फिलिप्पी 2:8 - Walangi

⁸ जपल तेन मनखे रूप नीआ, तेन अपफ घटा। त मरण तकर, बल्कि क्रूस पुठ दुष्ट मेह्‍णु के ईं मरुण तकर परमेश्वरे बोक मनी।

फिलिप्पी 2:8 Cross References

मत्ती 17:2

तठि तेन्के सामणि यीशु रूप बदली गा त तसे मुंह दिसे ईं दुफार, होर तसे झिणे डंगे ईं हच्छे भोई गे।

मत्ती 26:39

तोउं से तठिआ थोड़ा अगर घेई कइ उटेऊ बिश गा, त प्रार्थना करण लगा, “ए में बोउआ! अगर भोई सकतु त एस दुखे घड़ी केआं मोउं बचा। तोउं बि जीं अउं चहन्ता तीं ना, पर जीं तु चहन्ता तीं लौतु भो।”

मत्ती 26:42

तोउं तेन दुबारी घेई कइ प्रार्थना की, “ए में बोउआ, अगर ए दुख मोउं सेहणे ईं असा त तें इच्छा पूरी भो।”

लूका 9:29

त तठि से प्रार्थना करणे टेम तसे रूप बदली गा, त तसे झिणे बि हच्छे भोई कइ चमकुण लगे।

यूहन्ना 10:18

में जान कोई मोउं केआं छुड़कान्ता नओं, पर अउं अपफ देन्ता, किस कि अपु जान देणे त वापिस नेणे हक में असा। में बोउए मेन्धे ई हक दुतो असा।”

यूहन्ना 14:31

पर ए सोब तोउं भुण लगो असु कि इस मतोके मेह्‍णु ई पता लगाल कि अउं बोउ जोई परेम कता त जे जे निआंग बोउए मेन्धे दुतो असी, तीं तीं अउं कता। खड़ भुए त चले! इठिआ नश घेन्ते।”

यूहन्ना 15:10

जीं अउं बोउए निआंग मान कइ तस जुए परेम जुए बिश्ता, तीं अगर तुस में निआंग मानते त मोउं जुए परेम जुए बिश्ते।

यूहन्ना 4:34

पर यीशु तेन्हि जे बोलु, “मोउं खांजे खाणे बेलि ना, बल्कि परमेश्वरे इच्छा मानणे बेलि त तसे कम पूरा करणे बेलि ताकत मेती।

प्रतिनिधि 8:33

तेस जोई बेज्जती त अन्याय भुआ, किस कि से चुपचाप बिशा। तसे कोई पीढ़ी नेईं, किस कि तसे प्राण धरती पुठा नी छो असे।”

रोमी 5:19

किस कि जीं यक मेह्‍णु आदमे निआंग ना मानणे बझई जोई सोब मेह्‍णु पापी बण गे, तिहांणि यक जेईं यीशु निआंग मानणे बेलिए सुआ मेह्‍णु धर्मी बण घेन्ते।

2 कुरिन्थ 8:9

तुसी हें प्रभु यीशु मसीहे कृपाई बारे त पता असा। से कीं स्वर्ग अन्तर अमीर भोई कइ बि तुं लिए इस धरती पुठ गरीब बण कइ जमा, ताकि तसे गरीब बणणे बेलिए तुस अमीर बण घिए।

गलाती 3:13

मसीहे हें सम्हाई शराप अपफ पुठ नी कइ, नियमे जे शक्ति असी पुठ थी, से नाकाम कर कइ अस अजाद कइ छड़े। किस कि धरमे कताब ईं बि बोती कि “जे कोउं बुटे पुठ ढनाई घेन्ता, तेस पुठ शराप असा।”

तीतुस 2:14

तेन अपु जिन्‍दगी हें लिए भकत दिती, ताकि अस सम्हाई पाप केआं छुड़कियेल त शुचे भोई कइ तसे यक टज बणियेल जे खरे खरे कम करण जे तेयार असे।

इब्रानी 12:2

होर चले, हें विश्वासे मालिक त हें विश्वास सिद्ध करणे बाड़ा, तेस यीशु मसीह पुठ अस अपु नजर टगाई रखते। तेन तेस खुशी लिए जे तसे अगर थी, लजीणे कोई परवाह न कर कइ क्रूस पुठ मर गा त अब परमेश्वरे सिंहासने देहणा कना इज्जते बाड़ी जगाई घेई बिशा।

इब्रानी 12:4

तुस पापे त गलत करणे खिलाफ लड़ाई करण लगो असे। पर एतु बि नेईं लगो कि तुस लहुलुहान भोई गो असे।

1 पतरस 2:24

तेन अपफ हें सोब पाप अपु जिसम पुठ घिन कइ क्रूस पुठ चढ़ गा, जेसे बेलिए अस पाप करण जे मरो तेन्के ईं भोई गे ताकि धरमे लिए जिन्‍दगी जीएल; तसेरी मार खाणे बेलिए तुस ठीक भुओ असे।

1 पतरस 3:18

किस कि मसीह बि सोबी के पापे लिए यक लिंग मर गा। एसे मतलब असा कि अधर्मी के लिए धर्मी मेह्‍णु मर गा, ताकि असी परमेश्वर केईं पुजाल। जिसमे हेसाब जोई त मेह्‍णु मसीह मार छड़ा, पर आत्माई बेलि परमेश्वरे से दुबारी जीआई छड़ा।