ପିଲିପିୟ 2:26 - New Testament in Pengo Parja Language

²⁶ ହେୱାନ୍ ମିଙ୍ଗେଙ୍ଗ୍ ବେସି ହୁଡ଼୍‌ଦେଙ୍ଗ୍ ଇଚା କିନାନା। ହେୱାନ୍ ରଗ୍‌ତାକେ ମାନାନ୍ ଇଞ୍ଜି ଏପେଙ୍ଗ୍ ୱେଚି କାଜିଙ୍ଗ୍ ଆରେ ହେୱାନ୍ ବେସି ଚିନ୍ତାତାକେ ମାନାନ୍।

ସତ୍‌ ବଚନ୍‌ ପୁନି ନିୟମ୍‌

²⁶ ଇନାକିଦେଂକି ହେୱାନ୍‌ ମି ୱିଜ଼ାରିଂ ହୁଡ଼୍‍ଦିନି କାଜିଂ ବେସି ଇଚା କିନାନା, ଆରେ ହେୱାନ୍‌ ନାଦାର୍‌ ମାନାନ୍‌ ଇଞ୍ଜି ଏପେଙ୍ଗ୍‌ ୱେନ୍‌ଞ୍ଜି ମାଚିଲେ ହେୱାନ୍ତି ଦୁକ୍‌;

ପିଲିପିୟ 2:26 Cross References

ମାତିଉ 11:28

ଏ କଷ୍ଟ କିନାକାଦେର୍ ଆରେ ବଜ୍ ପିଣ୍‌ତି ମାନାୟ୍ ୱିଜାକାଦେର୍ ନା ଲାଗାୟ୍ ୱାଡ। ଆନେଙ୍ଗ୍ ମିଙ୍ଗେଙ୍ଗ୍ ଜମ୍‌ନାକା ହିଦ୍‌ନାଙ୍ଗ୍।

ମାତିଉ 26:37

ଯୀଶୁ, ପିତର ଆରେ ଜେବଦି ମେହିର୍ ରିକାରିଙ୍ଗ୍ ତା ଲାହାଙ୍ଗ୍ ଅସାହାଚାନ୍। ତାପାଚେ ଯୀଶୁ ଦୁଃକ୍ ଆରେ କାକୁଲ୍‌ତି ଆଦେଙ୍ଗ୍ ଲାଗାତାନ୍।

ପକ୍ୟାତାକା 21:13

ହେବେତାଙ୍ଗ୍ ପାଉଲ ୱେଚ୍‌ଚାନ୍, “ଏପେଙ୍ଗ୍ ଇନା କିଦେଙ୍ଗ୍ ଆଡ଼୍‌ବିସ୍‌ ମାନ୍ ବାଙ୍ଗାୟ୍ କିଦ୍‍ନାଦେରା? ଆନେଙ୍ଗ୍ ମାପୃ ଯୀଶୁ ତର୍‍ଦାଙ୍ଗ୍ ଯିରୁଶାଲାମ ସହର୍‌ତାକେ ଗାଚିଆଦେଙ୍ଗ୍ ଆରେ ହାଃଦେଙ୍ଗ୍ ପା ରେଡି ମାନାଙ୍ଗ୍।”

ରୋମିୟ 1:11

ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ହୁଡ଼୍‌ଦେଦେଙ୍ଗ୍ ବେସି ଦିନ୍‌ତାଙ୍ଗ୍ ମାନ୍ କିନାଙ୍ଗା, ଆରେ ଆନେଙ୍ଗ୍ ମିଙ୍ଗେଙ୍ଗ୍ ସାସ୍ ହିଦ୍‌ନି ଆଶ୍ରିବାଦ୍ ହିଦ୍‌ଦେଙ୍ଗ୍ ଆଡ୍‌ନାଙ୍ଗ୍, ଲାଗିଙ୍ଗ୍ ଏପେଙ୍ଗ୍ ଆରେ ଆଦିକ୍ ଯୀଶୁଙ୍ଗ୍ ପାର୍ତି କିନାଦେର୍।

ରୋମିୟ 12:15

ଏଚେପାଦ୍ନା ମାନାୟାର୍ ୱାରି କିନାର୍, ଲାଗିଙ୍ଗ୍ ଏପେଙ୍ଗ୍ ପା ହେୱାର୍ ହୁଦାଙ୍ଗ୍ ମାହାଆଜି ୱାରି କିୟାଟ୍। ଆରେ ଯଦି ହେୱାର୍ ଦୁଃକ୍ ଆନାରା, ଲାଗିଙ୍ଗ୍ ଏପେଙ୍ଗ୍ ପା ହେୱାର୍ ହୁଦାଙ୍ଗ୍ ଦୁଃକ୍ ଆଡ।

୧ କରନ୍ତିୟ 12:26

ଯଦି ଗାଗାଡ଼୍‌ନି ର ଜିନିଷ୍ ଦୁଃକ୍ ପାୟା ଆନାତା, ଲାଗିଙ୍ଗ୍ ଗାଗାଡ଼୍‌ନି ୱିଜୁ ଜିନିଷ୍ ପା ଦୁଃକ୍ ପାୟାଆନାତ୍। ଆରେ ଯଦି ଗାଗାଡ଼୍‌ନି ର ଜିନିଷ୍ ସନ୍‌ମାନ୍ ପାୟାଆନାତ୍, ଲାଗିଙ୍ଗ୍ ଗାଗାଡ଼୍‌ନି ୱିଜୁ ଜିନିଷ୍ ପା ୱାରିୟା ଆନିକ୍।

୨ କରନ୍ତିୟ 9:14

ଆରେ, ଈଶ୍ୱରତି ଚାନିଆଆନି ଦୟା ମି କାଜିଙ୍ଗ୍ ହେୱାରିଙ୍ଗ୍ କିଜିମାଚି କାଜିଙ୍ଗ୍, ହେୱାର୍ ମି କାଜିଙ୍ଗ୍ ବେସି ଲାଡ୍‌ତାଙ୍ଗ୍ ପାର୍ତାନା କିନାର୍।

ଗାଲାତିୟ 6:2

ଏଚେପାଦ୍ନା ଦୁକ୍‌କଷ୍ଟ ୱାନାତ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ସାଇଜ କିବା ଆଡ। ଇଲେକେ ଏପେଙ୍ଗ୍ ଖ୍ରୀଷ୍ଟ ନିୟମ୍‌ତିଙ୍ଗ୍ ମାନି କିୟାଟ୍।

ଏପିସିୟ 3:13

ଲାଗିଙ୍ଗ୍ ଆନେଙ୍ଗ୍ ୱେଚ୍‌ଚାନାଙ୍ଗା ଯେ, ଆନେଙ୍ଗ୍ ଇମ୍‌ଣି ଦୁକ୍‌କଷ୍ଟ ପାୟାଆନାଙ୍ଗା, ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମନ୍‌ଦୁକ୍ କିମାଟ୍। ମାତର୍ ଇଦାଙ୍ଗ୍ ମିଙ୍ଗେଙ୍ଗ୍ ଲାବ୍‌ନି ବିଷୟ।

ପିଲିପିୟ 1:3

ଆନେଙ୍ଗ୍ ମିଙ୍ଗେଙ୍ଗ୍ ଏଚେହଟ୍‌ ଏତୁ କିଦ୍‌ନାଙ୍ଗ୍, ହେଏଚେହଟ୍ ନା ଈଶ୍ୱରତିଙ୍ଗ୍ ୱିଜୁଦିନ୍ ଦନ୍ଯବାଦ୍ ହିନାଙ୍ଗା।

ପିଲିପିୟ 1:8

ଯୀଶୁ ଖ୍ରୀଷ୍ଟନି ଲାଡ୍‌ତାଙ୍ଗ୍ ମିଙ୍ଗେଙ୍ଗ୍ ମାହା ଆଦ୍‌ଦେଙ୍ଗ୍ ବେସି ଇଚା କିଦ୍‌ନାଙ୍ଗା ଇ ବିଷୟରେ ଈଶ୍ୱର ନେ ସାକି ଆନାନ୍।

ପିଲିପିୟ 2:25

ଆନେଙ୍ଗ୍ ମି ଲାଗାୟ୍ ଏଫାପ୍ରାଦିତତିଙ୍ଗ୍ ପକ୍ତେଦେଙ୍ଗ୍ ମାନ୍ କିତାଙ୍ଗ୍‌ନା, ହେୱାନ୍ ସତ୍‌ରେ ନା ଟଣ୍ଡେନ୍ ଲେକେ, ନା ହୁଦାଙ୍ଗ୍ ମାନିକିଜି କାମାୟ୍ କିନାକାନ୍, ଆରେ ନା ହୁଦାଙ୍ଗ୍ ସାହାସ୍‌ତାଙ୍ଗ୍ ମାନି ସେନା। ନାଙ୍ଗେଙ୍ଗ୍ ଦର୍‌କାର୍‌ଆନି ବିଷୟ ସାଇଜ କିଦ୍‌ଦେଙ୍ଗ୍ ଏପେଙ୍ଗ୍ ବାଚିକିଜି ପକ୍ତିତି ମାନାୟ୍। ଆନେଙ୍ଗ୍ ହେୱାନିଙ୍ଗ୍ ମି ଲାଗାୟ୍ ଆରେରଗ ପକ୍ତେଦେଙ୍ଗ୍ ବାବିକିନାଙ୍ଗା।

ପିଲିପିୟ 2:27

ହାତ୍‌ପା ହେୱାନ୍ ହାଃନିଲେକେ ବିଡ଼୍ ଆଜି ମାଚାନ୍। ମାତର୍ ଈଶ୍ୱର ହେୱାନିଙ୍ଗ୍ ଦୟା କିତାନ୍ ଆରେ ହାର୍‍କିତାନ୍। ନାଙ୍ଗେଙ୍ଗ୍ ଦୁକ୍ ଜପି ଦୁକ୍ ଇନେସ୍ ଗଟା ଆଦୁତ୍ ହେଦାଙ୍ଗ୍ କାଜିଙ୍ଗ୍ ଈଶ୍ୱର ନାଙ୍ଗେଙ୍ଗ୍ ପା ଦୟା କିତାନ୍।

ପିଲିପିୟ 4:1

ଏ ନା ପାର୍ତିକିନି ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ବେସି ଲାଡ୍ କିଦ୍‌ନାଙ୍ଗା। ଆରେ ଆନେଙ୍ଗ୍ ମିଙ୍ଗେଙ୍ଗ୍ ଗିଟାଆଦେଙ୍ଗ୍ ଇଚା କିନାଙ୍ଗା। ମି କାଜିଙ୍ଗ୍ ଆନେଙ୍ଗ୍ ୱାରି ଆତାଙ୍ଗ୍‌ନା ଆରେ ଏପେଙ୍ଗ୍ ନା କାମାୟ୍ କାଜିଙ୍ଗ୍ ନା ମୁକୁଟ୍‌ଲେକେ। ଇ ଲେକେ ମାପୃତାକେ ବେସି ପାର୍ତି କିଜି ମାନାଟ୍।

୧ ପିତର 1:6

ଏପେଙ୍ଗ୍ ଯଦି ଅଲପ୍‌ଦିନ୍ କାଜିଙ୍ଗ୍ ବିନ୍-ବିନ୍ ଦୁକ୍‌କଷ୍ଟ ପାୟାଆଜି ଦୁକ୍ ଆତିସ୍‌ପା, ଇ ୱିଜୁ ଜିନିଷ୍ କାଜିଙ୍ଗ୍ ୱାରିୟାଆନି ଦର୍‌କାର୍।