फिलिप्पी 1:7 - Walangi

⁷ तुसी में सात पेहले तपल दिता जपल अउं खुल कइ खुश खबरी प्रचार कताथ त खुश खबरी विरोध करणे बाड़ी जे तसे सच्चाई बार उगाह देन्ताथ त अभेईं बि देण लगो असे, जपल अउं जेहेल अन्तर कैद असा। त ए जायज असा कि अउं तुसी बोडे खुशी जुए याद कता। त तुसी अन्तर में कांया घेई गो असी।

फिलिप्पी 1:7 Cross References

प्रतिनिधि 20:23

पर सद ईं जाणता कि शुची आत्माई हर शेहर अन्तर उगाही दी दी कइ अउं चौकाने किओ असा कि तठि मोउं जेहेल त दुख तकलीफ भाड़ण लगो असे।

प्रतिनिधि 21:33

तोउं सेनापति भेएड़ एई कइ से टाइ छड़ा; त दुई शंकीड़ी बइ बन्हणे निआंग दी कइ पुछुण लगा, “ए कोउं भो त एन की किओ असु?”

1 कुरिन्थ 13:7

जे होरी जोई परेम कता, से हमेशा सीढ़ता। से हर हालत अन्तर तस पुठ विश्वास कता। से कदी हिम्मत ना हारता त हमेशा धीरज रखता।

1 कुरिन्थ 9:23

अउं ई सम्हाई किछ खुश खबरी खातिर करण लगो असा ताकि खुश खबरी प्रचार करण अन्तर जे अशुश असी से मोउं बि मेईंयेल।

2 कुरिन्थ 3:2

ना! तुस त हें चिट्ठि ईं असे, जे असी अपु दिल अन्तर लिखो असी, ताकि तुसी हेर कइ सम्हाई पढ़ियेल त तेन्हि पता लगियाल।

2 कुरिन्थ 7:3

अउं तुसी दोष देण जे नेईं बोलुण लगो। किस कि मेईं तुसी जे पेहलाई बोल छो असु कि तुस हें मन अन्तर ईं बस गो असे कि अस तुसी जुओई साते जीण मरण जे बि तेयार असे।

गलाती 5:6

किस कि जपल कोई मसीह यीशु पुठ विश्वास कता त तस खतना भुणे या ना भुणे कोई मुल नेईं। सद विश्वासे मुल असा जे परेमे बेलि अपफ हरालता।

इफिसुस 3:1

में ट्यारे भाई त भेणिओं! मसीह यीशु बारे उगाही देणे बझई जुए ईं अउं पौलुस तुं लिए कैदी भुओ असा।

इफिसुस 4:1

ए ट्यारे भाई त भेणिओं! ई सोब बोक नजर अन्तर रख कइ अउं, जे प्रभु कैदी असा, तुसी जे हथ जोड़ता कि जेस बझई जोई परमेश्वरे तुस भिहो असे, तसे हेसाब जुए तुस अपु जीवन जीण दिए।

इफिसुस 6:20

इस बझई जे अउं मसीहे कैद भुओ राजदूत असा। प्रार्थना करे कि अपु कैद अन्तर बि जीं मोउं करुण भोल, तीं अउं पूरे हिम्मत जुए तसे बारे बोता।

फिलिप्पी 1:12

ए ट्यारेओ, अउं चहन्ता कि तुस जाणे कि बेशक मोउं पुठ ई सोब आफत एई, तोउं बि एन्हि आफती बेलि खरा फल मेईंया, किस कि तसे बेलि सुआ मेह्‍णु यीशु मसीह बारे खुश खबरी शुण बटी।

फिलिप्पी 1:13

अभेईं, सपाही त राजे मेहले सम्हाई जेईं पता लग गो असा कि मसीहे बारे शिक्षा देणे बझई जोई अउं जेहेल अन्तर छोओ असा।

फिलिप्पी 1:14

त में कैद भुणे बझई जोई सुआ विश्वासी भाई त भेण ती हिम्मत किओ असे त परमेश्वरे वचन शुणाण लगो असे।

फिलिप्पी 2:22

तुसी त से परख कइ पिछाणो असा कि से कत भरोसे लेएक असा। जीं कुआ अपु बोउए बोकी नकल कता, तीं से बि मोउं जुए खुश खबरी प्रचार करण अन्तर कष्ट कता।

फिलिप्पी 4:14

तोउं बि में कष्ट अन्तर तुसी मोउं जे चन्ना लंघाई कइ खरु किउ।

फिलिप्पी 4:15

फिलिप्पी शेहरे भाई त भेणिओं! तुसी याद असु ना जपल अउं मकिदुनिया राज्य अन्तर पेहली बार खुश खबरी प्रचार कर कइ गा त तुसी छड़ दी कइ होर केनि बि सतसंगे मेन्धे चन्ना ना दिता।

फिलिप्पी 4:3

ए में सच्चा साथीआ! अउं तें छनेअरे कता कि एन्हि जिल्हाणु के अणबण मुकाण जे मदत कर। किस कि एन्हि मोउं जुए, क्लेमेंस त में होरे साथी जुए खुश खबरी प्रचार करण अन्तर तीं कम किओ थिउ। एन्के नओं परमेश्वरे अपु कताब अन्तर लिख छो असु, जेस अन्तर तेन्हि मेह्‍णु के नओं असे, जेन्हि केईं अमर जीवन असा।

कुलोसी 4:18

अउं पौलुस अपु हथे बइ ए नमस्ते लिखुण लगो असा। याद रखे कि अउं मसीहे बझई जोई कैदी असा। परमेश्वरे कृपादृष्टि तुसी सम्हाई पुठ भुन्ति रिहे।

कुलोसी 4:3

अपु प्रार्थना दुआ अन्तर असी जे बि दुआ करे कि मसीह अन्तर परमेश्वरे जे नियको योजना असी, तसे बारे प्रचार करुण जे असी सुआ मौका मेईंयाल, जेसे प्रचार करणे बझई जुए अउं अभेईं जेहेल अन्तर असा।

1 थेस्सलु 5:5

किस कि तुस सोब टगड़ियार त दिसाई कम करणे बाड़े असे। अस ना रात ना अन्हार अन्तर बिशणे बाड़े असे।

2 तिमुथि 1:8

तोउं त हें प्रभु बारे उगाही देण केआं त अउं जे तसे कैदी असा, असी केआं ना लजीण। पर परमेश्वर जे शक्ति देन्ता तेसे बेलि खुश खबरी प्रचार करण अन्तर मोउं जुए कष्ट सेह।

2 तिमुथि 2:9

त इस बझई जुए दुष्टी के ईं अउं कष्ट पाण लगो असा। सद एतुरु ना, बल्कि जेहेल अन्तर बि कैद असा। पर परमेश्वरे वचन कोई कैद ना कइ बटता।

फिलेमोन 1:13

हांलाकि तेस अउं अपफ केईं रखण चहन्ताथ कि से इस घड़ी तें कनारा में सेवा करे। खास कइ अभेईं जपल अउं खुश खबरी बझई जोई जेहेल अन्तर कैद असा।

इब्रानी 3:1

तोउं त, ए में भाई त भेणिओं! तुस, जे परमेश्वरे शुचे भुण जे भिओ असे! हें विश्वासे मुखिया त हें बोडा पुजारे यीशु बारे धिक सोचे।

1 पतरस 4:13

पर जीं मसीहे दुख सीढ़ो थिआ, तीं तुस बि दुख सीढ़ते। त तुस खुश भुए, ताकि जपल से अपु सुआ इज्जत जुए एन्ता त तुस ती खुश भोई घेन्ते।

1 पतरस 5:1

ए ट्यारेओ! अउं अपफ सतसंगे यक स्याणा भो त यीशु मसीहे दुख सीढ़णे उगाह असा। होर जपल से सुआ इज्जत जोई वापिस एईयाल त अउं बि तसे हेस्सेदार भुन्ता। अभेईं अउं तुसी सतसंगे पुराणे सेवकी जे ई लिखता।

2 पतरस 1:13

त जपल तकर अउं डेरे ईं मेओ जिसम अन्तर असा, तपल तकर इन्हि बोकी के बेलि तुसी खबरदार कता रेहन्ता। ईं करण मोउं खरु लगतु।

1 यूहन्ना 3:14

असी पता असा कि होरे विश्वासी जोई परेम करणे बेलि अस मरणे वश केआं छूट कइ अमर जीवन अन्तर पुजी गो असे; होर जे परेम ना कता से मरणे वश अन्तर भुन्ता।