फिलिप्पी 2:29 - Walangi

²⁹ त मसीह पुठ विश्वास करण अन्तर तुं भाई समझ कइ बोडे खुशी जुए तसे अग्रोई करे। तस त तसे ईं मेह्‍णु सुआ इज्जत दिए।

फिलिप्पी 2:29 Cross References

लूका 9:5

जे कोई तुसी ना धराल त तेस ग्रां केआं घेन्त पेंत अपु खुरे तड़वाए धूड़ ठुटकी छड़े, ताकि परमेश्वर न्याय करणे वकत से तेन्के खिलाफ उगाह दियेल।”

यूहन्ना 13:20

अउं तुसी जे बोता कि जे में लंघो तस अपणान्ता, से मोउं अपणान्ता। त जे मोउं अपणान्ता, से मोउं लंघाणे बाड़े बि अपणान्ता।”

प्रतिनिधि 2:46

से रोज रोज यक सतसंग बण कइ देहेर अन्तर किठिन्तेथ, होर गी गी घेई कइ प्रभु रौठि बांट चुन्‍ठ कइ खांतेथ त सुआ खुशी जुए त बजन केहर-बेहरी सोब साते खांते पीन्तेथ।

प्रतिनिधि 28:10

तेन्हि सुआ तरीके जोई हें इज्जत की। टाई मेहने पता, जपल असी जहाज पुठ अपु सफर शुरु किआ त तेन्हि से हर यक चीज जहाज पुठ पुजाई छड़ी, जेसे असी जरूरत थी।

प्रतिनिधि 8:8

ईं भोई कइ तेस शेहर अन्तर सुआ खुशी एई गई।

रोमी 10:15

होर अगर लंघाल नउ, त कोई कीं कइ शुणान्ता त प्रचार कता? धरमे कताब अन्तर एसे बारे लिखो असु, “तेन्के एण कतु शुभ असु, जे खुश खबरी शुणान्ते!”

रोमी 16:2

अउं तुसी जे बोता कि जीं विश्वासी मेह्‍णु करो लौतु, तीं तुस तेस जे प्रभु नओएं बेलि आबिश करीण दिए। त जेस केसे बोक अन्तर तेस तुं जरूरत भोल तसे मदत करे, किस कि से बि अपफ जे सुआ जेईं के बल्कि में बि खरी करणे बाड़ी हरालो असी।

1 कुरिन्थ 16:10

अगर तिमुथियुस पूज घियाल, त तसे खरी खातिरदारी करे, किस कि में ईं से बि प्रभु कम करण लगो असा।

1 कुरिन्थ 16:18

त तेन्हि एई कइ मोउं त तुसी बि शान्ति दिती। तोउं त, एन्के ईं मेह्‍णु के खरी इज्जत करे।

2 कुरिन्थ 10:18

किस कि अब्बल सेईंए भुन्ता, जेस प्रभु अब्बल मानता। न कि से, जे अपु अपफ अब्बल बणता।

2 कुरिन्थ 7:2

अपु मन हें लिए खोल कइ रखे। असी न केसेरी बुरु किउ, न कोउं बरबाद किआ, होर न केसेरी फायदा उठा।

फिलिप्पी 2:28

तोउं त इफ्रुदितुस तुसी केईं लंघाण जे में तीं मन किआ ताकि तस जुए मी कइ तुसी सुख मेईंयाल त तुं बारे में मन बि धिक पोली घेआल।

कुलोसी 4:10

अरिस्तर्खुस जे मोउं जुए कैदी असा, यीशु जेस जे अस यूस्तुस बोते, त मरकुस जे बर्नबासे रिश्तेदार लगता, त जेसे बारे तुसी जे बोलो असु कि अगर से तुसी केईं एईयाल त तस जुए सुसुर उरतीण-बरतीण दिए, ए सम्हाई भाई तुसी जे नमस्कार कते। यहूदी मेह्‍णु बुच सद एईएं असे जे परमेश्वरे राज्य लिए मोउं जुए कष्ट कते त मोउं हिम्मत देन्ते।

1 थेस्सलु 5:12

त ए भाई त भेणिओं! अस तुसी जे हथ जोड़ते कि जे तुसी बुच कम कते, त प्रभु यीशु अन्तर तुसी बधान्ते, त तुसी शिचालते, तेन्के इज्जत करे।

1 तिमुथि 5:17

जे मुखिये सतसंगे कम-काज सुसुर हेरते, खास कइ जे परमेश्वरे वचने प्रचार करण त शिचालण अन्तर कष्ट उठान्ते, तेन्हि सोबी मेह्‍णु दुई गुणा इज्जते हकदार समझे।

इब्रानी 13:17

तुस अपु मुखिये के केहणा माने त तेन्के वश अन्तर बिशे, किस कि तुस तेन्के जिम्मेबारी भो त तेन्हि बि लेखाजोखा देण एन्ता। तोउं से अपु कम खुशी जोई कते, ना कि यक भरोठ समझ कइ। किस कि अगर तीं कते त तुं कोई फायदा न भुन्ता।

3 यूहन्ना 1:10

तोउं त जपल अउं एऊं त तसे कमी के टमझण सोबी के सामणि भीं किढ़ता। से हें बारे भलु बुरु बकता, तोउं बि तेसे पेट ना भरीन्‍तु। किस कि से अपफ त तेन्हि प्रभु सेवक ना धरान्ता, होर जे तेन्हि धराण चहन्ते तेन्हि बि ठाकता त सतसंग केआं बखरे कराई छता।