फिलिप्पी 2:19 - Walangi

¹⁹ प्रभु यीशु चहाल त अउं झट तुसी केईं तिमुथियुस लंघान्ता, ताकि तुं हाले बारे पता लाई कइ मोउं धिक शान्ति मेईंयेल।

फिलिप्पी 2:19 Cross References

मत्ती 12:21

सोब मेह्‍णु तेस पुठ उम्मीद रखते।”

प्रतिनिधि 16:1

तोउं पौलुस, त सीलास देरबे त लुस्त्रा शेहर पूज गे। तठि तिमुथियुस नओएं यक विश्वासी भाई थिआ। तसे बोउ यूनानी थिआ त ई यहूदण थी, पर मसीह पुठ विश्वास कतीथ।

रोमी 15:12

होर फि यशायाह भविष्य वक्ता ई बोता, “जिशे कुआ, दाऊद राजे टब्बर अन्तर यक ईं मेह्‍णु खड़िन्ता, जे गैर यहूदी मेह्‍णु पुठ राज कता, होर तेस पुठ गैर यहूदी मेह्‍णु उम्मीद रखते।”

रोमी 16:21

मोउं जोई साते कम करणे बाड़ा तिमुथियुस, होर में ईं यहूदी लूकियुस, यासोन त सोसिपत्रुस तुसी जे नमस्कार कते।

1 कुरिन्थ 4:17

तोउं त, मेईं तुसी केईं तिमुथियुस लंघा। से में ट्यारा त मसीहे विश्वास अन्तर यकीन लेएक असा। से एई कइ विश्वास अन्तर में तेस जीणे बारे तुसी चेता दिआन्ता, जेसे बारे अउं मसीहे सतसंग अन्तर शिचालता।

इफिसुस 1:13

त जपल तुसी गैर यहूदी खुश खबरी शुणी, जे कि तुं बचाणे समाचार भो, होर विश्वास किआ कि परमेश्वर मसीहे बेलि असी बचाई बटता, त तेन अपु दुतो जुबान मुताविक तुसी पुठ शुची आत्माई मुहर लाई त हरालु कि तुस बि तसे हकदार बण गो असे।

फिलिप्पी 1:1

ट्यारे फिलिप्पी शेहरे सम्हाई विश्वासी भाई त भेण! तुसी त मसीहे सतसंगे सम्हाई सेवक त मुखिया! यीशु मसीहे नौखर अउं पौलुस त भाई तिमुथियुस तुसी जे नमस्कार कते जे यीशु मसीह पुठ विश्वास करणे बेलि शुचे भुओ असे।

फिलिप्पी 2:18

तीं तुस बि खुश भुए त मोउं जुए खुशी मनाए।

फिलिप्पी 2:28

तोउं त इफ्रुदितुस तुसी केईं लंघाण जे में तीं मन किआ ताकि तस जुए मी कइ तुसी सुख मेईंयाल त तुं बारे में मन बि धिक पोली घेआल।

1 थेस्सलु 3:2

त असी मसीहे खुश खबरी अन्तर हें भाई त परमेश्वरे सेवा करण अन्तर हें साथी तिमुथियुस तुं भेएड़ जे लंघा, ताकि से विश्वास अन्तर तुसी मजबूत कराल त हिम्मत दियाल,

1 थेस्सलु 3:5

तोउं त जपल मोउं केआं बिशियेरु नेओथ त तुं विश्वासे हाल चाल पुछुण जे तिमुथियुस लंघा। किस कि मोउं डर थिआ कि जीं तीं कर कइ शैताने तुस परीक्षा अन्तर गोताई छो भोल त हें कमाई इहांणि बेकार भोई गई।

2 थेस्सलु 1:3

ए भाई त भेणिओं! असी हर वकत तुं लिए परमेश्वरे धन्यवाद करण चहिए, किस कि तुं विश्वास सुसुर बधण लगोरा असा त तुं सम्हाई के अपफ बीची परेम बि सुआ पक्का भुणे लगोरा असा। त असी परमेश्वरे धन्यवाद करण बणता।

2 तिमुथि 1:12

इस बझई जुए अउं ए सोब दुख बि सेहन्ता पर लजिन्ता नोउ, किस कि मेईं जेस पुठ विश्वास किओ असा, तस मसीह जाणता। मोउं मसीह पुठ पूरा यकीन असा कि तसे न्याय करणे रोज तकर सेईंए परमेश्वरे दुतो खुश खबरी रखवाली कइ बटता।

याकूब 4:15

त अस केआं अलावा तुसी जे इ बोलुण चहिए कि “अगर प्रभु चहाल त अस जीन्ते, त अस इस या ओस कम बि कते।”

1 पतरस 1:21

तसे बेलिए तुस तेस परमेश्वर पुठ विश्वास कते, जेन से मरो तेन्हि अन्तरा जीआ त सुआ इज्जत दिती, ताकि तुं विश्वास त उम्मीद परमेश्वर पुठ भो।