फिलिप्पी 1:6 - Walangi

⁶ परमेश्वरे जे करणे तुं अन्तर शुरु किओ असु, से सच्चे बि खरु असु। मोउं पूरा यकीन असा कि से तस कता रेहन्ता त मसीह यीशु दुबारी एणे रोज पूरा कता।

फिलिप्पी 1:6 Cross References

यूहन्ना 6:29

यीशु तेन्हि जे बोलु, “परमेश्वरे इच्छा ई असी कि तुस मोउं पुठ विश्वास करे, जे तेन लंघो असा।”

प्रतिनिधि 11:18

ईं शुण कइ यरुशलेम शेहरे यहूदी विश्वासी चुप भोई गे, त परमेश्वरे गुणगान कर कइ बोलुण लगे, “तोउं त, परमेश्वरे गैर यहूदी मेह्‍णु जे बि अपु अपु मन बदलाई कइ अमर जीवन जीणे दान दुतो असा।”

प्रतिनिधि 16:14

तेन्हि जिल्हाणु अन्तरा लुदिया नओएं यक जिल्हाणु हें बोके शुणी बिशो थी। से थुआतीरा शेहरे, यक कीमति झिणे बेचणे बाड़ी भक्त जिल्हाणु थी। प्रभु तसे मन खोला कि पौलुसे बोक यक चत भोई कइ शुणेल।

1 कुरिन्थ 1:8

परमेश्वर तुसी अखिरि टेम तकर मतलब कि हें प्रभु यीशु मसीहे दुबारी एणे रोज तकर नरदोष रखता।

2 कुरिन्थ 1:15

किस कि मोउं इस बारे पूरा यकीन थिआ, त मेईं तुं आ जे एणे मन बड़ो थिआ ताकि तुसी में बेलि दुई दुई लिंग अशुश मेईंयेल।

2 कुरिन्थ 2:3

तोउं त, मेईं सक्ति कइ से चिट्ठि लिखि, ताकि जपल अउं तुसी केईं एऊं त तुसी केआं सुखे बदले मोउं दुख ना मेईंयेल। मोउं पक्का यकीन असा कि तुस सम्हाई में खुशी चहन्ते त अगर अउं खुश भुन्ता त तुस बि खुशी घेन्ते।

2 कुरिन्थ 7:16

अउं सुआ खुश असा कि अउं तुसी पुठ पूरा यकीन कइ सकता।

2 कुरिन्थ 9:4

ईं न लौतु भो कि जपल कोउं मकिदुनिया राज्य विश्वासी, मोउं जोई साते एई कइ ईं हेरियेल कि तुस तेयार नेईं, तोउं असी जे तुसी पुठ अत भरोसा हरालो असा, से खतम भोई घेन्ता त असी लजीण एन्तु। पर तिखेईं असी केआं ज्यादु त तुसी लजीण एन्तु।

गलाती 5:10

परमेश्वर पुठ में पूरा यकीन असा कि तुस कोई होरी शिक्षा ना मानते। त चहे, से कोई बि भोल, परमेश्वर तस जरूर सज्जा देन्ता, जे तुसी होरी होरी शिक्षा देन्ता।

इफिसुस 4:12

ताकि ए सम्हाई मी कइ तसे कम करण जे सोब विश्वासी मेह्‍णु तेयार करियेल त सतसंग जे कि मसीहे जिसम भो, तस बणाल।

फिलिप्पी 1:10

तेस बुद्धि बेलि तुसी पता लगता कि सोबी केआं ज्यादा खरु करुण की असु। तस करणे बेलि मसीह एणे रोज तुं जीवन शुचा त बजन कोई दोषे मेईंयाल।

फिलिप्पी 1:29

तुस मसीह पुठ विश्वास कते त तेस जे कष्ट बि सेहण लगो असे। ई सोब परमेश्वरे अशुश भिन्थ। मसीह जे तुसी जे किओ असु, तेस बझई जोई तेन तुं धे ए दुतो असी

फिलिप्पी 2:12

त ए ट्यारेओ! तुसी जुए बिशणे टेम जीं तुसी में हर यक निआंग मनो असी, तीं अभेईं में गैर हाजिर अन्तर बि तस केआं बि ज्यादा ध्यान दी कइ में बोक माने। परमेश्वरे जे तुस बचाओ असे, तस होरी हरालण जे कश कइ जीन्ते रिहे।

फिलिप्पी 2:13

किस कि परमेश्वर ईं असा जेन तुं धे अपु इच्छाई हिसाब जुए कम करण जे मन त ताकत दुतो असी।

फिलिप्पी 2:16

तुस परमेश्वरे जीवन देणे बाड़े वचन अन्तर पक्के भोई बिशे। अगर तुस ई सोब कते त मसीह दुबारी एणे रोज अउं इस बोकी पुठ रोभ किढ़ता कि मसीह जे मेईं जे दुख सेहा त कष्ट किआ, से बेकार ना भुआ, बल्कि तसे फल तुस असे।

कुलोसी 2:12

तुं पाणि अन्तर चुसीण, जीं तस जुए पथि घेण थिउ। त जीं परमेश्वरे से सोबी मरो मेह्‍णु बुच दुबारी जीआ, तीं तसे शक्ति पुठ विश्वास करणे बेलि तुस बि तस जुए जी गो असे।

1 थेस्सलु 1:3

त हें परमपिता परमेश्वरे सम्हाणि तुस विश्वास अन्तर जे कम कते, परेम जुओई जे मेहनत कते त हें प्रभु यीशु मसीह पुठ जे तुं पक्की उम्मीद असी, तस याद कते।

2 थेस्सलु 1:11

तोउं त अस तुसी जे रोज प्रार्थना बि कते कि हें प्रभु परमेश्वर तुसी तीं जीणे लेएक समझे, जेसे लिए तुस भिहो असे। त परमेश्वर तुं हर अब्बल इच्छा त तुं हर विश्वासे कम अपु ताकत जुए पूरा करे,

2 थेस्सलु 3:4

तुं बारे प्रभु पुठ हें पक्का भरोसा असा कि जे जे निआंग अस तुसी जे देन्ते तस तुस मानते त अगर बि मानते रेहन्ते।

फिलेमोन 1:21

मोउं पता असा कि तु में केहणा कत मानता। तोउं त, अउं ई चिट्ठि तोउ जे लिखण लगो असा। होर अउं ईं बि जाणता कि जे कुछ बि अउं बोता, तु तेस केईआं बि केहि गुणा बध कइ कता।

इब्रानी 10:35

तोउं त, अपु से भरोसा छड़ न देण, किस कि तसे बेलि तुसी सुआ ईनाम मेती।

इब्रानी 12:2

होर चले, हें विश्वासे मालिक त हें विश्वास सिद्ध करणे बाड़ा, तेस यीशु मसीह पुठ अस अपु नजर टगाई रखते। तेन तेस खुशी लिए जे तसे अगर थी, लजीणे कोई परवाह न कर कइ क्रूस पुठ मर गा त अब परमेश्वरे सिंहासने देहणा कना इज्जते बाड़ी जगाई घेई बिशा।

1 पतरस 5:10

परमेश्वर सोब दाह दयाई करणे बाड़ा भो, त तेन तुस मसीहे बेलि अपु अमर सुखे हेस्सेदार बणुण जे भिहो असे। तुं थोड़ी टेमे लिए दुख सीढ़ण केआं पता, से अपफ तुसी सिद्ध, विश्वास अन्तर पक्का त ताकतवर बणान्ता।

2 पतरस 3:10

प्रभु एणे रोज चोरे ईं अजगता एई घेन्ता। तेस रोज अम्बर सुआ गड़गड़ाहट कर कइ खतम भोई घेन्ता त तठिआ सोब कुछ सुआ तची कइ घुहुड़ि घेन्तु। तोउं धरती त तेस पुठ भुओ हर कमे सही गलते फैसला भुन्ता।