फिलिप्पी 1:10 - Walangi

¹⁰ तेस बुद्धि बेलि तुसी पता लगता कि सोबी केआं ज्यादा खरु करुण की असु। तस करणे बेलि मसीह एणे रोज तुं जीवन शुचा त बजन कोई दोषे मेईंयाल।

फिलिप्पी 1:10 Cross References

मत्ती 16:23

त तेन पतरस जे बोलु, “ए शैताना, में सामणि केआं दूर भोई गा! तु में कम रोकुण लगो असा, किस कि तु परमेश्वरे बोकी पुठ न, बल्कि मेह्‍णु के बोकी पुठ मन लान्ता।”

मत्ती 26:33

त पतरसे तेस जे बोलु, “ए गुरु, ए सोब तोउ छड़ दी कइ नश बि घियेल त अउं कदी तोउ छड़ न देन्ता।”

यूहन्ना 1:47

जीं यीशु नथानयेल अपु कना जे एन्ता का त तसे बारे बोलु, “ई भो यक सच्चा इस्राएली जाति मेह्‍णु, जेस अन्तर कोई दुरबुध नेईं।”

यूहन्ना 3:20

किस कि जे बि पापे कम कते, से टगड़ियार पसंद ना कते, त तसे भेएड़ बि ना एन्ते। ना त तेन्के पापे कम सम्हाई के नजर एई घेन्ते।

प्रतिनिधि 24:16

एस बझई जोई अउं बि हमेशा कोशिश कता कि परमेश्वरे समाणि त मेह्‍णु के समाणि में अन्तरात्मा बजन दोषे रिहेल।”

रोमी 12:2

इस मतोके मेह्‍णु के ईं न बणे। पर तुं मन बदलीणे हेसाब जोई परमेश्वर तुं चाल चलण बि बदलण दिए, जेसे बेलिए तुस परमेश्वरे खरी, तस खुश करणे बाड़ी त हर कनारी बइ सिद्ध इच्छा बिझियेल।

रोमी 12:9

परेम करण अन्तर कोई कपट ना करे, बुराई हेर नफरत करे, भलाई कते रिहे।

रोमी 16:17

ए ट्यारेओ, अउं तुं छने कता कि तुस तेन्हि मेह्‍णु तालीण दिए जे मेह्‍णु झगड़ान्ते त जे शिक्षा तुसी मेओ असी, तेसे खिलाफ भोई कइ होरी के विश्वास मुकान्ते। तेन्हि केईआं दूर बिशे।

रोमी 2:18

तसे इच्छा जाणता त तसे नियमे शिक्षा मेणे बेलि खरी खरी बोकी जुए साथोठ देन्ता।

रोमी 7:16

होर जेस करण जे अउं ना चहन्ता, अगर तस कता त अउं मन छता कि नियम खरे असे।

रोमी 7:22

किस कि मसीहे बेलिए मेओ नोउए सभावे बझई जोई परमेश्वरे नियम त मोउं ती ट्यारे असे।

रोमी 8:7

तोउं त, जिसम पुठ मन लाण परमेश्वर जोई बैर करण असा। एसे बेलि कोई परमेश्वरे नियमे वश अन्तर ना रेही सकता। कदी बि ना।

1 कुरिन्थ 1:8

परमेश्वर तुसी अखिरि टेम तकर मतलब कि हें प्रभु यीशु मसीहे दुबारी एणे रोज तकर नरदोष रखता।

1 कुरिन्थ 10:32

तुस यहूदी, गैर यहूदी, त परमेश्वरे सतसंगे खिलाफ बि कोई ईं कम ना करे कि जेसे बेलि तेन्के विश्वास कमजोर भोल।

1 कुरिन्थ 8:13

तोउं त, में खांजे खाण अगर में भाई जे पाप करणे बझह बणता, त अउं तेस चढ़ो चीज कदी ना खऊं, ताकि अउं अपु भाई पाप करणे लुन्ज ना दिउं।

2 कुरिन्थ 1:12

अस इस बोकी पुठ रोभ किढ़ बटते त हें अन्तरात्मा बि इ उगाह देन्ती कि असी पूरी सच्चाई जुए, शुची जिन्‍दगी जीओ असी, खास कर तुं सामणि। ए असी मेह्‍णु दुतो ज्ञाने बेलि नेईं किओ, बल्कि परमेश्वर केआं भुओ कृपादृष्टि बेलि।

2 कुरिन्थ 2:17

अस तेन्के ईं नेईं जे लाली के ईं परमेश्वरे वचन मिआई-मिउई कइ बेचते। पर किस कि परमेश्वरे अस लंघो असे त अस मसीहे सेवक असे। अस पूरे सच्चाई जुए तसे वचन शुणान्ते।

2 कुरिन्थ 6:3

अस ईं कशि बिश्ते कि हें जीण त लियागते बेलि केसे जेईं बि कोई उछुट ना लगे त हें कम अन्तर कोई कमी ना रिहे।

2 कुरिन्थ 8:8

अउं एसे बारे कोई निआंग देण नेईं लगो, बल्कि होरी के जोश हेर कइ तुं परेमे सच्चाई परखणे लिए बोलुण लगो असा।

गलाती 5:11

ए में भाई त भेणिओं! मेईं त तुसी जे कदी खतना करण जे नेईं बोलु! अगर अउं खतना करणे प्रचार कताथ त अभेईं तकर यहूदी मेह्‍णु अउं ना भुंजान्तेथ त मसीहे क्रूसे बेलि जे अजादी असी, तसे खिलाफ कोई ना भुन्ताथ।

इफिसुस 4:15

बल्कि अस परेम जुए सम्हाई किछ पुठ मसीह अन्तर बधते घेन्ते, किस कि अस परमेश्वरे सच्चाई पुठ जम कइ बिश्ते। मसीह जीं मगिर भो,

इफिसुस 5:27

तेन ई इस बझई जुए किउ ताकि असी अपफ जे यक ईं दुल्हन बणाए, जेस केईं ना कोई दाग धब्बे, त ना कोई खराबी भोल। पर, से शुचा त अब्बल भोल।

इफिसुस 6:24

परमेश्वरे कृपादृष्टि तेन्हि सम्हाई पुठ हमेशा भुन्ति रिहे, जे हें प्रभु यीशु मसीह जुए परेम कते।

फिलिप्पी 1:6

परमेश्वरे जे करणे तुं अन्तर शुरु किओ असु, से सच्चे बि खरु असु। मोउं पूरा यकीन असा कि से तस कता रेहन्ता त मसीह यीशु दुबारी एणे रोज पूरा कता।

फिलिप्पी 2:16

तुस परमेश्वरे जीवन देणे बाड़े वचन अन्तर पक्के भोई बिशे। अगर तुस ई सोब कते त मसीह दुबारी एणे रोज अउं इस बोकी पुठ रोभ किढ़ता कि मसीह जे मेईं जे दुख सेहा त कष्ट किआ, से बेकार ना भुआ, बल्कि तसे फल तुस असे।

1 थेस्सलु 3:13

ताकि, से तुं मन ईं शुचा बणाल कि जपल हें प्रभु यीशु मसीह अपु सोब शुचा मेह्‍णु जुए एन्ता त हें परमेश्वरे त बोउए सम्हाणि तुं मन बजन दोषे मेईंयाल।

1 थेस्सलु 5:21

हर बोक परखे, त जे खरी असी, तस मने।

1 थेस्सलु 5:23

त अभेईं, जे परमेश्वर शान्ति देन्ता, से अपफ तुसी पूरा शुचा करे; त तुं आत्मा, प्राण, त तुं जिसम हें प्रभु यीशु मसीह दुबारी एण तकर बजन कोई दोषे त बचाई रखे।

1 यूहन्ना 4:1

ए ट्यारेओ! हर यक जेईं पुठ विश्वास ना करे जे ईं बोते कि शुची आत्मा हें अन्तर असी। पर तेन्हि परखिण दिए कि से परमेश्वरे कनारा असे कि नेईं, किस कि मतोक अन्तर सुआ झूठे भविष्य वक्ता बणो असे।

प्र. बोके 2:2

अउं तुं कम, तुं मेहनत, त तुं लाह रखुंण जाणता। होर ईं बि जाणता कि तुस कीं बुरे मेह्‍णु हेरी ना बटता। त तुसी से सोब परख कइ झूठे कइ छड़े, जे अपफ जे प्रतिनिधि त बोते, पर असे नउ।