे दुतो सम्हाई नियम ना मानते, पर से चहन्ते कि तुस नियम मान कइ अपु खतना करे, ताकि तुं जिसमे खतने बझई जुए से रोभ किढ़ बटियेल।

कुलोसी 3:2

तुस त अपु पापे गुणी जे मर गो असे त तुं जीवन मसीह जुए परमेश्वर अन्तर सही सलामत असा, त स्वर्ग अन्तर जे असु तस पुठ अपु ध्यान लाए, ना कि इस धरती चीजी पुठ।

2 थेस्सलु 1:9

से प्रभु भेएड़ केआं त तसे ताकते शान केआं दूर भोई घेन्ते त तेन्हि ना मुकुणे बाड़ी सज्जा मेती।

2 थेस्सलु 2:12

त जे सोब मेह्‍णु सच्चाई पुठ यकीन ना कते त पाप करण अन्तर खुश रेहन्ते, तेन्हि सोबी सज्जा मेई घेन्ति।

2 थेस्सलु 2:8

तोउं से कलंकी मेह्‍णु निसता। पर जपल प्रभु यीशु दुबारी एन्ता, से तेस अपु बोकी बइ मार छता त अपु एणेरी चमके बइ भसम कइ छता।

1 तिमुथि 6:5

त जेन्के बुद्धि भ्रष्ट भोई गो असी, त जे सच्चाई केआं दूर भोई गो असे, से सोचते की परमेश्वरे वचन शिचालण सुआ धन कठेरणे तरीका असा। तेन्के बुच बेहला झगड़ा भेएड़ा भुन्ता।

2 तिमुथि 3:4

से ठग, फुर्तुआटा, त लूचे भुन्ते। से परमेश्वर जोई परेम करणे बदले अपु मौज मस्ती अन्तर बिशुण ज्यादा पसंद कते।

याकूब 4:16

पर तुस त अपु तिकड़म पुठ बधरेईन्ते। ई सोब बधरेईण बुरु भुन्तु।

2 पतरस 2:1

त जीं तेन्हि इस्राएले मेह्‍णु बुछ केहि झूठे भविष्य वक्ता थिए, तीं तुसी बुछ बि गलत शिक्षा देणे बाड़े भुन्ते। से नियोक नियोक कइ नाश करणे बाड़ी कुबुद्धि देन्ते। से त तेस ताकतवर प्रभु बि इन्कार कते, जेन से अपु जानी कीमत दी कइ खरीदो असे। ईं कर कइ से अपु घेणे दन नीड़ीयेर आणते।

2 पतरस 2:13

तेन्के बुरु करणे फल तेन्के बुराई भुन्ति। तेन्हि त दन-धहाड़े मस्त मलंग अन्तर बिशुण खरु लगतु। ए मेह्‍णु तुसी जे कलंक त दोष भिन्थ, किस कि एन तुसी जोई त खाण पीण जे बिश्ते, पर अपु कनारा धाम खाई कइ गलत कम कते।

2 पतरस 2:3

से लालची भुन्ते त अपु फायदे लिए फेशि लाई कइ तुसी ठगान्ते। पर तेन्के सज्जा परमेश्वरे पेहलाई शुणाई छो असी। तेस एणे देर नेईं भो, त तेन्के खातमा नेईं टलो।

यहूदा 1:10

पर ए मेह्‍णु तेन्हि सोबी जे भलु बुरु बोते, जेन्के बारे से कुछ ना जाणते। होर जानवरी के ईं सभाव केईआं जेन्हि बोकी जाणते, तसे बेलि अपु अपफ खतम कते।

यहूदा 1:16

ए से मेह्‍णु भिन्थ जे कदी केसे बोकी पुठ खुश ना भुन्ते। ए हमेशा चरचर कते रेहन्ते त अपु अपु बुरी इच्छाई हेसाब जोई जीन्ते, होर अपु मुंहुए बइ बोडी बोडी बोके कते, त से अपु फायदे लिए कुछ बि बोते रेहन्ते।

यहूदा 1:4

किस कि ईं केहि मेह्‍णु मठे नियोक कइ तुसी बुच एई गो असे, जे परमेश्वरे भक्ति ना कते त हें परमेश्वरे कृपादृष्टि यक मखोल ईं समझ कइ लूचियाम कते। होर त होर, ए हें यके मालिक त प्रभु यीशु मसीह बि ना मानते। परमेश्वर एन्हि की सज्जा देन्ता तसे बारे सुआ टेम केआं पेहलाई धरमे कताब अन्तर लिख छो असु।

प्र. बोके 18:7

जती तेन अपु तारीफ की त मौज मस्ती की, ततुरु तुस तेस दुख दर्द दिए, किस कि से अपु अपफ बोती, ‘अउं त राणी ईं बस गो असी, होर विधवा नेईं, त शोक अन्तर कदी न घेन्ति।’

प्र. बोके 19:20

तोउं से खतरनाक जानवर त तेस जोई से झूठा भविष्य वक्ता बि टेइया, जे तेन्हि मेह्‍णु के समाणि होरे होरे निशाण हराल कइ भरमान्ताथ, जेन्हि पुठ तेस जानवरे छाप लगो थिए त जे तेसे मुर्तिपुजा कतेथ। ए दुहिए जीन्ते जी ईं तेस आगी टह्‌नु अन्तर फटाई छड़े, जे गन्धके बेलि जाती रेहन्ती।

प्र. बोके 21:8

पर डरपोकी, अविश्वासी, बुराई करणे बाड़े, मेह्‍णुमार, गलत तरीके जुए जिसमे संमंध रखणे बाड़े, जादू टौणा करणे बाड़े, मुर्तिपुजा करणे बाड़े त सोब झूठे तेस टह्‌नु अन्तर घेन्ते, जे हमेशा आग त गन्धके बेलि जाओरा रेहन्ता। एईएं दोकु मरुण भो।”

प्र. बोके 22:15

पर जुठे मेह्‍णु जीं कि जादू टौणा करणे बाड़े, गलत तरीके जुए जिसमे संमंध रखणे बाड़े, मेह्‍णुमार त मुर्तिपुजा करणे बाड़े त झूठ बणाणे बाड़ा त झूठे साथ देणे बाड़े शेहरे बाहरे ईं रेहन्ते।”