4 त सद अपु फायदा जे किछ ना करे, बल्कि होरी फायदा जे बि करे।
तोउं यीशु बोलु, “पर तुसी बिचा अगर कोई बि मोउं पुठ विश्वास करणे बाड़ी, एन्हि बिचारी अन्तरा यक जेईं बि पाप कराणे बझह बणियेल, त तेन्हि जोई सुआ बुरु भुन्तु। घते पठ तसे कियाड़ी बइ बन्ह कइ अगर डुघा दरेउ अन्तर फटाई छड़ियेल तोउं बि तस जे घट असु।
खुश बिशणे बाड़ी जोई खुश रिहे, रोलणे बाड़ी जोई रोलीण दिए।
त ए ट्यारेओ! अस जे विश्वास अन्तर पक्के असे, असी लौतु कि जे विश्वास अन्तर कमजोर असे, तेन्के कमजोरी सेहण करीण, न कि अपु अपफ खुश करण।
तोउं त, तुस सिर्फ अपु फायदा ना तोपे, बल्कि होरी के फायदे बारे बि सोचे।
की बारा! केसेरी कमजोरी हेर कइ कि अउं कमजोर न भुन्ता ना? होर, अगर कोउं जेईं पाप अन्तर फसता त की मोउं दुख न लगता ना? आं, मोउं तीं लगता।
अस ईं कशि बिश्ते कि हें जीण त लियागते बेलि केसे जेईं बि कोई उछुट ना लगे त हें कम अन्तर कोई कमी ना रिहे।
अगर तुस परमेश्वरे तेस नियम मानते जे कि तसे राज्ये नियम असा त तुस खरु कते। से नियम भो: “तु अपु भेयाड़ जोई अपु बराबर परेम कर।”
