फिलिप्पी 2:14 - Walangi

¹⁴ त सम्हाई कम बिना शिकायत त बजन बेहेसी करीण दिए,

फिलिप्पी 2:14 Cross References

मत्ती 20:11

जपल धिहाड़ी मेई त से मालिक जे चरचर करण लगे।

मरकुस 14:5

किस ना ए कीमति तेल टाई सौ चन्नी सिक्के बइ बेच कइ कंगाली अन्तर बांटतेथ?” त से सोब तेस जड़काण लगे।

मरकुस 9:14

जपल यीशु त से टाई चेले बाकी चेली के भेएड़ आए, त हेरु कि तेन्के चोहरो कना मेह्‍णु के हुसुड़ा लगो असा त धर्मशास्त्री तेन्हि जोई बेहसेईण लगो असे।

लूका 5:30

ईं हेर कइ फरीसी त धर्मशास्त्री यीशु चेली जे चरचर कर कइ बोलु, “तुस किस मामला नेणे बाड़े त पापी मेह्‍णु जुएई बिश कइ खाण पीण लगो असे?”

प्रतिनिधि 15:2

इस बोक पुठ पौलुस, बर्नबास त से मेह्‍णु अपणी अपणी लाण लगे त तेन्हि बुछ सुआ बेहेस भोई गई। तोउं तठियाणि सतसंगे मेह्‍णु ई खरु समझु कि पौलुस, बर्नबास त सतसंग अन्तरा कुछ मेह्‍णु एस बोकी बारे बोक विचार करण जे प्रतिनिधि त सतसंगे स्याणी केईं यरुशलेम शेहर जे लंघाए।

प्रतिनिधि 15:39

इस बोकी पुठ तेन्के बुछ अति अणबण भोई गई कि से बखरे भोई गे; त बर्नबास, मरकुस नी कइ जहाज पुठ कुप्रस टापु जे घेई गा।

प्रतिनिधि 15:7

सुआ बेहेस भुण केआं पता पतरसे खड़ भोई कइ तेन्हि जे बोलु: “ए भाईओ! तुस जाणते कि शुरुवाती दिनि अन्तर परमेश्वरे तुसी बुचा अउं चुणा कि में मुंहे बइ गैर यहूदी खुश खबरी शुणे त विश्वास करे।

प्रतिनिधि 6:1

तेन्हि दिनि, जपल विश्वासी सुआ बधण लगे, तपल यूनानी भाषा बोलुणे बाड़े यहूदी विश्वासी, इब्रानी भाषा बोलुणे बाड़े यहूदी विश्वासी के खिलाफ धूरा दिता कि “रोजे लंगर अन्तर तुस हें विधवा जिल्हाणु सुसुर खाण जे ना देन्ते।”

रोमी 12:18

जोउं तकर भोई सकतु, तुस हर यक मेह्‍णु जोई परेम जोई बिशणे कोशिश करे।

रोमी 14:1

ए ट्यारेओ! तुस तेन्हि सोबी विश्वासी मेह्‍णु जुए बि उई मी कइ बिशे, जे कुछ बोकी बारे विश्वास अन्तर अभेईं बि कमजोर असे। तेन्हि जोई तेन्के शक पुठ बेहेस ना करे।

रोमी 16:17

ए ट्यारेओ, अउं तुं छने कता कि तुस तेन्हि मेह्‍णु तालीण दिए जे मेह्‍णु झगड़ान्ते त जे शिक्षा तुसी मेओ असी, तेसे खिलाफ भोई कइ होरी के विश्वास मुकान्ते। तेन्हि केईआं दूर बिशे।

1 कुरिन्थ 10:10

होर ना तुसी कदी चरचर करुण, जीं तेन्हि अन्तरा केहि केहि जेईं कतेथ त परमेश्वरे स्वर्गेदूते से खतम कइ छड़े।

2 कुरिन्थ 12:20

किस कि मोउं डर असा कि जपल अउं तुसी केईं एऊं त तुस तीं ना भोल जीं अउं चहन्ता, होर अउं बि तीं ना भोल जीं तुस चहन्ते। ईं ना भो कि, तुसी बुच झगड़ा, लेहरीण, यकी होरी खिलाफ भुण, यकी होर हेर जड़ुण, यकी होरी बेज्जती करीण, चाथि करणी, घमण्ड करण त छंग-छीट लगो भोल।

गलाती 5:15

पर, अगर तुस अपफ बुच पलचिन्ते त यकी होरी दान्‍तियान्‍ते जीं कुतर कते, त हेरी बिशे कि यकी होरी ना मुकाई छड़े।

गलाती 5:26

त चले, अस इरुह रोभ ना किढ़ते, होरी तंग ना कते, त तेन्के बुरु ना सोचते।

फिलिप्पी 2:3

अपफ ना बधुण त ना झूठा रोभ किढ़ण। बल्कि अपफ घटाई कइ होरी अपफ केआं बध समझे।

1 थेस्सलु 5:13

त तेन्के कमे बझई जुए परेम जुए तेन्हि सुआ इज्जते लेएक समझे त अपफ बुच उई मी कइ बिशे।

1 थेस्सलु 5:15

हेरी बिशे कि कोई केसे नुकसाने बदले नुकसान ना करे। पर हर वकत खरु कम करण जे तेयार बिशे। अपफ बुच त होरी जोई भलाई करणे कोशिश कते रिहे।

इब्रानी 12:14

सोबी जुए उई मी कइ बिशे त शुची जिन्‍दगी जीणे कोशिश करे, किस कि जे शुची जिन्‍दगी न जीन्ता, से कदी परमेश्वर हेर ना बटता।

याकूब 1:20

किस कि लेहरी कइ मेह्‍णु परमेश्वरे धरमे कम कइ ना बटते।

याकूब 3:14

पर अगर तुस अपु अपु मन अन्तर जड़ते, होर सद अपु बारे सोचते त रोभ जोई सच्चाई छड़ दी कइ झूठा ना बणुण।

याकूब 5:9

ए ट्यारेओ! यक होरी जे चर चरात ना करुण, ताकि तुसी पुठ बि दोष न लगे। हेरे, पंची करणे बाड़ा प्रभु दुआर पुठ पुजो असा।

1 पतरस 3:11

तस बुराई सात छड़ देण, त हमेशा भलाई करीण लौती; तस शान्ति तोपुण लौती त हमेशा उई मी कइ बिशुण लौतु।

1 पतरस 4:9

बजन चर चराते यक होरी सेवा पाणि करे।

यहूदा 1:16

ए से मेह्‍णु भिन्थ जे कदी केसे बोकी पुठ खुश ना भुन्ते। ए हमेशा चरचर कते रेहन्ते त अपु अपु बुरी इच्छाई हेसाब जोई जीन्ते, होर अपु मुंहुए बइ बोडी बोडी बोके कते, त से अपु फायदे लिए कुछ बि बोते रेहन्ते।