फिलिप्पी 1:26 - Walangi

²⁶ जपल अउं तुसी केईं पैटता, त मोउं मीणे बझई जोई तुस यीशु मसीह जे सुआ धन्यवाद दिए त गुणगान करे।

फिलिप्पी 1:26 Cross References

यूहन्ना 16:22

त तुसी अभेईं त दुख भुन्ता, पर जपल अउं तुसी दुबारी मेता, त तुस सुआ खुश भोई घेन्ते त कोई बि तुं खुशी खराब कइ ना बटते।

यूहन्ना 16:24

अभेईं तकर तुसी में नओं पुठ कुछ नेईं मगो। मगीण दिए त तुं धे दीइन्तु, ताकि तुस सुआ सुख मेईंयाल।”

2 कुरिन्थ 1:14

तोउं, यीशु मसीहे एणे रोज तुस असी पुठ रोभ लान्ते त अस तुसी पुठ।

2 कुरिन्थ 5:12

अस फिर अपफ बधाण नेईं लगो, बल्कि अस तुन्धे हें बारे रोभ लाणे मौका देण लगो असे। एसे बेलि तुस तेन्हि घमण्डी मेह्‍णु जे जवाब दी बटियेल, जे मेह्‍णु के बोकी पुठ रोभ लान्ते, ना कि तेस पुठ, जे तेन्के मन अन्तर असु।

2 कुरिन्थ 7:14

तेसे सामणि तुं बारे मेईं रोभ लाओ थिआ, त तुसी अउं नराश ना किआ। पर तुं बारे हें हर यक बोक जीं सच्ची थी, तीं तुं बारे तीतुसे अगर हें रोभ लाण बि सही साबित भुआ।

2 कुरिन्थ 7:4

मोउं तुसी पुठ पूरा भरोसा असा। अउं तुसी पुठ सुआ घमण्ड कता। मोउं ती शान्ति मेई। हें अत दुख तकलीफ अन्तर भुणे बावजूद बि तुसी हें हिम्मत बधाई त खुश कइ छड़े।

2 कुरिन्थ 7:6

पर जे दीन दुखी मेह्‍णु के हिम्मत बधान्ता, तेन परमेश्वरे तीतुस भाई लंघाई कइ हें हिम्मत सुआ बधाई।

गलाती 6:4

पर हर यक जेईं अपु अपु कम परखुण जरूरी असु, ताकि से होरी के कम हेर कइ ना, पर अपु कम हेर कइ खुश भुई घियेल त पूरे सच्चाई जुए रोभ किढ़ बटियेल।

फिलिप्पी 3:1

त में भाई त भेणिओं! खुशी मनान्ते रेह किस कि अस परमेश्वरे भिन्थ। जे जे बोक मेईं पेहले तुसी जे बोलो थी तोउं बि तस घड़ी घड़ी लिखुण जे अउं कोई परवाह ना कता, किस कि तेन्के बेलि तुं विश्वास सही सलामत रेहन्ता।

फिलिप्पी 3:3

अस से भिन्थ जे परमेश्वरे सच्चे गभुर भो, किस कि अस परमेश्वरे आत्माई मदते बेलि तसे अराधना कते त यीशु मसीह असी बचाण जे किओ कम पुठ रोभ लान्ते। अस रीति रिवाज पुठ भरोसा ना कते।

फिलिप्पी 4:10

सुआ रोज पता में बारे सोच कइ किछ मदत करणे जे तुसी हउ यक मौका मेईंया। इस बझई जुए अउं तीं खुश भोई कइ प्रभु धन्यवाद कता। मोउं पता असा कि तुस शुरुवात केआं ईं में बारे सोचते रेहन्ते, पर तुसी मौका नेओथ मेओ।

फिलिप्पी 4:4

खुशी मनान्ते रिहे किस कि तुस परमेश्वरे भिन्थ। अउं दुबारी बोता कि खुशी मनान्ते रिहे!