फिलिप्पी 2:26 - Walangi

²⁶ तोउं बि मेईं तस तुसी केईं लंघाणे ठीक किओ असु, किस कि तस तुं सम्हाई के हप्पड़ लगो असा। त तसे बीमार भुणे बारे जे तुसी शुणो असु, तेस बझई जुए बि दुखी भोई गो असा।

फिलिप्पी 2:26 Cross References

मत्ती 11:28

मोउं केईं एईए तुस सोब, जे मेहनत कर कइ थको असे त परेशानी बेलिए दबीए असे, अउं तुसी अराम देन्ता।

मत्ती 26:37

से पतरस त जबदी दुहि कुआ याकूब त यूहन्ना साते घिन गा। तोउं से ती उदास त परेशान भुण लगा।

प्रतिनिधि 21:13

पर पौलुसे जवाब दिता, “ईं रोल रोल कइ तुस में काजा टुकड़ेरण किस लगो असे? अउं त प्रभु यीशु नओएं लिए यरुशलेम शेहर अन्तर न सद कैद भुण जे, बल्कि मरण जे बि तेयार असा।”

रोमी 1:11

तुसी जोई मीणे में तीं इच्छा असी, ताकि परमेश्वरे आत्माई दुतो वरदान तुसी जुए बांट सकुं, जेसे बेलि विश्वास अन्तर तुस ताकतवर बण घेन्ते।

रोमी 12:15

खुश बिशणे बाड़ी जोई खुश रिहे, रोलणे बाड़ी जोई रोलीण दिए।

रोमी 9:2

मोउं सुआ दुख असा, होर में मन हमेशा अशी असी,

1 कुरिन्थ 12:26

तोउं त, अगर जिसमे कोई यक अंग कष्ट अन्तर भोल त जिसमे सम्हाई अंगी बि तस जुए कष्ट लगता। होर अगर जिसमे कोई यक अंगे खरी सेवा भुन्ति त होरे सम्हाई अंग खुश भोई घेन्ते।

2 कुरिन्थ 9:14

त जे खास कृपा परमेश्वरे तुसी पुठ किओ असी, तसे लिए से तुसी याद कते त बोडे चह जुए प्रार्थना कते।

गलाती 6:2

परेशानी त कष्ट अन्तर तुस यकी होरी मदत करे। ई करणे बेलि तुस मसीहे शिक्षाई हेसाब जुए जी सकते।

इफिसुस 3:13

तुसी जे, जे कष्ट अउं सेहन्ता, एसेरी बेलि तुं फायदा भुन्ता। त अउं हथ जोड़ता कि तुस अपु हिम्मत ना छड़े।

फिलिप्पी 1:3

ए ट्यारे! जपल बि मोउं तुं याद एन्ती, अउं हर बेले अपु परमेश्वरे धन्यवाद कता। किस कि जिखेईं केआं खड़ी तुसी यीशु मसीह बारे खुश खबरी शुणो असी, तसे प्रचार करण अन्तर तुसी में साथ दुतो असा। तोउं त, अउं बोडे खुशी जुए याद कर कइ तुसी जे हर बेले प्रार्थना कता।

फिलिप्पी 1:8

जीं यीशु मसीह तुसी जुए परेम कता, अउं बि तुसी जुए परेम कता। त मोउं तुं कत हप्पड़ लगता, तसे बारे उगाह परमेश्वर असा।

फिलिप्पी 2:25

तोउं तकर, मोउं ई जरूरी लगतु कि तुसी केईं अउं इफ्रुदितुस वापिस लंघाउ। से मसीह पुठ विश्वास करणे बेलि में भाई त खुश खबरी प्रचार करण अन्तर में साथी असा। से सपाही ईं खुश खबरी सच्चाई उगाह देण अन्तर मोउं जुए साते लड़ाई कता त तुं प्रतिनिधि बण कइ जरूरते टेम में मदत कता।

फिलिप्पी 2:27

आं! से सच्चे बि बीमार थिआ। एत थिआ कि मरणे बाड़ा थिआ। तोउं बि परमेश्वरे तस पुठ दाह की। आं, तेन मोउं पुठ बि दाह की, किस कि अगर से मर घेन्ताथ त में जेहले दुख पुठ हउ दुख एन्ताथ।

फिलिप्पी 4:1

तोउं त, में ट्यारे भाई त भेण, जीं मेईं बोलो असु तीं प्रभु पुठ विश्वास अन्तर बस घिए। तुस मोउं खुशी देन्ते। तुस तेस मुकुटे ईं असे जे मोउं अपु कमे लिए प्रभु केआं मेओ असा। तुस मोउं तीं ट्यारे असे त अउं तुसी जोई मीण चहन्ता।

1 पतरस 1:6

इस बझई जोई तुस खुशी मनाण दिए। आं! बेशक अभेईं केहि दिने लिए, ई जरूरी भोई गो असु कि केहि किस्मी इम्तिहाने बेलि तुस दुख अन्तर असे।