फिलिप्पी 1:12 - Walangi

¹² ए ट्यारेओ, अउं चहन्ता कि तुस जाणे कि बेशक मोउं पुठ ई सोब आफत एई, तोउं बि एन्हि आफती बेलि खरा फल मेईंया, किस कि तसे बेलि सुआ मेह्‍णु यीशु मसीह बारे खुश खबरी शुण बटी।

फिलिप्पी 1:12 Cross References

लूका 21:13

पर ए तुसी जे में बारे उगाह देणे मौका बणता।

प्रतिनिधि 8:4

त जे विश्वासी इएर-ओवर खिल्हिर गो थिए, से खुश खबरी प्रचार कते रिहे।

रोमी 8:28

अस जाणते कि जे मेह्‍णु परमेश्वर जोई परेम कते, मतलब परमेश्वरे जे अपु इच्छाई हेसाब जोई भिओ असे, तेन्हि सोबी बोकी के बेलि परमेश्वर तेन्के भलाई कता।

रोमी 8:37

पर ए सोब बुराई अन्तर बि अस तेन्हि जीतो वीरी केईआं बि बध कइ असे, किस कि मसीहे, जे असी जोई परेम किओ असा, से हें मदत कता।

फिलिप्पी 1:7

तुसी में सात पेहले तपल दिता जपल अउं खुल कइ खुश खबरी प्रचार कताथ त खुश खबरी विरोध करणे बाड़ी जे तसे सच्चाई बार उगाह देन्ताथ त अभेईं बि देण लगो असे, जपल अउं जेहेल अन्तर कैद असा। त ए जायज असा कि अउं तुसी बोडे खुशी जुए याद कता। त तुसी अन्तर में कांया घेई गो असी।

फिलिप्पी 2:22

तुसी त से परख कइ पिछाणो असा कि से कत भरोसे लेएक असा। जीं कुआ अपु बोउए बोकी नकल कता, तीं से बि मोउं जुए खुश खबरी प्रचार करण अन्तर कष्ट कता।

फिलिप्पी 4:15

फिलिप्पी शेहरे भाई त भेणिओं! तुसी याद असु ना जपल अउं मकिदुनिया राज्य अन्तर पेहली बार खुश खबरी प्रचार कर कइ गा त तुसी छड़ दी कइ होर केनि बि सतसंगे मेन्धे चन्ना ना दिता।

फिलिप्पी 4:3

ए में सच्चा साथीआ! अउं तें छनेअरे कता कि एन्हि जिल्हाणु के अणबण मुकाण जे मदत कर। किस कि एन्हि मोउं जुए, क्लेमेंस त में होरे साथी जुए खुश खबरी प्रचार करण अन्तर तीं कम किओ थिउ। एन्के नओं परमेश्वरे अपु कताब अन्तर लिख छो असु, जेस अन्तर तेन्हि मेह्‍णु के नओं असे, जेन्हि केईं अमर जीवन असा।

1 तिमुथि 2:8

तोउं त अउं चहन्ता कि तुस जेस जगाई बि सतसंग कते त सम्हाई मड़द अपु शुचे हथ खड़ियेर कइ प्रार्थना त दुआ करे। त ईं ख्याल रखे की तुं जिन्‍दगी परमेश्वरे लेएक असी, त तुं बुच लेहरीण त कोई झगड़ा भेएड़ा नेईं।

2 तिमुथि 2:9

त इस बझई जुए दुष्टी के ईं अउं कष्ट पाण लगो असा। सद एतुरु ना, बल्कि जेहेल अन्तर बि कैद असा। पर परमेश्वरे वचन कोई कैद ना कइ बटता।

2 तिमुथि 4:17

पर प्रभु मोउं जुए बिशा त मेन्धे अपु ताकत दिती, ताकि में बेलि खुश खबरी पूरा प्रचार भोल त सम्हाई गैर यहूदी तस शुणेल। त अउं मरुण केआं बच गा।