ପିଲିପିୟ 4:19 - New Testament in Pengo Parja Language

¹⁹ ନା ଈଶ୍ୱର ଯୀଶୁ ଖ୍ରୀଷ୍ଟ ତା ଗୌରବ ଶାକ୍ତିତାଙ୍ଗ୍ ମିଙ୍ଗେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍‌ତିଙ୍ଗ୍ ହିଦ୍‌ନାନ୍।

ସତ୍‌ ବଚନ୍‌ ପୁନି ନିୟମ୍‌

¹⁹ କ୍ରିସ୍ଟ ଜିସୁତି ହୁକେ ନା ଇସ୍ୱର୍‌ ହେୱାନ୍ତି ବେସି ହଲ୍‌ନାକାତ ମିଦାଂ ୱିଜ଼ୁ ଲଡ଼ାନିକା ତାସି କିଦ୍‌ନାନ୍‌ ।

ପିଲିପିୟ 4:19 Cross References

ମାତିଉ 6:32

ଇମ୍‌ଣାକାର୍ ଈଶ୍ୱରତିଙ୍ଗ୍ ପୁନ୍‌ୱାତାର୍‌ନା ଇୱିଜୁ ବିଷୟ ପାୟା ଆଦେଙ୍ଗ୍ ଡେକ୍‌ଚି ବୁଲାଆନାର୍, ହେଦାଙ୍ଗ୍ ମି ସରଗ୍‌ନି ଆବା ଈଶ୍ୱର ପୁନାନ୍, ଯେ, ଇୱିଜୁ ବିଷୟ ମିଙ୍ଗେଙ୍ଗ୍ ଦର୍‌କାର୍।

ଜହନ୍‌ 20:17

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ନାଙ୍ଗେଙ୍ଗ୍ ଆସ୍ତେଦେଙ୍ଗ୍ ଉପାୟ୍ କିଦ୍‌ମା। ଆନେଙ୍ଗ୍ ନଙ୍ଗୟ୍ ପାତେକ୍ ଆବା ଈଶ୍ୱରତାକେ ହାଲ୍‌ୱାତାଙ୍ଗ୍‌ନା। ମାତର୍ ଏନେଙ୍ଗ୍ ହାଲ୍‌ଜି ନା ଟଣ୍ଡାରିଙ୍ଗ୍ ୱେଚା, ଆନେଙ୍ଗ୍ ମି ଆରେ ନା ଆବାତାକେ ହାନାଙ୍ଗା। ଆରେ ମି ଆରେ ନା ଈଶ୍ୱରତାକେ ହାନାଙ୍ଗା।”

ଜହନ୍‌ 20:27

ତାପାଚେ ଯୀଶୁ ଥୋମାଙ୍ଗ୍ ୱେଚ୍‌ଚାନ୍, “ଇବେ ନି ୱାଚ୍‌କା ଇଟା। ନା କେଇଦିଙ୍ଗ୍ ହୁଡ଼ା। ନା ନେଞ୍ଜାଡାକିତାକେ ନି କେଇ ଇଟା। ପାର୍ତି କିୱାଦାଙ୍ଗ୍ ପାର୍ତି କିୟା।”

ରୋମିୟ 1:8

ପାର୍ତୁମ୍, ଆନେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଙ୍ଗା, ଇନେସ୍‌କି ଏପେଙ୍ଗ୍ ଯୀଶୁଙ୍ଗ୍ ପାର୍ତି କିନାଦେରା ଇଞ୍ଜି ୱିଜୁ ନିପ୍‌ଣି ମାନାୟାର୍ ଇଞ୍ଜ୍‌ନାରା।

ରୋମିୟ 11:33

ଆପେଙ୍ଗ୍ ଈଶ୍ୱର କାଜିଙ୍ଗ୍ ବେସି ଚାନିଆ ଆନାପା, ଇନେସ୍‌କି ତା ଇଚାତାଙ୍ଗ୍ ଇମ୍‌ଣି ମାନାୟ୍ ପା ବୁଜାୟ୍ କିଦେଙ୍ଗ୍ ଆଡୁନ୍ ଆରେ ତା ଉପାୟ୍‌ତିଙ୍ଗ୍ ଇମ୍‌ଣି ମାନାୟ୍ ପା ବୁଜା ଆଦେଙ୍ଗ୍ ଆଡୁନ୍। ଇନେସ୍‌କି ହେୱାନ୍ ଦୟା କିଦ୍‌ଦେଙ୍ଗ୍, ଆରେ ତା ବୁଦି ଆରେ ଜ୍ଞାନ୍ ବେସି ଗାଜା।

ରୋମିୟ 2:4

ଈଶ୍ୱର ମିଙ୍ଗେଙ୍ଗ୍ ଦୟା କିଦ୍‌ନି କାଜିଙ୍ଗ୍, ମିଙ୍ଗେଙ୍ଗ୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଦେଙ୍ଗ୍ ସୁଯଗ୍ ହିଦ୍‌ନାନା। ଏପେଙ୍ଗ୍ ତା ଦୟା, ସାସ୍ ଆରେ ୱିଜୁଦିନ୍ ଲାଡ୍‌କିନି ବିଷୟତିଙ୍ଗ୍ ପୁଞ୍ଜେଙ୍ଗ୍ ଆଡୁଦେରା।

ରୋମିୟ 8:18

ଆନେଙ୍ଗ୍ ହାର୍ କିଜି ପୁଚାଙ୍ଗ୍ ଯେ, ନଙ୍ଗୟ୍ ଆନେଙ୍ଗ୍ ଇମ୍‌ଣି ଦୁଃକ୍ କଷ୍ଟ ପାୟାଆନାଙ୍ଗା ହେବେତାଙ୍ଗ୍ ଈଶ୍ୱର ନାଙ୍ଗେଙ୍ଗ୍ ଇମ୍‌ଣି ଗୌରବ ପାଚେ ହିଦ୍‌ନାନ୍ ହେଦାଙ୍ଗ୍ ଗାଜା।

ରୋମିୟ 9:23

ଈଶ୍ୱର ଇମ୍‌ଣାକାରିଙ୍ଗ୍ ଆଗେ ଦୟାକିଜି ତା ଗୌରବ ହିନି କାଜିଙ୍ଗ୍ ବାଚିକିଜି ମାଚାନ୍, ହେୱାର୍ ପା ତା ଗୌରବ ପାୟାଆନି ଅଦିକାର୍ ମାନାତ୍।

୨ କରନ୍ତିୟ 12:21

ମିତାକେ ୱାଦେଙ୍ଗ୍ ଆନେଙ୍ଗ୍ ପାଣ୍ଡ୍ରାଆନାଙ୍ଗା, ଈଶ୍ୱର ନାଙ୍ଗେଙ୍ଗ୍ ମି କାଜିଙ୍ଗ୍ ଦରମ୍ କିଦେତ୍। ନଇଲେ ଆନେଙ୍ଗ୍ ଦୁଃକ୍ ଆନାଙ୍ଗ୍, ଇନେସ୍‌କି ମିବେତାଙ୍ଗ୍ ବେସିହେନି ମାନାୟାର୍ ଇ ୱିଜୁ ପାପ୍, ଆରେ ପବିତ୍ର ଆୱାତାର୍‌ନା। ଆରେ ଦାରି କାମାୟ୍ କିନି ଇଚାତାଙ୍ଗ୍ ମାନ୍‌ବାଦ୍‌ଲାୟ୍ କିୱାତାଦେର୍‍ନା।

୨ କରନ୍ତିୟ 4:17

ଇନେସ୍‌କି ଆସେଙ୍ଗ୍ ନଙ୍ଗୟ୍ ପାୟାଆନି ଦୁଃକ୍ କଷ୍ଟ ୱିଜୁ ହିରୁ ଆରେ ବେସିଦିନ୍ ମାନ୍‌ଗୁତ୍। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ୱିଜ୍‌ୱି ଜିବୁନ୍ ପାୟାଆନାସ୍, ଇମ୍‌ଣାକା କି ୱିଜୁ ଜିନିଷ୍‌ତାଙ୍ଗ୍ ଗାଜା ଆରେ ୱିଜୁଦିନ୍ ମାନ୍‌ଗାନାତ୍।

ଏପିସିୟ 1:18

ଈଶ୍ୱର ମିଙ୍ଗେଙ୍ଗ୍ ଇମ୍‌ଣି ଆହା କାଜିଙ୍ଗ୍ କୁକ୍ତାତାନ୍‌ନା, ଆରେ ଈଶ୍ୱର ସାଦୁ ମାନାୟାର୍ କାଜିଙ୍ଗ୍ କେତେକ୍ ଗାଜା ଆରେ ଗୌରବନି ଆଶ୍ରିବାଦ୍ ପାର୍ମାଣ୍ କିତ୍‌ତାନ୍‌ନା। ଇବିଷୟ ଏପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍ ହେଦାଙ୍ଗ୍ କାଜିଙ୍ଗ୍ ଈଶ୍ୱର ମି ଗରବ୍‌ତିଙ୍ଗ୍ ଜେତେନ୍ ଇଞ୍ଜି ଆନେଙ୍ଗ୍ ପାର୍ତାନା କିନାଙ୍ଗ୍।

ଏପିସିୟ 1:7

ଈଶ୍ୱର ବେସି ଦୟାତାଙ୍ଗ୍ ଆସେଙ୍ଗ୍ ହେ ଯୀଶୁ ଖ୍ରୀଷ୍ଟନି ନେତେର୍ କାଜିଙ୍ଗ୍ ମୁକ୍ତି ପାୟାଆତାସ୍, ଇଦାଙ୍ଗ୍‌ନି ଅର୍‌ତ ଈଶ୍ୱର ମା ପାପ୍ ୱିଜୁତିଙ୍ଗ୍ କେମା କିତ୍‌ତାନ୍‌ନା।

ଏପିସିୟ 2:7

ତା ଦୟା ଯେ କେତେକ୍‌ ଗାଜା, ହେଦାଙ୍ଗ୍ ଜେକନିକାର୍‌ତାକେ ଆଗେ ୱାନି ଦିନ୍‌ତ ପୁନିକିଦେଙ୍ଗ୍ ଈଶ୍ୱର ଇଦାଙ୍ଗ୍ କିତାନ୍‌ନା। ଆରେ ଯୀଶୁ ଖ୍ରୀଷ୍ଟ ଇନାକା ମା କାଜିଙ୍ଗ୍ କିତାନ୍‌ନା, ହେଦାଙ୍ଗ୍ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା।

ଏପିସିୟ 3:16

ଆନେଙ୍ଗ୍ ଇଦାଙ୍ଗ୍ ପାର୍ତାନା କିନାଙ୍ଗା ଯେ ତା ଗୌରବନି ଦନ୍ ତା ଆତ୍ମାତାଙ୍ଗ୍ ମି ଆତ୍ମା ଶାକ୍ତି ଆୟେତ୍।

ଏପିସିୟ 3:8

ଈଶ୍ୱର ୱିଜୁ ମାନାୟାର୍ ବିତ୍ରେ ଆନେଙ୍ଗ୍ ରକାଙ୍ଗ୍ ହିରୁକାଙ୍ଗ୍। ମାତର୍ ବିନ୍‌ଜାତିନି ମାନାୟାରିଙ୍ଗ୍ ଖ୍ରୀଷ୍ଟତାକେ ମାନି ୱିଜ୍‌ୱି ହେବାକିନି ବାବ୍‌ନାତାଙ୍ଗ୍ ଆଦିକ୍ ଆଶ୍ରିବାଦ୍‌ନି ହାର୍ଦିକାବୁର୍ ଆନେଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍।

ପିଲିପିୟ 4:7

ଲାଗିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଶାନ୍ତି ହିଦ୍‌ନାନ୍। ମାନାୟ୍ ବୁଜାଆନି ଶାନ୍ତିତାଙ୍ଗ୍ ଇ ଶାନ୍ତି ଗାଜା। ଇ ଶାନ୍ତି ମି ଗରବ୍‌ତିଙ୍ଗ୍ ଆରେ ମି ବାବ୍‌ନାତିଙ୍ଗ୍ ଯୀଶୁ ଖ୍ରୀଷ୍ଟତାକେ ଜିଜି ମାଞ୍ଜେଙ୍ଗ୍ ସାଇଜ କିଦ୍‌ନାନ୍।

କଲସିୟ 1:27

ଖ୍ରୀଷ୍ଟତି ଗୌରବନି ଦନ୍ ବିନ୍‌ଜାତିନି ମାନାୟାରିଙ୍ଗ୍ ପା ମାନାତ୍ ଇଞ୍ଜି ଈଶ୍ୱର ତା ମାନାୟାରିଙ୍ଗ୍ ପୁନିକିଦେଙ୍ଗ୍ ଇଚା କିତାନ୍। ଖ୍ରୀଷ୍ଟ ମି ବିତ୍ରେ ବାହା କିନାନ୍ ହେଦାଙ୍ଗ୍ ଆନାତା ଡ଼ୁଗ୍‌ତି ବିଷୟ। ତା ଗୌରବ ପାୟାଆନି କାଜିଙ୍ଗ୍ ଇଦାଙ୍ଗ୍ ମାଙ୍ଗେଙ୍ଗ୍ ଆହା ହିଦ୍‌ନାତ୍।

କଲସିୟ 3:16

ଖ୍ରୀଷ୍ଟ ବିଷୟନି ହିକ୍ଷାତିଙ୍ଗ୍ ୱିଜୁଦିନ୍ ଚିନ୍ତା କିୟାଟ୍, ତା ପୁରା ଜ୍ଞାନ୍‌ତାଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ହିକାଇ କିବା ଆଡ ଆରେ ଜାଗ୍ରତ୍ କିବା ଆଡ। ଗିତସଙ୍ଗିତାନି କେର୍‌କଣ୍, ଈଶ୍ୱର ଭଜନ୍ କେର୍‌କଣ୍ କେର୍‌ଜି, ଖ୍ରୀଷ୍ଟାନ୍ କେର୍‌କଣ୍ କେର୍‌ଜି ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

୧ ଥେସଲନୀକିୟ 2:12

ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା, ଆରେ ସାସ୍ ହିଦ୍‌ନାପା। ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ତା ରାଜିତାକେ ଗୌରବ ମାନାୟ୍ ଆନି କାଜିଙ୍ଗ୍ ବାଚି କିତ୍‌ତାନ୍‌ନା, ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହେୱାନ୍ ଇଚା କିତିଲେକେ ଯିବୁନ୍ କାଟିକିୟାଟ୍।

୧ ତିମତି 6:17

ଇମ୍‌ଣାକାର୍ ଇ ଯୁଗ୍‌ତ ହାଉକାର୍, ହେୱାର୍ ଇନେସ୍ ଲେକେ ଆକାର୍ ଆଉର୍ ଆରେ ଟେବାଆୱି ଦନ୍‌ତିଙ୍ଗ୍ ଆହା କିଉର୍, ବାଉରା ଆଦେଙ୍ଗ୍ ୱିଜୁ ବିଷୟ ବେସି ମାଙ୍ଗେଙ୍ଗ୍ ଦାନ୍ କିଦ୍‌ନି ଈଶ୍ୱର ଜପି ଆହା ଇଟ୍‌ନାର୍।

ଫିଲୀମୋନ 1:4

ଫିଲୀମୋନ, ଏନେଙ୍ଗ୍ ମାପୃ ଯୀଶୁଙ୍ଗ୍ ପାର୍ତି କିନାକା ଆରେ ଈଶ୍ୱର ମାନାୟାରିଙ୍ଗ୍ ଲାଡ୍ କିନାକା ଆନେଙ୍ଗ୍ ୱେଚାଙ୍ଗ୍‌ନା।

୧ ପିତର 5:1

ଆନେଙ୍ଗ୍ ରୱାଙ୍ଗ୍ ମି ଲେକେ ମଣ୍ଡ୍‌ଲିନି ପ୍ରାଚିନ୍‌ ଆତାଙ୍ଗ୍‌ନା, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ହିକ୍ଷା ହିଦ୍‌ନାଙ୍ଗା। ବେସି ଆଗେ ଖ୍ରୀଷ୍ଟ ଦୁଃକ୍ କଷ୍ଟ ପାୟାଆନାକା ଆନେଙ୍ଗ୍ ନିଜେ ହୁଡ଼୍‌ତାଙ୍ଗ୍‌ନା, ଆରେ ହେୱାନ୍ ଏଚେପାଦ୍ନା ତା ଗୌରବ ୱିଜାକାରିଙ୍ଗ୍ ଚଚ୍‌ଚେଙ୍ଗ୍ ଆରେରଗ ୱାନାନ୍, ହେପାଦ୍ନା ଆନେଙ୍ଗ୍ ପା ତା ଗୌରବ ପାୟାଆନାଙ୍ଗ୍। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା।

୧ ପିତର 5:10

ଈଶ୍ୱର ମାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ତା ୱିଜୁଦିନ୍ ମାନି ଗୌରବ ମାଙ୍ଗେଙ୍ଗ୍ ହିଦ୍‌ନି କାଜିଙ୍ଗ୍ ବାଚି କିତ୍‌ତାନ୍‌ନା। ଏପେଙ୍ଗ୍ ଅଲପ୍‌ଦିନ୍ ଦୁଃକ୍ କଷ୍ଟ ପାୟାଆତି ପାଚେ ହେୱାନ୍ ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ଶାକ୍ତି ହିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ପୁନି ମାନାୟ୍ କିଦ୍‌ନାନ୍। ଆରେ ହେୱାନ୍ ମି ପାର୍ତିତିଙ୍ଗ୍ ର ଷ୍ଟ୍ରଙ୍ଗ୍ ପାଉଣ୍ଡେସେନ୍‌ଲେକେ କିଦ୍‌ନାନ୍।