फिलिप्पी 2:1 - Walangi

¹ ए ट्यारेओ! तुसी पता असा कि मसीहे तुं धे कति हिम्मत दुतो असी, तसे परेम अन्तर तुसी कत अराम मेओ असा, होर तसे आत्मा जुए तुस कत मेल मिलाप कते। मसीह तुसी पुठ कति दाह दया त परेम कता, तुसी ई बि पता असा।

फिलिप्पी 2:1 Cross References

लूका 2:25

यरुशलेम शेहर अन्तर शमियोन नओएं यक मेह्‍णु थिआ, जे धर्मी त परमेश्वरे भक्त थिआ। शुची आत्मा तस अन्तर थी त से ई भाड़ बिशो थिआ कि परमेश्वर कपल इस्राएली मेह्‍णु सुख शान्ति देन्ता।

यूहन्ना 14:18

अउं तुसी अनाथ ना छता। बल्कि अउं तुसी केईं एण लगो असा।

यूहन्ना 14:27

अउं तुं धे शान्ति दी कइ घेण लगो असा। अउं तुं धे अपु शान्ति देण लगो असा। पर तीं देण नेईं लगो, जीं इस मतोके मेह्‍णु देन्ते। त तुस दुखी ना भुओ, होर ना डरे।

यूहन्ना 17:13

पर अभेईं अउं तुसी केईं जे एन्ता, बोउआ! त ए सोब बोक इस धरती पुठ तोउं बोलुण लगो असा, ताकि इन्के मन बि तीं खुश भो, जीं में मन तुं ए जे एणे लिए भुण लगो असा।

प्रतिनिधि 2:46

से रोज रोज यक सतसंग बण कइ देहेर अन्तर किठिन्तेथ, होर गी गी घेई कइ प्रभु रौठि बांट चुन्‍ठ कइ खांतेथ त सुआ खुशी जुए त बजन केहर-बेहरी सोब साते खांते पीन्तेथ।

प्रतिनिधि 4:32

अब मसीह पुठ विश्वास करणे बाड़े सोब यक मन चिती थिए। तेन्हि बिचा ईं कोई बि नेओथ जे अपु धन संपत्ति अपु बोताथ। तेन्के सोब किछ हेस्सेदारी अन्तर थिउ।

रोमी 5:5

तेस पुठ हें उम्मीद असी कदी लजेरती नउ। किस कि से अपु दुतो शुची आत्माई बेलि हें मन अपु परेम जुए भर छता।

रोमी 8:26

होर परमेश्वरे आत्मा हें कमजोरी अन्तर बि हें मदत कती। अस ना जाणते कि असी की प्रार्थना करण चहिए, पर आत्मा अपफ दुख जुए हिक हिकि रोल कइ हें लिए प्रार्थना कती।

1 कुरिन्थ 12:13

किस कि अस विश्वासी चहे यहूदी भो, या गैर यहूदी भो, चहे गुलाम भो या अजाद भो, परमेश्वरे अस सोब यक जिसम बणण जे शुची आत्माई अन्तर चुसो असे त असी सोबी यके आत्मा दुतो असी।

1 कुरिन्थ 15:31

ए ट्यारेओ! मोउं तेस घमण्डे सोह, जे हें यीशु मसीह अन्तर अउं तुं लिए कता, कि अउं हर रोज मरणे सामणा कता त मर मर कइ जीन्ता।

1 कुरिन्थ 3:16

त कि तुस न जाणते ना कि तुस सोब परमेश्वरे देहेर भो, त परमेश्वरे आत्मा तुं अन्तर भुन्ति?

2 कुरिन्थ 13:14

प्रभु यीशु मसीहे कृपादृष्टि, परमेश्वरे परेम त शुची आत्माई संग तुसी सोबी जोई भुन्ति रिहे। आमीन

2 कुरिन्थ 2:14

पर परमेश्वरे जइ करे कि से हमेशा असी जीं जीतणे बाड़ी के हसुड़े जुओई मिआई कइ नेन्ता। से होरी के बुछ यक अब्बल मुश्क ईं मसीहे ज्ञान बांटण जे हें मदत कता।

गलाती 4:6

त किस कि अस तसे गभुर भोई गो असे, त तेन अपु कोईये आत्मा असी केईं लंघो असी, ताकि अस बि तस “बोउ” बोल कइ हक दियेल।

गलाती 5:22

पर नोउएं गुण जे शुची आत्माई बेलि असी मेता तसे बेलि अस परेम त खुशी जुए उई मी कइ बिश्ते। अस बोडे लाह रख कइ दाह जुए यक होरी मदत कते। हें मन अन्तर हर बेले शान्ति भुन्ति त अस सम्हाई अब्बल अब्बल कम कते, होर यकीन लेएक भुन्ते।

इफिसुस 4:4

अस सोब विश्वासी मसीहे यक जिसम बणते। होर परमेश्वरे असी सोबी कें धे यके आत्मा दुतो असी। परमेश्वरे जिखेईं तुस भिहो थिए, तिखेईं बि यक उम्मीद जुए भिहो थिए।

फिलिप्पी 1:8

जीं यीशु मसीह तुसी जुए परेम कता, अउं बि तुसी जुए परेम कता। त मोउं तुं कत हप्पड़ लगता, तसे बारे उगाह परमेश्वर असा।

फिलिप्पी 3:3

अस से भिन्थ जे परमेश्वरे सच्चे गभुर भो, किस कि अस परमेश्वरे आत्माई मदते बेलि तसे अराधना कते त यीशु मसीह असी बचाण जे किओ कम पुठ रोभ लान्ते। अस रीति रिवाज पुठ भरोसा ना कते।

कुलोसी 2:2

ताकि तुसी हिम्मत मेईंयेल, त तुं मन अपफ बुच परेम जुए जुड़ घियेल त परमेश्वरे नियको योजना जे मसीह अपफ भो, तसे बारे सुसुर पता लगणे बेलि तुस विश्वास अन्तर टिग घियेल।

कुलोसी 3:12

तोउं त, शुचा त परमेश्वरे चुणो ट्यारे मेह्‍णु ईं दाह त भलाई कते रिहे। अपफ जे घट समझे, लाह रख कइ परेम जुए धराण दिए त केसे बि चीज पुठ रोभ ना किढ़े।

इब्रानी 6:18

परमेश्वर कदी झूठ ना बोता। परमेश्वरे जुबान त तसे सोह कदी बदली न बटते। त असी इस बोक पुठ ती हिम्मत मेओ लौती। किस कि अस परमेश्वरे दुतो तेस उम्मीद सम्हाड़ी कइ रखण जे तेस केईं जे दौड़ो असे।

1 यूहन्ना 3:24

त जे तसे निआंग मानता, से परमेश्वर जुए होर परमेश्वर तस जुए जुड़ कइ बिश्ता। से शुची आत्मा जे परमेश्वरे हेन्धे दुतो असी, तेस केआं असी पता लगता कि से असी जुए जुड़ कइ बिश्ता।

1 यूहन्ना 4:12

परमेश्वर कपल बि केनि नेईं काओ। पर अगर अस अपफ बुच परेम जोई बिशियेल, त परमेश्वर हें अन्तर बण बिश्ता, होर पूरे के पूरा असी तसे परेम मेई गो असा।

1 यूहन्ना 4:16

जे परेम परमेश्वर असी जोई कता, तेस अस जाण गो असे त तेस परेम पुठ विश्वास बि कते। परेम परमेश्वर केआं एन्ता, होर जे होरी जोई परेम कता, से परमेश्वर जुए त परमेश्वर तेस जुए बण बिश्ता।