फिलिप्पी 2:12 - Walangi

¹² त ए ट्यारेओ! तुसी जुए बिशणे टेम जीं तुसी में हर यक निआंग मनो असी, तीं अभेईं में गैर हाजिर अन्तर बि तस केआं बि ज्यादा ध्यान दी कइ में बोक माने। परमेश्वरे जे तुस बचाओ असे, तस होरी हरालण जे कश कइ जीन्ते रिहे।

फिलिप्पी 2:12 Cross References

मत्ती 11:12

चुसुणे बाड़ा यूहन्ना प्रचार करण केआं खड़ आज तकर स्वर्गे राज्ये खिलाफ सुआ कोशिश भुण लगो असी त ताकतवर मेह्‍णु तस अपु वश अन्तर करणे कोशिश कते।

मत्ती 11:29

में बोके जूंण अपु मन अन्तर करे त मोउं केआं शिचे; किस कि में गुण हर किछ सेहण करणे बाड़ा त मन अन्तर दया रखणे बाड़ा भो। त तुसी अपु मन अन्तर अराम मेता।

प्रतिनिधि 16:29

तोउं से ठाणेदार दीया मग कइ अन्तर जे दौड़ा त ठरकता ठरकता पौलुसे त सीलासे अगर उटेऊ झड़ गा।

प्रतिनिधि 9:6

पर अब तु खड़ भो त शेहर जे गा। तठि तोउ की करण असु, बताई घेन्तु।”

रोमी 2:7

परमेश्वर तेन्के धे अमर जीवन देन्ता, जे लाह रख कइ खरु कम कते रेहन्ते, ताकि तेन्हि जे परमेश्वर खरु बोलियाल, इज्जत दियेल, होर से तस जुए हमेशा बिशियेल।

1 कुरिन्थ 15:58

तोउं त, ए में ट्यारेओ, मसीह पुठ विश्वास अन्तर मजबूत रेह त परमेश्वरे दुतो कम कते रिहे, किस कि तुसी पता असा कि प्रभु जे तुं कोई बि कम बेकार ना भुन्तु।

1 कुरिन्थ 2:3

त तुसी बुछ अउं कमजोर त डर कइ ठरकता रेहन्ताथ।

1 कुरिन्थ 4:14

मेईं ई सोब तुसी लजेरण जे नेईं लिखुण लओ, बल्कि तुसी समझाण जे लिखुण लगो असु, किस कि तुस में ट्यारे गभुर ईं असे।

2 कुरिन्थ 7:15

त तुं बारे तसे परेम हउ बि बधो असा, किस कि से याद कता कि तुसी कीं हें बोक मान कइ, त पूरे इज्जत जुए से धरा।

इफिसुस 6:5

ए गुलामो! तुस डर कइ त मन अन्तर इज्जत रख कइ जीं मसीह मानते तीं धरती पुठ अपु अपु मालिके निआंग मनीण दिए।

फिलिप्पी 1:27

पर जीं बि भोल, तुस तीं जीण दिए जीं मसीहे खुश खबरी मानणे बाड़े जीन्ते। तोउं चहे अउं एई कइ तुसी जोई मिआल या तुसी केईं दूर भोई घियाल, अउं तु बारे ईं शुणता कि तुस विश्वास अन्तर बसी कइ, यक मन भोई कइ जे खुश खबरी विरोध कते तेन्हि जे तेसे सच्चाई उगाह देन्ते, जेस पुठ अस विश्वास कते।

फिलिप्पी 1:29

तुस मसीह पुठ विश्वास कते त तेस जे कष्ट बि सेहण लगो असे। ई सोब परमेश्वरे अशुश भिन्थ। मसीह जे तुसी जे किओ असु, तेस बझई जोई तेन तुं धे ए दुतो असी

फिलिप्पी 1:6

परमेश्वरे जे करणे तुं अन्तर शुरु किओ असु, से सच्चे बि खरु असु। मोउं पूरा यकीन असा कि से तस कता रेहन्ता त मसीह यीशु दुबारी एणे रोज पूरा कता।

फिलिप्पी 2:19

प्रभु यीशु चहाल त अउं झट तुसी केईं तिमुथियुस लंघान्ता, ताकि तुं हाले बारे पता लाई कइ मोउं धिक शान्ति मेईंयेल।

फिलिप्पी 4:1

तोउं त, में ट्यारे भाई त भेण, जीं मेईं बोलो असु तीं प्रभु पुठ विश्वास अन्तर बस घिए। तुस मोउं खुशी देन्ते। तुस तेस मुकुटे ईं असे जे मोउं अपु कमे लिए प्रभु केआं मेओ असा। तुस मोउं तीं ट्यारे असे त अउं तुसी जोई मीण चहन्ता।

फिलिप्पी 4:15

फिलिप्पी शेहरे भाई त भेणिओं! तुसी याद असु ना जपल अउं मकिदुनिया राज्य अन्तर पेहली बार खुश खबरी प्रचार कर कइ गा त तुसी छड़ दी कइ होर केनि बि सतसंगे मेन्धे चन्ना ना दिता।

1 थेस्सलु 1:3

त हें परमपिता परमेश्वरे सम्हाणि तुस विश्वास अन्तर जे कम कते, परेम जुओई जे मेहनत कते त हें प्रभु यीशु मसीह पुठ जे तुं पक्की उम्मीद असी, तस याद कते।

2 तिमुथि 2:10

तोउं त, अउं तेन्हि मेह्‍णु जे सोब कुछ सेहण लगो असा, जे परमेश्वरे चुणो असे, ताकि यीशु मसीह अन्तर जे बचुण असु, से तेन्हि बि मेईंयेल त से हमेशा तसे शान अन्तर बिशियेल।

इब्रानी 12:1

त किस कि बदेई के ईं हें चोहरो कना एन्हि मेह्‍णु के उगाही के अत हुसुड़ा लगो असा, त एईए, असी हर यक तेन्हि लुन्जयारी बोके त पाप, जे असी अराम जोई अपु जाल अन्तर फसान्ते, तेन्हि दूर फटाई छते। होर यीशु मसीह पुठ ध्यान लाई कइ, लाह जोई तेस दौड़ अन्तर दौड़ते, जेस अन्तर असी दौड़ुण असु।

इब्रानी 4:1

त किस कि परमेश्वरे टांक तकर पुजणे जुबान अपल तकर बि चलो असी, त चले समोझि बिश्ते ताकि कोई जेईं पतूं रेही ना घियाल।

इब्रानी 4:11

तोउं त, चले तेस टांक तकर पुजुण जे अस जब्बर कोशिश कते। ई ना भो कि निआंग ना मान कइ तेन्हि पुरखी के ईं असी बुछ कोई पतूं रेही घियाल।

इब्रानी 5:9

पता जपल यीशु सिद्ध भुआ, परमेश्वरे हमेशा लिए से अपु निआंग मानणे बाड़ी के बचाणे बाड़ा बणा।

1 पतरस 2:11

ए ट्यारेओ! अउं तुं छने कता कि तुस अपु अपफ परदेशी त यात्री मान कइ तेन्हि मतोके इच्छाई केआं दूर बिशे, जे तुं आत्माई खिलाफ लड़ाई कती।

2 पतरस 3:18

पर तुस हें प्रभु त बचाणे बाड़ा यीशु मसीह कृपादृष्टि त ज्ञान अन्तर बधते घिए। यीशु मसीहे इज्जत अभेईं त जुग जुग तकर भुन्ति रिहे। आमीन।