फिलिप्पी 1:9 - Walangi

⁹ अउं परमेश्वर जे प्रार्थना कता कि से तुसी बुच भाईचारा बधाल त तुसी सुआ बुद्धि त अक्ल दिआल।

फिलिप्पी 1:9 Cross References

1 कुरिन्थ 14:20

ए ट्यारेओ! तुस गभुर के गभुरयात छड़ दिए। बुराई अन्तर गभुरु ईं बणे, जे कोई भलु बुरु न सोचतु। पर तुस स्याणी के ईं समझदार बणे।

2 कुरिन्थ 8:7

होर जीं कि तुस विश्वास अन्तर, वचन अन्तर, ज्ञान त सोबी किस्मे कम अन्तर त हें लिए परेम अन्तर बधो असे, तीं इस दाने कम अन्तर बि बधीण दिए।

इफिसुस 5:17

तोउं त परमेश्वरे इच्छा की असी, तस सुसुर समझीण दिए ताकि मुर्ख ना बणियेल।

कुलोसी 1:9

त जिखेईं केआं असी इ शुणो असु, तुसी जे प्रार्थना करण केआं अस नेईं रुको। अस विनती कते कि तुसी शुची आत्माई बेलि सम्हाई बुद्धि त ज्ञान जुए परमेश्वरे इच्छाई ठीक ठाक पता लगो लौता।

कुलोसी 3:10

तुं धे परमेश्वर यक नोउआं गुण दुतो असा जे परमेश्वरे बुद्धि बेलि हर रोज अपु सृष्टिकर्ता ईं बणुण लगो असा।

1 थेस्सलु 3:12

त प्रभु ईं कराल कि जीं अस तुसी जोई परेम कते, तीं तुस बि ना सद अपफ जुओई, बल्कि होरी जोई बि परेम करे त परेम अन्तर बधते घिए।

1 थेस्सलु 4:1

त ए भाई त भेणिओं! अस तुसी जे हथ जोड़ कइ प्रभु यीशु अन्तर समझाण लगो असे कि परमेश्वर खुश करण जे त तेस लेएक जीण जे जीं तुसी असी केआं शिचो असु, होर अभेईं करण लग गो असे, तेस हउ बि कते रिहे।

2 थेस्सलु 1:3

ए भाई त भेणिओं! असी हर वकत तुं लिए परमेश्वरे धन्यवाद करण चहिए, किस कि तुं विश्वास सुसुर बधण लगोरा असा त तुं सम्हाई के अपफ बीची परेम बि सुआ पक्का भुणे लगोरा असा। त असी परमेश्वरे धन्यवाद करण बणता।

फिलेमोन 1:6

त अउं ई प्रार्थना कता कि विश्वास अन्तर तें साथोठ चलोरी लौती रिहो। होर तोउ ई बुद्धि लौती अओ कि मसीह जे अस कोउं कोउं भले कम कइ बटते।

इब्रानी 5:14

पर भारी खाणे ईं ओखी शिक्षा तेन्हि मेह्‍णु जे असी, जेन्हि स्याणे के ईं सही गलते फरक किढ़ण शिचो असा।

1 पतरस 1:22

त किस कि यकी होरी जोई परेम करण जे तुसी सच्चे वचन मान कइ अपु अपु मन शुचे किओ असे, त अखिर तकर पूरे मन लाई कइ यक होरी जोई खरे परेम कते रिहे।

2 पतरस 3:18

पर तुस हें प्रभु त बचाणे बाड़ा यीशु मसीह कृपादृष्टि त ज्ञान अन्तर बधते घिए। यीशु मसीहे इज्जत अभेईं त जुग जुग तकर भुन्ति रिहे। आमीन।