फिलिप्पी 2:16 - Walangi

¹⁶ तुस परमेश्वरे जीवन देणे बाड़े वचन अन्तर पक्के भोई बिशे। अगर तुस ई सोब कते त मसीह दुबारी एणे रोज अउं इस बोकी पुठ रोभ किढ़ता कि मसीह जे मेईं जे दुख सेहा त कष्ट किआ, से बेकार ना भुआ, बल्कि तसे फल तुस असे।

फिलिप्पी 2:16 Cross References

मत्ती 10:27

जे अउं तुसी जे अकेले अन्तर बोता, तेस तुस सोबी के सामणि बोले। होर जे अउं तुं कनपत बोता, तस लहाड़ि घेई कइ जोरी जोई बोले।

लूका 12:8

“अउं तुसी जे बोता कि जे कोउं मेह्‍णु के सम्हाणि मोउं मनाल त से मनखे कुआ बि परमेश्वरे स्वर्गेदूती के सम्हाणि मानता।

यूहन्ना 6:63

परमेश्वरे आत्मा त जीवन देन्ता पर जिसमे बेलि कुछ फायदा नेईं। जे बोक मेईं तुसी जे बोलो असी, से आत्मा त जीवन बि भो।

यूहन्ना 6:68

शमौन पतरसे बोलु, “ए प्रभु, अस केस केईं घेन्ते? अमर जीवने बोके त तुसी केईं असी।

प्रतिनिधि 13:26

“ए भाईओ, तुस जे अब्राहमे पीढ़ी भो; होर तुस जे परमेश्वरे भक्ति कते, असी सोबी जे ए बचणे समाचार लंघाओ असा।

1 कुरिन्थ 1:8

परमेश्वर तुसी अखिरि टेम तकर मतलब कि हें प्रभु यीशु मसीहे दुबारी एणे रोज तकर नरदोष रखता।

1 कुरिन्थ 9:26

तोउं त अउं पूरे ध्यान जुए अपु कम करण लगो असा, जीं से दौड़णे बाड़े खिलाड़ी कते। अउं हवा अन्तर मुक्केबाजी करणे ईं बजन कोई लक्ष्य प्रचार नेईं करण लगो।

2 कुरिन्थ 1:14

तोउं, यीशु मसीहे एणे रोज तुस असी पुठ रोभ लान्ते त अस तुसी पुठ।

गलाती 2:2

परमेश्वरे दुतो दर्शण बझई जुए ईं अउं ता जे गा। त अउं गैर यहूदी बुच जे खुश खबरी प्रचार कताथ, तसे बारे तठि सतसंगे मुखिया जे अकेले अन्तर बोलु। मोउं इ ठीक करण थी कि जेस खुश खबरी जे अउं एत कष्ट कता त दुख सेहन्ता, से बेकार ना लौती गओ।

गलाती 4:11

मोउं त डर असा कि तुसी जे मेईं जे कष्ट किओ थिआ, से शयद बेकार भोई घेन्ता।

फिलिप्पी 1:10

तेस बुद्धि बेलि तुसी पता लगता कि सोबी केआं ज्यादा खरु करुण की असु। तस करणे बेलि मसीह एणे रोज तुं जीवन शुचा त बजन कोई दोषे मेईंयाल।

फिलिप्पी 1:6

परमेश्वरे जे करणे तुं अन्तर शुरु किओ असु, से सच्चे बि खरु असु। मोउं पूरा यकीन असा कि से तस कता रेहन्ता त मसीह यीशु दुबारी एणे रोज पूरा कता।

1 थेस्सलु 2:19

भला हें उम्मीद, हें खुशी, त हें रोभ की असा? जपल हें प्रभु यीशु एईयाल त कि तुस हें रोभ त खुशी ना भुन्ते ना?

1 थेस्सलु 3:5

तोउं त जपल मोउं केआं बिशियेरु नेओथ त तुं विश्वासे हाल चाल पुछुण जे तिमुथियुस लंघा। किस कि मोउं डर थिआ कि जीं तीं कर कइ शैताने तुस परीक्षा अन्तर गोताई छो भोल त हें कमाई इहांणि बेकार भोई गई।

इब्रानी 4:12

किस कि परमेश्वरे वचन जीन्ता त शक्तिशाली असा। से तेज केआं बि तेज दुई धारी तलवारे ईं असा, जे प्राण त आत्मा, होर जिसम त हलोटे काट छता। ए हर मने भियो त सोच पता कता।

1 पतरस 1:23

किस कि तुसी खतम भुणे बाड़ु बिएजु बेलि ना, बल्कि न खतम भुणे बाड़े बिएजु बेलिए नोउआं जनम मेओ असा। से बिएजु परमेश्वरे वचन भो, जे जीन्ता त अमर असा।

1 यूहन्ना 1:1

अस तुन्धे तेस जीवन देणे बाड़े वचने समाचार देन्ते, जे सृष्टि शुरुवात केईआं थिआ त जे असी शुणा त अपु टीरी बइ का। जपल से जीवन हें बुछ प्रकट भुआ, सच्चे बि असी से बोडे ध्यान जोई हेरो असा त अपु हथे बइ बि छुओ असा। से जीवन बोउ जुओई थिआ, त अमर असा। असी से हेरा, होर तसे उगाह देन्ते।

प्र. बोके 22:17

आत्मा त दुल्हन दुहिए बोती, “आई”। त शुणणे बाड़ा बि बोले, “आई”। जे टिशो असा आईए; त जे बि चहन्ता, से जीवने पुओणि मुफत अन्तर पिए।