फिलिप्पी 1:29 - Walangi

²⁹ तुस मसीह पुठ विश्वास कते त तेस जे कष्ट बि सेहण लगो असे। ई सोब परमेश्वरे अशुश भिन्थ। मसीह जे तुसी जे किओ असु, तेस बझई जोई तेन तुं धे ए दुतो असी

फिलिप्पी 1:29 Cross References

मत्ती 16:17

त यीशु तेस जे बोलु, “ए शमौना, योने कोईया! तु धन्य असा; किस कि तोउ अपफ इसे पता नेईं लगो, पर में बोउ, जे स्वर्ग अन्तर असा, ई बोक तोउ पुठ हराली।

प्रतिनिधि 13:39

मूसे नियम असी एन्हि पापी केआं कदी ना बचाई सकतेथ। पर हर यक जेईं, जे तेस यीशु पुठ विश्वास कता, से पापी केआं छुड़काइ घेन्ता।

प्रतिनिधि 14:22

बत से विश्वासी के मन टकाई कइ, विश्वास अन्तर पक्का भोई बिशुण जे हिम्मत देन्तेथ, त ईं बोतेथ कि “असी सुआ दुख तकलीफ सेही कइ परमेश्वरे राज्य अन्तर घेण असु।”

प्रतिनिधि 14:27

तठि पूज कइ तेन्हि सतसंगी के सभा की त बोलु कि परमेश्वरे तेन्हि जोई साते बिश कइ की की कम किए, त कीं कर कइ गैर यहूदी मेह्‍णु जे विश्वासे दुआर खोल छड़े।

प्रतिनिधि 5:41

त प्रतिनिधि इस बोकी पुठ खुश भुए कि मेह्‍णु से यीशु मसीहे नओएं लिए बेइज्जत भुणे लेएक त समझे, त टजोट केआं घेई गे।

रोमी 5:3

सद एईएं ना, अस त दुख तकलीफ अन्तर बि खुश बिश्ते, किस कि असी पता असा कि दुख तकलीफे बेलिए सीढ़णे ताकत बधती,

इफिसुस 2:8

किस की विश्वास जुए त परमेश्वरे दाही बेलि तुस बच गो असे। ए तुसी केईआं न भो, होर ना कुछ खरे कमी के बझई जोई भो। पर परमेश्वर कनारा यक दान भो ताकि कोई रोभ ना किढ़ बटियाल।

कुलोसी 2:12

तुं पाणि अन्तर चुसीण, जीं तस जुए पथि घेण थिउ। त जीं परमेश्वरे से सोबी मरो मेह्‍णु बुच दुबारी जीआ, तीं तसे शक्ति पुठ विश्वास करणे बेलि तुस बि तस जुए जी गो असे।

याकूब 1:2

में भाई त भेणिओं! जपल तुस होरे होरे परेशानी के बेलि परखिन्ते त तस तुस खुश भुणे बोक समझे।

1 पतरस 4:13

पर जीं मसीहे दुख सीढ़ो थिआ, तीं तुस बि दुख सीढ़ते। त तुस खुश भुए, ताकि जपल से अपु सुआ इज्जत जुए एन्ता त तुस ती खुश भोई घेन्ते।