फिलिप्पी 2:2 - Walangi

² त तेस बझई जुए यक होरी जुए राजि भोई कइ, उई मी कइ बिशे। त तुं सोबी के मकसद त इच्छा सद मसीह खुश करणे भुण चहिए। ईं करियेल त मोउं तीं खुशी मेती।

फिलिप्पी 2:2 Cross References

यूहन्ना 3:29

इए शुणे! जे कुआ दुल्हन जुए ब्याह कता, से दुल्हा भो। त जीं दुल्हे मितर दुल्हे जुए खड़ भोई कइ दुल्हे अवाज शुणणे बेलि खुशी मेती, ती खुशी जुए में छाड़ि भीं लगण लगोरी नेईं।

प्रतिनिधि 1:14

ए सोब प्रतिनिधि जोई होरी जिल्हाणु, यीशु ई मरियम त भाई बि, मी कइ घड़ी घड़ी प्रार्थना दुआ करण लगे।

प्रतिनिधि 2:1

प्रभु यीशु मर कइ दुबारी जीणे सत हफ्ते पता पिन्तेकुस्त नओएं त्योहार आ, त तेस रोज से सोब विश्वासी भाई भेण यक जगाई कठे थिए।

प्रतिनिधि 2:46

से रोज रोज यक सतसंग बण कइ देहेर अन्तर किठिन्तेथ, होर गी गी घेई कइ प्रभु रौठि बांट चुन्‍ठ कइ खांतेथ त सुआ खुशी जुए त बजन केहर-बेहरी सोब साते खांते पीन्तेथ।

प्रतिनिधि 5:12

होर प्रतिनिधि के बेलि सुआ चमत्कारे कम भुण लगो थिए त से सुआ निशाणी बि मेह्‍णु के बुछ हरालतेथ। त से सोब विश्वासी मेह्‍णु यक मन भोई कइ सुलैमाने मण्डप अन्तर किठिन्तेथ।

रोमी 12:16

अपफ बुच यक मन भोई बिशे। घमण्डी न बणे, पर गरीबी जोई उई मी कइ बिशे। अपणे आप अक्लदार न बणे।

1 कुरिन्थ 1:10

ए ट्यारेओ! हें प्रभु यीशु मसीहे प्रतिनिधि भुणे खातिर अउं तुसी जे हथ जोड़ कइ बोता कि छने, सोबी अणबण केआं दूर रेह त यकी होरी जुए राड़-मीड़ कइ बिशे। तुं सम्हाई के मन त ध्यान यकजूट भो लौता।

2 कुरिन्थ 13:11

अब ए ट्यारेओ! यके मन भोई कइ, त उई मी कइ बिशे। खुश रिहे त हिम्मत रख कइ विश्वास अन्तर बस घिए। होर परेम त शान्ति देणे बाड़ा परमेश्वर तुसी जोई साते रेहन्ता।

2 कुरिन्थ 2:3

तोउं त, मेईं सक्ति कइ से चिट्ठि लिखि, ताकि जपल अउं तुसी केईं एऊं त तुसी केआं सुखे बदले मोउं दुख ना मेईंयेल। मोउं पक्का यकीन असा कि तुस सम्हाई में खुशी चहन्ते त अगर अउं खुश भुन्ता त तुस बि खुशी घेन्ते।

2 कुरिन्थ 7:7

सद तसेरी एणे बेलि हें हिम्मत ना बधी, बल्कि तुसी जे हिम्मत तसे धे दुतो थी, तस हेर कइ बि ती खुश भुए। हें लिए तुस कत दुखी असे त हें बारे तुस कत परेशान भुन्ते, तसे बारे तेन असी शुणाउ।

फिलिप्पी 2:16

तुस परमेश्वरे जीवन देणे बाड़े वचन अन्तर पक्के भोई बिशे। अगर तुस ई सोब कते त मसीह दुबारी एणे रोज अउं इस बोकी पुठ रोभ किढ़ता कि मसीह जे मेईं जे दुख सेहा त कष्ट किआ, से बेकार ना भुआ, बल्कि तसे फल तुस असे।

फिलिप्पी 2:20

में सम्हाई साथी अपु अपु फायदा तोपुण लगो असे। यीशु मसीह तेन्हि केआं की कराण चहन्ता तसे बारे कोई बि ना सोचते। सद तिमुथियुस अपु मन अन्तर पूरे सच्चाई जुए तुं भलाई सोचता।

फिलिप्पी 4:2

अउं यूओदिया त सुन्तुखे भेणि समझान्ता कि दुहे जेईं बणिण दिए किस कि तुस प्रभु पुठ विश्वास कती।

कुलोसी 2:5

आं! बेशक अउं जिसम अन्तर तुसी जुए नेईं, पर में मन तुसी जुए असा। त मसीह पुठ तुं पक्का विश्वास त तुं जीणे लियागत हेरी कइ मोउं तीं सुख मेओ असा।

2 थेस्सलु 2:13

पर ए भाई त भेणिओं, त प्रभु यीशु ट्यारे मेह्‍णुओ! असी हर बेले तुं लिए परमेश्वरे धन्यवाद करुण बारा, किस कि शुरुवात केआं प्रभु तुसी चुणो असे, ताकि तुस शुची आत्माई बइ शुचे भोई कइ त सच्चाई पुठ विश्वास कर कइ बच बटियेल।

2 तिमुथि 1:4

त में लिए जे तु रोलुण लगो थिआ, तस याद कर कइ अउं हर वकत तोउ जुए मीण चहन्ता त खुश भुण चहन्ता।

फिलेमोन 1:20

ए ट्यारे! मसीह प्रभु अन्तर हेस्सेदार भुणे बझई जोई अउं चहन्ता कि तें बेलिए में कुछ फायदा भोल। त छने मसीह अन्तर में मन खुश करीण दे।

2 यूहन्ना 1:4

जपल मेईं तें किछ गभुर परमेश्वरे निआंगे हेसाब जुए सच्चाई पुठ हंटते काए त अउं तीं खुश भुआ।

3 यूहन्ना 1:4

एस केआं बध मोउं होर की खुशी मेई बटती कि ईं शुणुण कि में गभुर परमेश्वरे सच्चाई पुठ हंटते।