किस कि बोडा कोउं असा जे खाण जे बिश्ता या से जे सेवा कता? कि से नेईं ना, जे रौठि खाण जे बिशो असा? पर अउं तुसी बुच यक नौखरे ईं असा। त तुस बि में ईं बणे।”
परमेश्वरे तेस नासरत ग्रांए यीशु धे शुची आत्मा त अपु ताकत दुतो थी। से भलाई कता त तेन्हि सोबी ठीक कते, जे शैताने भुंजो थिए, इएर-ओवर हंटते रिहा, किस कि परमेश्वर तेस जोई साते थिआ।
जे किछ बि मेईं किउ, तसे बेलि मेईं तुसी हरालु कि इस रीत जोई मेहनत कर कइ गरीब मेह्णु के मदत करीण। असी से वचन याद रखण जरूरी असा, जे प्रभु यीशु अपफ बोलो असा: ‘नेण केआं देणे बाड़ा धन्य असा।’”
जे चीज तुस खांते, अगर तसे बेलिए केस विश्वासी विश्वास खतम भोई घेन्ता, त फि तुस तेस जोई परेम ना हरालते। त जेस बचाणे लिए मसीह मरा, तेस तुस अपु खाणे बेलिए खतम न करे।
ट्यारे फिलिप्पी शेहरे सम्हाई विश्वासी भाई त भेण! तुसी त मसीहे सतसंगे सम्हाई सेवक त मुखिया! यीशु मसीहे नौखर अउं पौलुस त भाई तिमुथियुस तुसी जे नमस्कार कते जे यीशु मसीह पुठ विश्वास करणे बेलि शुचे भुओ असे।
