फिलिप्पी 1:27 - Walangi

²⁷ पर जीं बि भोल, तुस तीं जीण दिए जीं मसीहे खुश खबरी मानणे बाड़े जीन्ते। तोउं चहे अउं एई कइ तुसी जोई मिआल या तुसी केईं दूर भोई घियाल, अउं तु बारे ईं शुणता कि तुस विश्वास अन्तर बसी कइ, यक मन भोई कइ जे खुश खबरी विरोध कते तेन्हि जे तेसे सच्चाई उगाह देन्ते, जेस पुठ अस विश्वास कते।

फिलिप्पी 1:27 Cross References

मत्ती 12:25

यीशु तेन्के मने बोक बिझ गा त तेन्हि जे बोलु, “जेस राज्य अन्तर फूट पड़ती, से राज्य उजीड़ घेन्ता। होर जेस शेहर या गी अन्तर झगड़े भुण लगे, से न टिगते।

प्रतिनिधि 2:46

से रोज रोज यक सतसंग बण कइ देहेर अन्तर किठिन्तेथ, होर गी गी घेई कइ प्रभु रौठि बांट चुन्‍ठ कइ खांतेथ त सुआ खुशी जुए त बजन केहर-बेहरी सोब साते खांते पीन्तेथ।

प्रतिनिधि 24:24

कुछ रोज पता फेलिक्स अपु जुएली द्रुसिल्ला जोई साते तठि आ। तसे जुएली यहूदण थी। तेन्हि पौलुस भिआई छड़ा त तेस केईआं मसीह यीशु पुठ तेस विश्वासे बारे बोके शुणी।

प्रतिनिधि 4:32

अब मसीह पुठ विश्वास करणे बाड़े सोब यक मन चिती थिए। तेन्हि बिचा ईं कोई बि नेओथ जे अपु धन संपत्ति अपु बोताथ। तेन्के सोब किछ हेस्सेदारी अन्तर थिउ।

रोमी 1:16

खुश खबरी केआं अउं केसे बझई जुए बि ना लजिन्ता, किस कि से हर यक विश्वास करणे बाड़ी के बचणे लिए परमेश्वरे ताकत असी, पेहले त यहूदी मेह्‍णु लिए, फि गैर यहूदी लिए।

रोमी 1:5

तसे बेलिए असी पुठ कृपा भुई त तेन अस अपु प्रतिनिधि बणाए, ताकि तसे नओएं प्रचार करणे बेलि सोब जाति मेह्‍णु विश्वास कर कइ तस मानेल।

रोमी 1:9

जेस परमेश्वरे सेवा अउं पूरे मन जोई तसे कोईया खुश खबरी प्रचार करणे बेलि कता, सेईंए में उगाह असा कि अउं दन रात अपु प्रार्थना अन्तर तुसी याद कता रेहन्ता।

रोमी 10:8

पर मसीह पुठ विश्वास कर कइ धर्मी बणो मेह्‍णु ई बोता जीं मूसे लिखो असु, “परमेश्वरे वचन तुं भेएड़ असे, से तुं मुंह अन्तर त तुं मन अन्तर असे।” ए विश्वासे से समाचार भो, जेसे अस प्रचार कते।

रोमी 15:29

होर अउं जाणता कि जपल अउं तुसी केईं एऊं, त मसीहे सम्हाई अशुश अपफ जुए साते घिन एन्ता।

1 कुरिन्थ 1:10

ए ट्यारेओ! हें प्रभु यीशु मसीहे प्रतिनिधि भुणे खातिर अउं तुसी जे हथ जोड़ कइ बोता कि छने, सोबी अणबण केआं दूर रेह त यकी होरी जुए राड़-मीड़ कइ बिशे। तुं सम्हाई के मन त ध्यान यकजूट भो लौता।

1 कुरिन्थ 15:58

तोउं त, ए में ट्यारेओ, मसीह पुठ विश्वास अन्तर मजबूत रेह त परमेश्वरे दुतो कम कते रिहे, किस कि तुसी पता असा कि प्रभु जे तुं कोई बि कम बेकार ना भुन्तु।

2 कुरिन्थ 13:11

अब ए ट्यारेओ! यके मन भोई कइ, त उई मी कइ बिशे। खुश रिहे त हिम्मत रख कइ विश्वास अन्तर बस घिए। होर परेम त शान्ति देणे बाड़ा परमेश्वर तुसी जोई साते रेहन्ता।

2 कुरिन्थ 4:4

तेन्हि से खुश खबरी टगड़ियार न केती, जे परमेश्वरे यकी दुई मसीहे रौनक भो, किस कि इस धरती जे देवता असा, तेन तेन्के मन अन्हारा कइ छो असा।

2 कुरिन्थ 9:13

ई सेवा करणे बेलि तुसी अपफ जे साबित किओ असु कि तुस मसीहे खुश खबरी मानते त तस मान कइ होरी के ख्याल रखते। ईं हेर कइ सुआ जेईं परमेश्वरे महिमा कते।

गलाती 1:7

पर, ए कोई खुश खबरी नेईं, बल्कि कुछ मेह्‍णु असे, जे मसीहे खुश खबरी बुमोरण त तुसी धोखा देण चहन्ते।

इफिसुस 1:13

त जपल तुसी गैर यहूदी खुश खबरी शुणी, जे कि तुं बचाणे समाचार भो, होर विश्वास किआ कि परमेश्वर मसीहे बेलि असी बचाई बटता, त तेन अपु दुतो जुबान मुताविक तुसी पुठ शुची आत्माई मुहर लाई त हरालु कि तुस बि तसे हकदार बण गो असे।

इफिसुस 1:15

मेईं प्रभु यीशु पुठ तुं विश्वास त विश्वासी मेह्‍णु जुए तुं परेमे बारे शुणो असु।

इफिसुस 4:1

ए ट्यारे भाई त भेणिओं! ई सोब बोक नजर अन्तर रख कइ अउं, जे प्रभु कैदी असा, तुसी जे हथ जोड़ता कि जेस बझई जोई परमेश्वरे तुस भिहो असे, तसे हेसाब जुए तुस अपु जीवन जीण दिए।

फिलिप्पी 2:12

त ए ट्यारेओ! तुसी जुए बिशणे टेम जीं तुसी में हर यक निआंग मनो असी, तीं अभेईं में गैर हाजिर अन्तर बि तस केआं बि ज्यादा ध्यान दी कइ में बोक माने। परमेश्वरे जे तुस बचाओ असे, तस होरी हरालण जे कश कइ जीन्ते रिहे।

फिलिप्पी 2:24

त मोउं बि पूरा यकीन असा कि प्रभु चहाल त अउं अपफ बि झट एई घेन्ता।

फिलिप्पी 3:18

किस कि सुआ मेह्‍णु के चाल चलण मसीहे खिलाफ असा, जेन्के बारे मेईं तुसी घड़ी घड़ी बोलो थी। अउं अभेईं बि रोलते रोलते बोता कि से मसीहे दुश्माण असे किस कि से क्रूस पुठ तसे मरणे कोई कदर ना कते।

फिलिप्पी 3:20

पर अस जे मसीह पुठ विश्वास कते, जेठि बिश्ते से स्वर्ग भो। अस प्रभु यीशु मसीह, हें बचाणे बाड़ा तठिआ दुबारी एणे बोडी बेशब्री जुए भाड़ते।

फिलिप्पी 4:1

तोउं त, में ट्यारे भाई त भेण, जीं मेईं बोलो असु तीं प्रभु पुठ विश्वास अन्तर बस घिए। तुस मोउं खुशी देन्ते। तुस तेस मुकुटे ईं असे जे मोउं अपु कमे लिए प्रभु केआं मेओ असा। तुस मोउं तीं ट्यारे असे त अउं तुसी जोई मीण चहन्ता।

कुलोसी 1:10

ताकि तुस प्रभु खुश भुणे लेएक जीवन जी बटियेल, त हर यक अब्बल अब्बल कमी के फले बेलि परमेश्वर खुश कइ बटियेल त तसे ज्ञान अन्तर हउ बि बधियेल।

1 थेस्सलु 3:6

पर अभेईं तिमुथियुस, जे तुं भेएड़ केआं वापिस अओ असा, तेन तुं विश्वास त परेम बारे बधिआ खबर शुणाई। होर तेन असी जे ईं बोक बि लाई कि तुस असी बोडे परेम जुए याद कते त जीं अस तुसी जोई मीण चहन्ते, तीं तुस बि असी जोई मीण चहन्ते।

1 थेस्सलु 4:1

त ए भाई त भेणिओं! अस तुसी जे हथ जोड़ कइ प्रभु यीशु अन्तर समझाण लगो असे कि परमेश्वर खुश करण जे त तेस लेएक जीण जे जीं तुसी असी केआं शिचो असु, होर अभेईं करण लग गो असे, तेस हउ बि कते रिहे।

1 तिमुथि 1:11

ए शिक्षा तेस परमधन्य परमेश्वरे महिमा बाड़ी खुश खबरी हिसाब जुए असी, जेसे जिम्मेबारी मेन्धे दुतो असी।

1 तिमुथि 1:19

होर अपु विश्वास त साफ अन्तरात्मा छड़ ना दिए, जेस छड़ दी कइ कत मेह्‍णु के विश्वासे जहाज पाणि अन्तर डूब गो असा।

2 तिमुथि 4:7

मेईं परमेश्वरे खुश खबरी खातिर यक फौजी ईं अपु जी जान लोओ असी, त परमेश्वरे तेस सेवाई दौड़ पूरी की, होर विश्वासेरी जे शिक्षा परमेश्वर मेन्धे दुतो थी, से सुसुर जुढ़ेरी रखो असी।

तीतुस 2:10

चोरुण नउ; पर अपफ जे पूरा यकीन लेएक त खरा हराले ताकि असी बचाणे बाड़ा परमेश्वरे वचने शिक्षाई इज्जत बधियेल।

फिलेमोन 1:5

किस कि अउं प्रभु यीशु मसीह पुठ तें विश्वासे बारे त तु कीं सोब शुचे मेह्‍णु जुए परेम कता, तसे बारे शुणता रेहन्ता।

याकूब 3:18

जे मेह्‍णु मिआणे कम कते से शान्ति बाड़ु बिएजु बांते होर धरमे फसल लुणते।

2 पतरस 3:11

त किस कि ए सोब चीजे ईं भुई कइ खतम भुणे बाड़ी असी, त तुं चाल चलण त जीण की भुण लौता? जरूर शुचा त परमेश्वरे भक्ति बइ भरिए लौता।

2 पतरस 3:14

तोउं त, ए ट्यारेओ! किस कि तुस अन्हि बोकी के उम्मीद कते, त कोशिश करे कि तुस से बजन कोई कलंक त नरदोष, होर तेस जोई शान्ति जुए बिशो मेईंए।

यहूदा 1:3

ए ट्यारेओ! में मन अन्तर त ती चह थी कि अउं तुसी जे परमेश्वरे असी बचाणे बारे लिखुं, जेस अन्तर अस सोब मी कइ हेस्सेदार असे। पर अब मोउं ई जरूरी लगतु कि तुसी हिम्मत दिउं कि तुस कीं कइ अपु तेस विश्वासे रक्षा करियेल, जे विश्वास परमेश्वरे सोबी शुचे मेह्‍णु कें धे यके लिंगि दुतो असा।