फिलिप्पी 1:1 - Walangi

¹ ट्यारे फिलिप्पी शेहरे सम्हाई विश्वासी भाई त भेण! तुसी त मसीहे सतसंगे सम्हाई सेवक त मुखिया! यीशु मसीहे नौखर अउं पौलुस त भाई तिमुथियुस तुसी जे नमस्कार कते जे यीशु मसीह पुठ विश्वास करणे बेलि शुचे भुओ असे।

फिलिप्पी 1:1 Cross References

मरकुस 13:34

“में एणे टेम ईं असा जीं यक मेह्‍णु अपु गी छड़ कइ परदेश घेन्ता। से अपु नौखरी कें धे हक दी कइ तेन्हि अन्तरा हर यक जेईं तेस कम बताई देन्ता त पेहरा देणे बाड़े जे खड़ खड़ बिश कइ पेहरा देणे निआंग देन्ता।

यूहन्ना 12:26

अगर कोई में चेला बणण चहन्ता त तस में पतोती एण जरूरी असु; त जेठि अउं भुन्ता, तठि में नौखर बि भुन्ते; अगर कोई में सेवा कराल त परमपिता परमेश्वर तसे इज्जत कता।”

प्रतिनिधि 1:20

यहूदा इस्कारियती जुए भुओ ए सोब, छुआंरी के कताब अन्तर लिखो बोक याद दिआन्ती कि, ‘तसे घर उजीड़ गो लौता, त तेस अन्तर कोई ना लौता बसो’” त “‘तसे जगाह केनि नी लौती छो।’”

प्रतिनिधि 20:28

तोउं त, तुस अपु त परमेश्वरे तेस दले चौकसी करे जे शुची आत्माई तु जिम्म छो असी। तुस परमेश्वरे सतसंगे गुआले ईं देखभाल करे, किस कि तेन ए अपु कोईया लहुए बइ खरीदो असे।

प्रतिनिधि 9:13

पर हनन्याहे जवाब दिता, “ए प्रभु, मेईं एस मेह्‍णु बारे सुआ जेईं केआं शुणो असु कि एनि यरुशलेम शेहर अन्तर तें शुचे मेह्‍णु जोई की की बुरु किओ असु।

रोमी 1:1

में ट्यारे रोम शेहरे विश्वासी भाई त भेणिओं! अउं पौलुस, यीशु मसीहे सेवक तुसी जे नमस्कार कता। परमेश्वरे अउं मसीहे प्रतिनिधि बणण जे भिहो असा, त तसे खुश खबरी प्रचार करण जे बखरे किओ असा।

रोमी 1:7

ए चिट्ठि रोम शेहरे तुसी सोबी जे असी, जे परमेश्वरे ट्यारे असे त शुचे भुण जे भिहो असे। हें परमपिता परमेश्वरे त प्रभु यीशु मसीहे कृपादृष्टि तुसी पुठ भुन्ति रिहे, होर तुसी शान्ति मेती रिहे। आमीन।

1 कुरिन्थ 16:10

अगर तिमुथियुस पूज घियाल, त तसे खरी खातिरदारी करे, किस कि में ईं से बि प्रभु कम करण लगो असा।

2 कुरिन्थ 1:1

ट्यारे कुरिन्थुस शेहरे परमेश्वरे सतसंग त पूरे अखया राज्य परमेश्वरे चुणो मेह्‍णुओ! अउं पौलुस, जे परमेश्वरे इच्छाई बेलि मसीह यीशु प्रतिनिधि असा त हें भाई तिमुथियुस, तुसी जे नमस्ते कते।

गलाती 1:10

तुसी कि लगतु कि अउं मेह्‍णु मनाण लगो असा ना? ना परमेश्वर मनाण लगो असा? अउं की मेह्‍णु खुश करण चहन्ता ना? ना! अगर तीं भुन्तुथ त अउं मसीहे गुलाम ना बणताथ।

गलाती 3:26

त जेन्हि बि मसीह यीशु पुठ विश्वास कर कइ तस जुए पुओणि अन्तर चुसिए असे, तेन्हि सम्हाई मसीहे दुतो नोउएं गुण झिणि के ईं डबो असे। इस बझई जुए तुस जे मसीह पुठ विश्वास कते सम्हाई अब परमेश्वरे गभुर बणि गो असे।

गलाती 3:28

तुं बुच अभेईं ना यहूदी, ना गैर यहूदी; ना गुलाम ना अजाद; होर ना जिल्हाणु नामड़द, कोई फरक नेईं; किस कि यीशु मसीह अन्तर तुस सम्हाई यक भोई गो असे।

इफिसुस 1:1

ट्यारे इफिसुस शेहरे शुचे त यीशु मसीह पुठ विश्वास करणे बाड़े भाई त भेणिओं! अउं, पौलुस जे परमेश्वरे इच्छाई बेलि यीशु मसीहे प्रतिनिधि बणो असा, तुसी सोबी जे नमस्कार कता।

इफिसुस 1:15

मेईं प्रभु यीशु पुठ तुं विश्वास त विश्वासी मेह्‍णु जुए तुं परेमे बारे शुणो असु।

इफिसुस 6:24

परमेश्वरे कृपादृष्टि तेन्हि सम्हाई पुठ हमेशा भुन्ति रिहे, जे हें प्रभु यीशु मसीह जुए परेम कते।

फिलिप्पी 2:19

प्रभु यीशु चहाल त अउं झट तुसी केईं तिमुथियुस लंघान्ता, ताकि तुं हाले बारे पता लाई कइ मोउं धिक शान्ति मेईंयेल।

फिलिप्पी 2:5

यीशु मसीह अन्तर जीं गुण थिए, तुस बि तसे ईं गुण रखे।

फिलिप्पी 3:12

अउं ईं बोलुण नेईं लगो कि अउं इस पुठ कमियाब भोई गो असा, त परमेश्वरे अगर सिद्ध भोई गो असा। पर अउं यीशु मसीहे ईं भुण जे जब्बर कोशिश करण लगो असा, किस कि एसे खातिर तेन अउं चुणो असा।

फिलिप्पी 3:3

अस से भिन्थ जे परमेश्वरे सच्चे गभुर भो, किस कि अस परमेश्वरे आत्माई मदते बेलि तसे अराधना कते त यीशु मसीह असी बचाण जे किओ कम पुठ रोभ लान्ते। अस रीति रिवाज पुठ भरोसा ना कते।

फिलिप्पी 3:8

आं! में प्रभु यीशु मसीह जाणण अन्तर जे अनमोल अशुश असी, तस सामणि सद से सोब नेईं जे मेईं बोलो असु, बल्कि बाकी सोब किछ बेकार असु। मेईं त अपु सम्हाई किछ गन्‍द-फन्‍द समझ कइ मसीहे खातिर छड़ दुतो असु, ताकि अउं तस अपु बणेउ।

1 थेस्सलु 1:1

ट्यारे थेस्सलुनीका शेहरे भाई त भेणिओं! में पौलुसे, सिलवानुसे त तिमुथियुसे कनारा तुसी सोबी जे नमस्कार। तुस जे हें परमपिता परमेश्वरे त प्रभु यीशु मसीहे सतसंगे भो, तुसी प्रभु कृपादृष्टि त सुख शान्ति मेती रिहे। आमीन

1 थेस्सलु 2:2

होर ईं बि कि तुं भेएड़ एण केईआं पेहले फिलिप्पी शेहर अन्तर असी पुठ कीं दुख त कष्ट अओ थिआ। फि बि परमेश्वर हेन्धे हिम्मत दिती कि अस सोबी दुख तकलीफ अन्तर बि पूरे जोश जुए परमेश्वरे खुश खबरी तुसी शुणाई।

2 थेस्सलु 1:1

ट्यारे थेस्सलुनीका शेहरे भाई त भेणिओं! में पौलुसे, सिलवानुसे त तिमुथियुसे कनारा तुसी सोबी जे नमस्कार। तुस जे हें परमपिता परमेश्वरे त प्रभु यीशु मसीहे सतसंगे भो,

2 थेस्सलु 1:10

ईं तिखेईं भुन्तु जिखेईं से अपु शुचे मेह्‍णु केआं महिमा त सम्हाई विश्वासी केआं इज्जत पाण जे एन्ता। जेन्हि बुच तुस बि भुन्ते, किस कि तुसी हें उगाही पुठ विश्वास किआ।

1 तिमुथि 3:8

तीं सतसंग अन्तर जे सेवक भुन्ते से इज्जतदार लौते। से ढोंगी त प्याकड़ ना लौते, होर अपु फायदे लालची बि ना लौते।

तीतुस 1:1

में ट्यारे तीतुस, परमेश्वरे गुलाम त यीशु मसीहे प्रतिनिधि अउं पौलुस तोउ जे नमस्कार कता। परमेश्वरे अउं लंघो असा ताकि तसे चुणो मेह्‍णु बुच विश्वासे बारे प्रचार करुं त तेन्हि सच्चाई शिचालुण, जेसे बेलि तेन्हि पता लगियाल कि परमेश्वर मनी कइ कीं जीण।

तीतुस 1:7

किस कि जे सतसंगे मुखिया भुन्ते, से परमेश्वरे भण्डारी बणते। इस बझई जुए से दोषी ना लौते; ना हठि, ना उश्कोटे, ना प्याकड़, ना कुटीण बाड़े, होर ना अपु फायदे लालची लौते।

फिलेमोन 1:1

असी जुए मसीहे सेवा करणे बाड़ा ए में ट्यारे भाई फिलेमोन! मसीह यीशु जे कैद भुओ अउं पौलुस त विश्वास अन्तर हें भाई तिमुथियुस तोउ जे नमस्कार कते। मसीह अन्तर हें भेण अफिया, त विश्वासे लड़ाई अन्तर हें साथी भाई अरखिप्पुस जे, होर तुं गी भुणे बाड़ी सतसंगे सोबी विश्वासी भाई भेणि जे बि हें नमस्कार!

इब्रानी 13:23

अउं तुसी जे यक बोक बतान्ता कि हें भाई तिमुथियुस जेहेल अन्तरा छूट गो असा। होर अगर से झठ एई घियाल त अउं तेस जोई साते तुसी केईं एन्ता।

याकूब 1:1

ए में ट्यारे यहूदी मेह्‍णुओ, जे पूरी धरती अन्तर टडिए असे। अउं परमेश्वरे त प्रभु यीशु मसीहे नौखर याकूब, तुसी सम्हाई जे नमस्ते कता।

1 पतरस 2:25

किस कि तुस पेहले हरेईए ढडुड़ के ईं थिए, पर अब अपु प्राणी के रक्षा करणे बाड़ा त पुहाली केईं वापस एई गो असे।

2 पतरस 1:1

ए ट्यारे भाई त भेणिओं! जेन्हि हें ईं मसीह पुठ विश्वास करणे मौका मेओ असा, अउं शमौन पतरस, यीशु मसीहे नौखर त प्रतिनिधि, तुसी सोबी जे नमस्ते कता। हें परमेश्वरे त बचाणे बाड़ा यीशु मसीहे भलाई बेलि ईं असी ए कीमति विश्वास मेओ असा।

यहूदा 1:1

ए में ट्यारे भाई त भेणिओं, जे परमपिता परमेश्वरे भिहो असे त यीशु मसीहे लिए सम्हाड़ी कइ रखो असे। तुसी सोबी जे अउं यीशु मसीहे सेवक त याकूबे भाई यहूदा नमस्ते कता।

प्र. बोके 1:1

यीशु मसीहे प्रकट किओ बोक, जे परमेश्वरे तसे धे तोउं दिती, ताकि जेन्के झठ भुण ठीक कइ छो असु, से अपु सेवक हरालाल। त तेन अपु स्वर्गेदूत लंघा त तसे बेलिए अपु सेवक यूहन्ने जे बोलु।

प्र. बोके 1:20

होर से सत तारे, जे तेईं में सुमले हथ टातो हेरे, त तेस सत दीये बाड़े सुन्ने अगाशदीए राज ईं असा: से सत तारे सतहोई सतसंगी के दूत भो, त से सत दीये, सत सतसंग भो।”

प्र. बोके 19:10

तोउं त, अउं तेस स्वर्गेदूते पूजा अराधना करण जे तसे खुरी पुठ उटेऊ बिश गा। पर तेन मोउं जे बोलु, “ईं ना कर, अउं त तें ईं त यीशु मसीहे उगाही देणे बाड़े तें एन्हि भाई के ईं यक सेवक भो। पूजा अराधना करीण असी त परमेश्वरेरी करे, किस कि भविष्य वाणि करणे खास मकसद यीशु मसीहे प्रचार भो।”

प्र. बोके 2:12

“पिरगमुन शेहरे सतसंगे दूत जे ईं लिख: यीशु मसीह, जेस केईं तेज केआं बि तेज दुई धारी तलवार असी, से ईं बोता कि

प्र. बोके 2:8

“स्मुरना शेहरे सतसंगे दूत जे ईं लिख: यीशु मसीह जे पेहला त अखिरि भो, जे मर गो थिआ त अब जीन्ता भोई गो असा, से ईं बोता कि

प्र. बोके 22:9

पर तेनि मोउं जे बोलु, “हेर! ईं न कर; किस कि अउं त सद परमेश्वरे यक सेवक भो, जीं तु अपफ, भविष्य वक्ते, त इस कताबी के भविष्य वाणि मानणे बाड़े हर यक जेईं असे। पूजा अराधना करीण असी त परमेश्वरे कर।”