फिलिप्पी 1:23 - Walangi

^23-24 अउं इन्हि दुई बोकी बुच फसो असा। यक कना त चहन्ता कि इठिआ नश कइ मसीह जुए बिश्ता, जे करण सुआ अब्बल असु। पर होरा कना मोउं इस धरती पुठ जीणे तुसी जे ज्यादा फायदामन्द असु।

फिलिप्पी 1:23 Cross References

लूका 12:50

पर पेहले मोउं यक भयंकर कष्ट अन्तर चुसीण असु। त जपल तकर से भोई ना घियेल, मोउं सुआ कष्ट सीढ़ण एन्ता!

लूका 23:43

तेन तस जे बोलु, “अउं तोउ जे बोता कि आजे तु मोउं जोई स्वर्ग अन्तर भुन्ता।”

लूका 8:38

जेस मेह्‍णु केआं दुष्ट आत्मा निथो थी, से यीशु जोई साते घेण जे छनेअरे करण लगा। पर यीशु से ईं बोल कइ लंघा,

यूहन्ना 12:26

अगर कोई में चेला बणण चहन्ता त तस में पतोती एण जरूरी असु; त जेठि अउं भुन्ता, तठि में नौखर बि भुन्ते; अगर कोई में सेवा कराल त परमपिता परमेश्वर तसे इज्जत कता।”

यूहन्ना 13:1

तोउं बचणे त्योहारे शुरु भुणे पेहला ईं यीशु पता थिआ कि धरती छड़ कइ अपु बोउ केईं जे तसे घेणे टेम अब भोई गो असा। फिर बि तेन इस धरती पुठ जे जे बि तसे अपु थिए, तेन्हि जोई जीं से शुरुवात केआं परेम कताथ तीं कते रेहा

यूहन्ना 14:3

अगर अउं घेई कइ तुसी जे जगाह तेयार करुं त दुबारी एई कइ तुसी साते घिन घेन्ता, ताकि जेठि अउं बिश्ता, तठि तुस बि बिशियेल।

यूहन्ना 17:24

“बोउआ! अउं चहन्ता कि जे तुसी मेन्धे दुतो असु, जेठि अउं रेहन्ता, तठि से बि बिशियेल, ताकि से में महिमा जे तुसी मेन्धे दुतो असी तस हेर सकियेल। किस कि तुसी धरती बणाण केआं पेहले ईं मोउं जुओई परेम किओ असा।

प्रतिनिधि 7:59

जपल से स्तफनुस पुठ घोड़िआ देन्ते रिहे, त तेन ईं प्रार्थना की, “ए प्रभु यीशु, में आत्मा रखीण दिए।”

2 कुरिन्थ 5:8

इस बझई जुए अस नडर रेहन्ते त जिसम केआं बखरी कइ प्रभु जुए साते बिशुण सुआ अब्बल समझते।

2 कुरिन्थ 6:12

असी तुस कदी बखरे नेईं किओ, बल्कि तुसी अपफ अस बखरे किओ असे त असी जुए परेम ना कते।

1 थेस्सलु 2:1

ए भाई त भेणिओं! तुसी पता असा की हें तुं भेएड़ एण बेकार न भु।

1 थेस्सलु 2:13

तोउं त, अस बि हर वकत परमेश्वरे धन्यवाद कते कि जपल असी परमेश्वरे वचन तुसी शुणा त तुसी से मेह्‍णु के वचन ना, बल्कि परमेश्वरे वचन समझ कइ माने। (ए सच्चे बि परमेश्वरे वचन भो) होर से वचन अभेईं तुसी विश्वासी अन्तर कम करुण लगो असा।

1 थेस्सलु 4:17

तिखेईं अस जे तपल तकर जीन्ते भुन्ते, अस बि तेन्हि जुए बदेए पुठ खड़िए नीइन्ते, ताकि अम्बर पुठ प्रभु जुए मीते त ईं भोई कइ अस हमेशा प्रभु जुए बिश्ते।

2 तिमुथि 4:6

किस कि अभेईं परमेश्वर जे मोउं अपु जिनि भकत देणे टेम एई गो असा त में मरणे टेम भोई गो असा।

प्र. बोके 14:13

फि मेईं स्वर्ग केआं ईं अवाज शुणी, “लिखिण दे! अभेईं केईआं खड़, तेन्हि सोबी जे अशुश मेती, जे प्रभु पुठ मरण तकर विश्वास कते रेहन्ते।” आत्मा बोती, “आं, किस कि से अपु सोब कष्ट केआं अराम कते, होर तेन्के खरे कम कदी ना बिसरिन्ते।”