फिलिप्पी 2:7 - Walangi

⁷ बल्कि तेन अपु सोब किछ छड़ दी कइ अपफ घटा, त मनखे रूप नी कइ जमा, होर यक नौखरे ईं भुआ।

फिलिप्पी 2:7 Cross References

मत्ती 12:18

तेन परमेश्वरे बोलो बोक लिखो थी कि “हेरे! ए में सेवक भो, जे मेईं चुणो असा; में ट्यारा, जेस हेर अउं ती खुश असा। अउं अपु आत्मा तेस पुठ छान्‍ता त से हर यक जाति मेह्‍णु के बुछ में न्याये करणे बारे प्रचार कता।

मत्ती 20:28

किस कि अउं मनखे कुआ बि तोउं नेईं अओ कि में सेवा करेउं। अउं तोउं अओ असा कि होरी के सेवा करुं। त सोबी मेह्‍णु पापे सज्जाई केआं बचाणे लिए अपु प्राण दिउं।”

मरकुस 9:12

तेन तेन्हि जे बोलु, “एलिय्याह सच्चे पेहले एई कइ सोब किछ सुसुर कता, पर मनखे कोईये बारे ईं किस लिखो असु कि से सुआ दुख सेहन्ता त मेह्‍णु तस ना मानते?

लूका 22:27

किस कि बोडा कोउं असा जे खाण जे बिश्ता या से जे सेवा कता? कि से नेईं ना, जे रौठि खाण जे बिशो असा? पर अउं तुसी बुच यक नौखरे ईं असा। त तुस बि में ईं बणे।”

यूहन्ना 1:14

जे शब्द असा से मनखे रूप नी कइ असी बुच रेहा। यूहन्ना बि तसे बारे ईं उगाह दी कइ जोरी जुए बोलु “ए सेईंया भो, जेस बारे मेईं बोलो थी कि जे में पता एन्ता से मोउं केआं बि बोडा असा, किस कि मोउं जमुण केआं पेहले ईं से थिआ।” असी अपफ परमेश्वरे इकलौते कोईये महिमा काई छो असी जे परमपिता परमेश्वर केईआं अओ असा। तेन असी परमेश्वरे पूरी दाह हरालो असी त परमेश्वरे सच्चाई असी जे बोलो असी।

रोमी 1:3

ए खुश खबरी अपु कुआ, हें प्रभु यीशु मसीहे बारे असी। से जिसमे हेसाब जुए त राजा दाऊदे ऊड़ी अन्तर जमो थिआ।

रोमी 15:3

किस कि मसीह सद अपु अपफ खुश न भुआ, पर धरमे कताब अन्तर लिखो बोके हेसाब जुए किउ। लिखो असु कि “ए परमेश्वरा, जे बुराई मेह्‍णु तें कते, से मोउं पुठ एई गो असी।”

रोमी 15:8

अउं त बोता कि जे जुबान परमेश्वरे यहूदी मेह्‍णु के पुरखी कें धे दुतो थी, तेन्हि पूरा करण जे त परमेश्वरे सच्चाई सबूत देणे लिए, मसीह यहूदी मेह्‍णु के सेवक बणा।

रोमी 8:3

किस कि नियमे जे कम असी कमजोर भोई कइ कर ना बटे, से परमेश्वरे किए। ई करण जे तेन अपु कुआ हें ईं मनखे जिसम अन्तर लंघा, ताकि से हें पापे लिए भकत चढ़ियेल। तीं कर कइ परमेश्वरे जिसम पुठ पापे सज्जा दिती,

2 कुरिन्थ 13:4

किस कि से कमजोर भोई कइ क्रूस पुठ मर गा, पर अब परमेश्वरे ताकत जुए जीन्ता असा। त आं, तस जुए अस शयद तुसी कमजोर लगते, पर तुसी सबक देण जे असी केईं परमेश्वरे रज्जि ताकत असी।

2 कुरिन्थ 8:9

तुसी हें प्रभु यीशु मसीहे कृपाई बारे त पता असा। से कीं स्वर्ग अन्तर अमीर भोई कइ बि तुं लिए इस धरती पुठ गरीब बण कइ जमा, ताकि तसे गरीब बणणे बेलिए तुस अमीर बण घिए।

गलाती 4:4

पर जपल परमेश्वरे ठीक किओ टेम आ त तेन अपु कुआ लंघा, जे जिल्हाणु बेलि यक यहूदी टब्बर अन्तर जमा त नियमे वश अन्तर रेहा।

फिलिप्पी 2:6

से अपफ परमेश्वर भोई कइ बि परमेश्वरे जगाई पुठ बिशणे कोशिश ना की।

इब्रानी 12:2

होर चले, हें विश्वासे मालिक त हें विश्वास सिद्ध करणे बाड़ा, तेस यीशु मसीह पुठ अस अपु नजर टगाई रखते। तेन तेस खुशी लिए जे तसे अगर थी, लजीणे कोई परवाह न कर कइ क्रूस पुठ मर गा त अब परमेश्वरे सिंहासने देहणा कना इज्जते बाड़ी जगाई घेई बिशा।

इब्रानी 13:3

तेन्हि कैदी विश्वासी के ईं ख्याल रखे, जीं तुस अपफ बि तेन्हि जोई साते जेहेल अन्तर असे। होर जे भुंजाओ असे, तेन्के बि ईं समझ कइ ख्याल रखे कि जीं तुसे भुंजाण लोओ असे।

इब्रानी 4:15

किस कि असी जे यक ईं बोडा पुजारा असा, जे असी सुसुर समझता। से तोउं असी समझ बटता, किस कि तसे हर यक बोकी पुठ परीक्षा भो थी, पर तेन कोई गलती त पाप न किआ।