फिलिप्पी 2:25 - Walangi

²⁵ तोउं तकर, मोउं ई जरूरी लगतु कि तुसी केईं अउं इफ्रुदितुस वापिस लंघाउ। से मसीह पुठ विश्वास करणे बेलि में भाई त खुश खबरी प्रचार करण अन्तर में साथी असा। से सपाही ईं खुश खबरी सच्चाई उगाह देण अन्तर मोउं जुए साते लड़ाई कता त तुं प्रतिनिधि बण कइ जरूरते टेम में मदत कता।

फिलिप्पी 2:25 Cross References

यूहन्ना 13:16

अउं तुसी जे बोता कि गुलाम अपु मालिक केआं बोडा नेईं; त ना दूत अपु लंघाणे बाड़े केआं बोडा असा।

यूहन्ना 17:18

जीं तुसी अउं मतोक अन्तर लंघो असा, तीं मेईं बि ए मतोक अन्तर जे लंघो असे।

रोमी 16:3

अउं प्रिस्का भेण त तसे धाणि अक्विला भाई जे नमस्कार कता, जे मसीह यीशु सेवा करण अन्तर मोउं जोई साते कष्ट कते।

रोमी 16:9

उरबानुस जे, जे असी जोई साते मसीहे सेवा कता, होर में ट्यारे भाई इस्तखुस जे में नमस्कार।

1 कुरिन्थ 3:9

परमेश्वरे सेवा अन्तर अस साथी असे त तुस परमेश्वरे बगे ईं भो त तसे गी भो।

2 कुरिन्थ 2:13

पर ट्यारा भाई तीतुस ना भुणे बझई जुए में मन तठि न लगा। त अउं तेन्हि छड़ दी कइ मकिदुनिया राज्य जे घेई गा।

फिलिप्पी 2:26

तोउं बि मेईं तस तुसी केईं लंघाणे ठीक किओ असु, किस कि तस तुं सम्हाई के हप्पड़ लगो असा। त तसे बीमार भुणे बारे जे तुसी शुणो असु, तेस बझई जुए बि दुखी भोई गो असा।

फिलिप्पी 4:18

अभेईं में जरूरत जे मोउं सुआ मेओ असु त मोउं केईं डट कइ असु। इफ्रुदितुस केईआं तुसी जे चन्ना लंघो थिआ, तसे बेलि अउं रज्जि भोई गो असा। से चन्ना परमेश्वरे लेएक तस खुश करण जे यक अब्बल मुश्कदार भकत ईं असा।

फिलिप्पी 4:3

ए में सच्चा साथीआ! अउं तें छनेअरे कता कि एन्हि जिल्हाणु के अणबण मुकाण जे मदत कर। किस कि एन्हि मोउं जुए, क्लेमेंस त में होरे साथी जुए खुश खबरी प्रचार करण अन्तर तीं कम किओ थिउ। एन्के नओं परमेश्वरे अपु कताब अन्तर लिख छो असु, जेस अन्तर तेन्हि मेह्‍णु के नओं असे, जेन्हि केईं अमर जीवन असा।

कुलोसी 1:7

तुस एसे बारे हें ट्यारा साथी त मसीहे यकीन लेएक सेवक भाई इपफ्रास केआं शिचे।

1 थेस्सलु 3:2

त असी मसीहे खुश खबरी अन्तर हें भाई त परमेश्वरे सेवा करण अन्तर हें साथी तिमुथियुस तुं भेएड़ जे लंघा, ताकि से विश्वास अन्तर तुसी मजबूत कराल त हिम्मत दियाल,

फिलेमोन 1:24

होर तिहांणि मोउं जुएई साते प्रभु सेवा करणे बाड़े मरकुस भाई, अरिस्तर्खुस भाई, देमास भाई त लूका भाई बि तुसी जे नमस्कार कते।

इब्रानी 3:1

तोउं त, ए में भाई त भेणिओं! तुस, जे परमेश्वरे शुचे भुण जे भिओ असे! हें विश्वासे मुखिया त हें बोडा पुजारे यीशु बारे धिक सोचे।