ପିଲିପିୟ 2:15 - New Testament in Pengo Parja Language

¹⁵ ଲାଗିଙ୍ଗ୍ ଇନେର୍ ପା ମିଙ୍ଗେଙ୍ଗ୍ ଦସି ଇଞ୍ଜି ୱେଚ୍‌ଚେଙ୍ଗ୍ ଆଡ଼୍‌ଦୁର୍, ଆରେ ଏପେଙ୍ଗ୍ ଦରମ୍ ମାନାୟ୍ ଆନାଦେର୍। କରାପ୍ ମାନାୟାର୍ ବିତ୍ରେ ମାନ୍‌ଞ୍ଜି ପା ଏପେଙ୍ଗ୍ ଇନାକା କରାପ୍ କାମାୟ୍ କିୱାଦାଙ୍ଗ୍ ଏପେଙ୍ଗ୍ ଈଶ୍ୱର ହିମ୍‌ଣାଙ୍ଗ୍ ଲେକେ ଆଜି ମାନାଟ୍। ଏପେଙ୍ଗ୍ ଜିବୁନ୍ ହିଦ୍‌ନି କାତାତିଙ୍ଗ୍ ଆସ୍ତି ବାଦାଡ଼୍‌ନି ହୁକା ଲେକେ ଆଜି ହେୱାର୍ ବିତ୍ରେ ଅଜଡ଼୍ ଆଡ।

ସତ୍‌ ବଚନ୍‌ ପୁନି ନିୟମ୍‌

¹⁵ ଇନେସ୍‌ ଏପେଙ୍ଗ୍‌ ଦସି ଆୱାଦାଂ ଆରି ହୁଦାର୍‌ ଆଜ଼ି ଡ଼ୁକ୍‌ତି ହାଜ଼ି ବାଣାତି ଲାତ୍ରା ବିତ୍ରେ ଇସ୍ୱର୍‌ତି ପୁଇପୁୟା ହିମ୍‌ଣାୱାକ୍‌ଡ଼ା ଆଡ; ହେୱାର୍‌ ବିତ୍ରେ ଏପେଙ୍ଗ୍‌ ଜିବୁନ୍‌ନି ବଚନ୍‌ ଆସ୍ତି ଜଗତ୍‌ତ ଅଜଡ଼୍‌ ଲାକେ ଆନାଦେରା;

ପିଲିପିୟ 2:15 Cross References

ମାତିଉ 10:16

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ହୁଡ଼ାଟ୍, ବୁର୍‌କାଙ୍ଗ୍ ବିତ୍ରେ ମେଣ୍ଢାକାଙ୍ଗ୍ ହେଲାଇ କିତିଲେକେ ଆନେଙ୍ଗ୍ ମିଙ୍ଗେଙ୍ଗ୍ ବାର୍ତ ପକ୍ତାନାଙ୍ଗା। ଲାଗିଙ୍ଗ୍ ଏପେଙ୍ଗ୍ ରାଚ୍ ଲେକେ ବୁଦି ଆରେ ପାର୍‌ୱା ଲେକେ ସାଦୁ ଆଡ।

ମାତିଉ 17:17

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ମିଙ୍ଗେଙ୍ଗ୍ ପାର୍ତି ହିଲେତ୍। ଆନେଙ୍ଗ୍ ମିହୁଦାଙ୍ଗ୍ କେତେକ୍ ଦିନ୍ ମାନାଙ୍ଗ୍? ଆରେ ଏପେଙ୍ଗ୍ ପାର୍ତିକିନି ପାତେକ୍ ଆନେଙ୍ଗ୍ ମିହୁଦାଙ୍ଗ୍ ଏଚେକ୍ ଦିନ୍ ମାନାଙ୍ଗ୍? ହେ ହିମ୍‌ଣାତିଙ୍ଗ୍ ନା ଲାଗାୟ୍ ତାହି ୱାଡ।” ହେୱାର୍ ଯୀଶୁତାକେ ରକାନିଙ୍ଗ୍ ନେ ତାତାର୍।

ମାତିଉ 5:45

ହେଲେକେ କିତିସ୍ ଏପେଙ୍ଗ୍ ମି ସରଗ୍‌ନି ଆବା ମେହି ଆନାଦେର୍। ହେୱାନ୍ ତ ବାନ୍ୟା ଆରେ ହାର୍‌ଦାକାନ୍ ଇ ରିକାର୍ ଜପି ପା ଜାର୍ ୱେଡ଼ାନି ଅଜଡ଼୍‌ତିଙ୍ଗ୍ ହପିକିନାନ୍, ମାତର୍ ହାର୍ଦି ଆରେ ବାନ୍ୟା ମାନାୟ୍ ଜପି ପା ବାର୍ହା ପଡିକିନାନ୍।

ମାତିଉ 5:48

ଲାଗିଙ୍ଗ୍ ମି ସରଗ୍‌ନି ଆବା ଇନେସ୍‌କି ହାର୍ ମାନାନ୍, ଏପେଙ୍ଗ୍ ପା ହେଲେକେ ହାର୍ ଆଡୁ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:6

ହେୱାର୍ ରିକାର୍ ଈଶ୍ୱରତାକେ ହାର୍ଦି ମାନାୟ୍ ମାଚାର୍। ହେୱାର୍ ରିକାର୍ ମାପୃତି ୱିଜୁ ଆଦେସ୍ ମାନିକିଜି ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:35

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାର୍ ଶାତ୍ରୁରିଙ୍ଗ୍ ଲାଡ୍ କିୟାଟ୍। ହେୱାରିଙ୍ଗ୍ ଉପ୍‌କାର୍ କିୟାଟ୍। ଆରେ ଡାବୁଙ୍ଗ୍ ଗାଟାଆୱି ଆହା ଇଟ୍‌ୱାଦାଙ୍ଗ୍ ହେୱାରିଙ୍ଗ୍ ଡାବୁଙ୍ଗ୍ ରୁଣ୍ ହିୟାଟ୍। ଇଦାଙ୍ଗ୍ କିତିସ୍ ମିଙ୍ଗେଙ୍ଗ୍ ବେସି ପୁରଷ୍କାର୍ ଗାଟାଆଦ୍‍ନାତ୍। ଏପେଙ୍ଗ୍ ୱିଜୁ ଶାକ୍ତିନିକାନ୍ ଗାଜା ଈଶ୍ୱର ମେହି ଆନାଦେର୍। ଇନେସ୍‌କି ହେୱାନ୍ ହାର୍ଦି ମାନାୟ୍‌ତିଙ୍ଗ୍ ଆରେ ବାନ୍ୟା ମାନାୟାରିଙ୍ଗ୍ ପା ଦୟା ଚଚ୍‌ଚାନାନ୍।

ଜହନ୍‌ 5:35

ଡୁବନ୍‌ହିନି ଯୋହନ ରକାନ୍ କାଚାଆନି ବଇଟାଲେକେ ଅଜଡ଼୍ ମାଚାନ୍। ଆରେ ଏପେଙ୍ଗ୍ ହେ ଅଜଡ଼୍ ଅଲପ୍ ଦିନ୍‌ତିଙ୍ଗ୍ ହୁଡ଼୍‌ଜି ୱାରି ଆତାଦେର୍।

ପକ୍ୟାତାକା 2:40

ଆରେ ବାରବିନି ବେଣ୍‌ତାଙ୍ଗ୍ ପିତର ଆଦେସ୍ ହିଜି ୱେଚ୍‌ଚେଙ୍ଗ୍ ଲାଗାତାନ୍, “ଏପେଙ୍ଗ୍ ଇ କରାପ୍ ମାନାୟାର୍‌ତାଙ୍ଗ୍ ରକ୍ଷା ପାୟାଆଡୁ।”

ପକ୍ୟାତାକା 20:30

ମି ପାର୍ତିକିନି ଚେଲାହିର୍ ବିତ୍ରେତାଙ୍ଗ୍ କେତେକ୍ ମାନାୟ୍ ୱାଜି ପାର୍ତି କିନାକାରିଙ୍ଗ୍ ତାପାଚେ ଅସାହାଞ୍ଜେଙ୍ଗ୍ ବୁଲ୍ ହିକ୍ଷା ହିଦ୍‌ନାର୍।

ରୋମିୟ 16:19

ମାତର୍ ୱିଜାର୍ ମାନାୟାର୍ ପୁଚାର୍‌ନା ଏପେଙ୍ଗ୍ ମାପୃକାତାତିଙ୍ଗ୍ ମାନି କିନାଦେରା। ଇଦାଙ୍ଗ୍ ନାଙ୍ଗେଙ୍ଗ୍ ବେସି ୱାରି କିଦ୍‌ନାତା। ଆନେଙ୍ଗ୍ ଇଚା କିନାଙ୍ଗା ଯେ, ଏପେଙ୍ଗ୍ ହାର୍ ବିଷୟରେ ବୁଦି ଆଡ ଆରେ କରାପ୍ କାମାୟ୍ କିନିତାଙ୍ଗ୍ ଦେହା ମାନାଟ୍।

୧ କରନ୍ତିୟ 1:8

ଈଶ୍ୱର ମିଙ୍ଗେଙ୍ଗ୍ ମା ମାପୃ ଯୀଶୁ ଖ୍ରୀଷ୍ଟ ପୁର୍ତିତାକେ ଆରେରଗ ୱାନିଦିନ୍ ପାତେକ୍ ପାର୍ତି କିଜି ମାନି କାଜିଙ୍ଗ୍ ସାଇଜ କିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ଦସି ଆଦେଙ୍ଗ୍ ହିଦୁନ୍।

୨ କରନ୍ତିୟ 6:17

ହେଦାଙ୍ଗ୍ କାଜିଙ୍ଗ୍ ମାପୃ ୱେଚ୍‌ଚାତ୍, ଏପେଙ୍ଗ୍ ହେୱାର୍‌ତାଙ୍ଗ୍ ହସି ୱାଡ, ଇମ୍‌ଣି ମାନାୟାର୍ ଈଶ୍ୱରତିଙ୍ଗ୍ ମାନି କିଉରା। ଏପେଙ୍ଗ୍ ହେୱାର୍ କିନି ମୁର୍ତି ପୁଜାତାଙ୍ଗ୍‌ କରାପ୍ କାମାୟ୍‌ତାଙ୍ଗ୍ ଦେହା ମାନାଟ୍, ଆରେ ଆନେଙ୍ଗ୍ ମିଙ୍ଗେଙ୍ଗ୍ ଆସ୍ତାନାଙ୍ଗ୍‌।

ଏପିସିୟ 5:27

ଆରେ ହେୱାନ୍ ଇନେସ୍ ମଣ୍ଡ୍‌ଲିତିଙ୍ଗ୍ ପବିତ୍ର ଆରେ ବିନା ଦସ୍‌ନି ର ଗୌରବନି ମଣ୍ଡ୍‌ଲି ଲେକେ ଜାର୍‌ତାକେ ଚଚ୍‌ଚେଙ୍ଗ୍ ଆଡ୍‌ନାନ୍। ଇଦାଙ୍ଗ୍ କାଜିଙ୍ଗ୍ ହେୱାନ୍ ମଣ୍ଡ୍‌ଲିତିଙ୍ଗ୍ ଚିନ୍ କିୱାଦାଙ୍ଗ୍ ଆରେ ଇନେସ୍ ଲେଗ୍‌ଦି ଦସ୍‌ତାକେ ମାନ୍‌ୱି କାଜିଙ୍ଗ୍ ଖ୍ରୀଷ୍ଟ ଇଦାଙ୍ଗ୍ କିତାନ୍‌ନା।

ପିଲିପିୟ 1:10

ଲାଗିଙ୍ଗ୍ ଏପେଙ୍ଗ୍ ୱିଜୁତାଙ୍ଗ୍ ହାର୍ଦି ବିଷୟତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍, ଆରେ ଖ୍ରୀଷ୍ଟ ଦିନ୍‌ତ ଏପେଙ୍ଗ୍ ଟିକ୍ ଆରେ ଇନା ଦସ୍ ପା ମିଙ୍ଗେଙ୍ଗ୍ ହିଲ୍‌ଗୁତ୍।

ପିଲିପିୟ 3:6

ଆନେଙ୍ଗ୍ ନା ଦରମ୍‌ତିଙ୍ଗ୍ ବେସି ମାନିକିନି କାଜିଙ୍ଗ୍ ଯୀଶୁତାକେ ପାର୍ତିକିନି ମଣ୍ଡ୍‌ଲିତିଙ୍ଗ୍ ବେସି ଦୁକ୍‌କଷ୍ଟ ହିଜି ମାଚାଙ୍ଗ୍। ଆନେଙ୍ଗ୍ ଯିହୁଦି ଦରମ୍‌ନି ୱିଜୁ ନିୟମ୍‌ତିଙ୍ଗ୍ ମାନିକିଜି ମାଚାଙ୍ଗ୍। ହେଦାଙ୍ଗ୍ କାଜିଙ୍ଗ୍ ନାଙ୍ଗେଙ୍ଗ୍ ଇନେର୍ ପା ଦସି ଇଞ୍ଜି ୱେଚ୍‌ଚେଦେଙ୍ଗ୍ ଆଡ଼୍‌ଦୁର୍।

୧ ଥେସଲନୀକିୟ 5:23

ଶାନ୍ତି ହିଦ୍‌ନି ଈଶ୍ୱର ହେୱାନ୍ ନିଜେ ମିଙ୍ଗେଙ୍ଗ୍ ପୁରାପୁରି ବାବେ ପବିତ୍ର କିଦ୍‌ନାନ୍। ମି ଆତ୍ମା, ଜିବୁନ୍ ଆରେ ଗାଗାଡ଼୍ ଦସ୍ କିତାନ୍‌ନା ଇଞ୍ଜି ଇଞ୍ଜ୍‌ମେର୍, ମା ମାପୃ ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଆରେରଗ ପୁର୍ତିତାକେ ୱାନି ପାତେକ୍।

୧ ତିମତି 3:10

ମଣ୍ଡ୍‌ଲିତିଙ୍ଗ୍ ହେବା କିନି ମାନାୟ୍‌ତିଙ୍ଗ୍ ବାଚିକିନି ଆଗେ ହେୱାନିଙ୍ଗ୍ ପରିକ୍ଷା କିୟାଟ୍। ହେୱାନ୍ ଲାଗାୟ୍ ୱିଜୁ ହାର୍ଦି ଗୁଣ୍ ମାନାତ୍ କି ଆକାୟ୍। ଯଦି ମାନାୟାର୍ ତା ବିଷୟରେ ଇନା ଦସ୍ ପା ଗାଟାଆୱିତିସ୍ ହେବା କିଦେଙ୍ଗ୍ ହିୟାଟ୍।

୧ ତିମତି 3:2

ହେଦାଙ୍ଗ୍ କାଜିଙ୍ଗ୍ ବିଶପ୍‌ ଲାଗାୟ୍ ଇ ଗୁଣ୍ ୱିଜୁ ମାନି ଦର୍‌କାର୍, ମାନାୟ୍ ହେୱାନିଙ୍ଗ୍ ନିନ୍ଦା କିତିଲେକେ ଜିବୁନ୍ କାଟି କିନାକା ମାନ୍‌ଗାନାକା ମାନାତ୍। ହେୱାନ୍ ରଞ୍ଜାଙ୍ଗ୍ ନେ ଡକ୍ରି କିଜି ମାନି ଦର୍‌କାର୍, ୱିଜୁ ପରିସ୍ତିତିତାକେ ପା ହେୱାନ୍ ଶାନ୍ତିଆଜି କାମାୟ୍ କିଦେଙ୍ଗ୍ ଆଡ୍‌ନାକା ମାନାତ୍, କଣ୍ଟ୍ରୁଲ୍ କିଦେଙ୍ଗ୍ ଆଡ୍‌ନାକା ମାନାତ୍। ମାନାୟାର୍‌ତାଙ୍ଗ୍ ସନ୍‌ମାନ୍ ପାୟା ଆଦେଙ୍ଗ୍ ଜଗ୍ଯ ମାନାକା ମାନାତ୍। ହେୱାନ୍ ଗତାଙ୍ଗ୍ ମାନି କିନିଲେକେ ଆନାକା ମାନାତ୍ ଆରେ ଈଶ୍ୱରନି ହିକ୍ଷାତିଙ୍ଗ୍ ହିକାଇ କିଦେଙ୍ଗ୍ ଆଡ୍‌ନାକା ମାନାତ୍।

୧ ତିମତି 5:14

ଲାଗିଙ୍ଗ୍ ଆନେଙ୍ଗ୍ ୱେଚ୍‌ଚାନାଙ୍ଗା ଯେ ବୟସ୍ ଆୱାଦାଙ୍ଗ୍ ରାଣ୍ଡି ଆତି କଗ୍‍ଲେକ୍ ବିବା ଆୟେକ୍, ଆରେ ହିମ୍‌ଣା ଗାଟାଆୟେକ୍, ଇଞ୍ଜି କାମାୟ୍ ହୁଡ଼େକ୍, ଆରେ ନିନ୍ଦା କିଦେଙ୍ଗ୍ ଇମ୍‌ଣି ଶାତ୍ରୁତିଙ୍ଗ୍ ପା ସୁଯଗ୍ ହିମାଟ୍।

୧ ତିମତି 5:20

ଇମ୍‌ଣାକାନ୍ ପାପ୍ କାମାୟ୍ କିଜି ଲାଗାନାନ୍‌, ହେୱାନିଙ୍ଗ୍ ୱିଜୁ ପାର୍ତି କିନାକାର୍ ମୁମ୍‌ଦ କେତା। ଇନେସ୍‌କି ଜେକନି ପାର୍ତି କିନାକାର୍ ପାଣ୍ଡ୍ରାଆଜି ମାନ୍‌ଗାନାର୍।

୧ ତିମତି 5:7

ହେୱାର୍‌ତାକେ ଇନାକା ପା ଦସ୍ ହିଲ୍‌ଗୁତ୍, ହେଦାଙ୍ଗ୍ କାଜିଙ୍ଗ୍ ଇ ୱିଜୁ ବିଷୟରେ ପାର୍ତି କିନାକାରିଙ୍ଗ୍ ହିକ୍ଷା ହିୟା।

ତୀତସ 1:6

ଇମ୍‌ଣି ମାନାୟ୍‌ତାକେ ଦସ୍ ହିଲ୍‌ଗୁତ୍, ର ଡକ୍ରି ଇଡ଼୍‌ଜି ମାନାନ୍। ତା ହିମ୍‌ଣା ୱାକ୍‌ଡ଼ାର୍ ପାର୍ତି କିନାକାର୍ ଆଜି ମାନ୍‌ଗାନାର୍ ଆରେ ହାର୍ଦି ଚାଲିଚଲନ୍ ଆଜି ମାନ୍‌ଗାନାର୍ କି ଆୟା ଆବାର୍‌ କାତା ୱେନାର୍, ଇ ଲେକେ ମାନାୟ୍‌ତିଙ୍ଗ୍ ପ୍ରାଚିନ୍‌ ପାଦ୍‌ତ ବାଚି କିୟାଟ୍।

ତୀତସ 2:10

ହେୱାର୍ ମାଲିକ୍‌ତାଙ୍ଗ୍ ଇନାକା ପା ଚର୍ କିମେର୍, ମାତର୍ ହେୱାର୍ ୱିଜୁଦିନ୍ ବିଶ୍ୱସ୍ତ ମାନାର୍ ଇଞ୍ଜି ଚଚେର୍। ମା ଇମ୍‌ଣି ଈଶ୍ୱର ମାଙ୍ଗେଙ୍ଗ୍ ଉଦାର୍ କିଦ୍‌ନାକାନ୍ ବିଷୟରେ ହିକ୍ଷା ହିୟେର୍, ହେୱାର୍ ଇଲେକେ ବ୍ଯବହାର୍ କିନି ଦର୍‌କାର୍, ହେୱାରିଙ୍ଗ୍ ମାନାୟାର୍ ସନ୍‌ମାନ୍ କିନାର୍।

ତୀତସ 2:15

ଇ ୱିଜୁ ବିଷୟ କ୍ରୀତି ଦୀପ୍‌ତାକେ ମାନି ପାର୍ତି କିନାକାରିଙ୍ଗ୍ ହିକ୍ଷା ହିୟାଟ୍। ଏପେଙ୍ଗ୍ ହେୱାରିଙ୍ଗ୍ ପୁରା ଆଦିକାର୍ ହୁଦାଙ୍ଗ୍ ସାହାସ୍ ହିୟାଟ୍ ଆରେ ହେୱାରିଙ୍ଗ୍ ଟିକ୍ କିୟାଟ୍, ଏପେଙ୍ଗ୍ ଇମ୍‌ଣି ହିକ୍ଷା ହିନାଦେର୍ ହେ ହିକ୍ଷାତିଙ୍ଗ୍ ଇନେର୍ ପା ଗିଣ୍ କିଦ୍‌ମେର୍।

ଏବ୍ରି 7:26

ଇନେସ୍‌କି ଯୀଶୁ ଲେକେ ପ୍ରଦାନ୍ ମୁଡ଼୍‌ଦି ପୁଜାରି ମା କାଜିଙ୍ଗ୍ ଦର୍‌କାର୍। ହେୱାନ୍ ରକାନ୍ ପବିତ୍ର ମାନାୟ୍, ଇନା ଦସ୍ ହିଲ୍‌ୱି ମାନାୟ୍, ପୁରାପୁରି ଟିକ୍ ମାନାୟ୍, ପାପି ମାନାୟାର୍ ପାପ୍ କାମାୟ୍‌ତାଙ୍ଗ୍ ଦେହା ମାନି ମାନାୟ୍ ଆରେ ହେୱାନ୍ ସରଗ୍‌ତାକେ ୱିଜୁତାଙ୍ଗ୍ ଗାଜା ସନ୍‌ମାନ୍ ପାୟାଆନି ବାହାତାକେ ମାନି ମାନାୟ୍।

୧ ପିତର 2:12

ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍ ମି ଚାରିବେଣ୍‌ତାଙ୍ଗ୍ ମାନାର୍, ଆରେ ହେୱାର୍ ମିଙ୍ଗେଙ୍ଗ୍ ବୁଲ୍ କାମାୟ୍ କିନାରା ଇଞ୍ଜି ବିରଦ୍ କିଦେଙ୍ଗ୍ ଆଡ୍‌ନାର୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହାର୍ ଜିବୁନ୍ କାଟିକିନି ଦର୍‌କାର୍, ଲାଗିଙ୍ଗ୍ ହେୱାର୍ ମି ହାର୍ କାମାୟ୍ ହୁଡ଼୍‌ଜି ଈଶ୍ୱରତିଙ୍ଗ୍ ଗୌରବ ହିନାର୍, ଏଚେପାଦ୍ନା ଯୀଶୁ ଖ୍ରୀଷ୍ଟ ପୁର୍ତିତାକେ ଆରେରଗ ବିଚାର୍ କିଦେଙ୍ଗ୍ ୱାନାନ୍।

୧ ପିତର 2:9

ମାତର୍ ଏପେଙ୍ଗ୍ ହେୱାର୍ ଲେକେ ଆକାୟ୍, ଈଶ୍ୱର ମିଙ୍ଗେଙ୍ଗ୍ ତା ଲକ୍ ଆଦେଙ୍ଗ୍ ବାଚି କିତ୍‌ତାନ୍‌ନା। ହେୱାନ୍ ମିଙ୍ଗେଙ୍ଗ୍ ରାଜା ଈଶ୍ୱର ହେବା କିଦେଙ୍ଗ୍ ପୁଜାରି କିତ୍‌ତାନା। ହେୱାନ୍ ମିଙ୍ଗେଙ୍ଗ୍ ଜାର୍ ଦନ୍‌ଲେକେ ତା ହେବା କିଦେଙ୍ଗ୍ ବାଚି କିତ୍‌ତାନା। ହେୱାନ୍ ମିଙ୍ଗେଙ୍ଗ୍ ମାଜ୍‌ଗା ଲେଗ୍‌ଦି ପାପ୍‌ତାଙ୍ଗ୍ ବିନେ କିତାନ୍‌ନା ଆରେ ଚାନିଆଆନି କାମାୟ୍‌ତିଙ୍ଗ୍ ଶୁଣାୟ୍ କିଦେଙ୍ଗ୍ ତା ଚାନିଆଆନି ଅଜଡ଼୍‌ତାକେ ତାହି ୱାତ୍‌ତାନ୍‌ନା।

୨ ପିତର 3:14

ଲାଗିଙ୍ଗ୍ ଏ ନା ଲାଡ୍‌ନି ସାଙ୍ଗ କାଦେର୍, ଏପେଙ୍ଗ୍ ଇ ୱିଜୁ ବିଷୟତିଙ୍ଗ୍ କାସିମାନି କାଜିଙ୍ଗ୍, ଏପେଙ୍ଗ୍ ପବିତ୍ର ଆନି କାଜିଙ୍ଗ୍, ଦସ୍ ହିଲ୍‌ୱି ଲେକେ ଜିବୁନ୍ କାଟିକିନି କାଜିଙ୍ଗ୍ ଆରେ ଜାର୍-ଜାର୍ ଶାନ୍ତିରେ ମାନି କାଜିଙ୍ଗ୍ ଉପାୟ୍ କିୟାଟ୍।

ହତ୍‌ତି 2:5

ଏପେଙ୍ଗ୍ ଏତୁକିୟାଟ୍ ଆଗେ ନାଙ୍ଗେଙ୍ଗ୍ ଇନେସ୍ ଲାଡ୍‌କିଜି ମାନ୍‌ଞ୍ଚାଦେର୍, ମାତର୍ ନଙ୍ଗୟ୍ ଏପେଙ୍ଗ୍ ହେଲେକେ ଲାଡ୍ ନାଙ୍ଗେଙ୍ଗ୍ କିଦୁଦେରା। ଲାଗିଙ୍ଗ୍ ଏପେଙ୍ଗ୍ ମି ମାନ୍‌ତିଙ୍ଗ୍ ବାଦ୍‌ଲାୟ୍ କିୟାଟ୍ ଆରେ ଆଗେ ଇନେସ୍ ନାଙ୍ଗେଙ୍ଗ୍ ଲାଡ୍‌କିଜି ମାନ୍‌ଞ୍ଚାଦେର୍ ହେଲେକେ ନାଙ୍ଗେଙ୍ଗ୍ ଲାଡ୍ କିଦ୍‌ନାକା ଆରମ୍ କିୟାଟ୍। ଯଦି ଏପେଙ୍ଗ୍ ପାପ୍ କାମାୟ୍ କିନାକା ବନ୍ଦ୍ କିଉଦେର୍ ଲାଗିଙ୍ଗ୍ ଆନେଙ୍ଗ୍ ୱାତିସ୍ ମି ମଣ୍ଡ୍‌ଲିତାଙ୍ଗ୍ ବଇଟା ଇଟ୍‌ନାକା ଗୁଚାୟ୍ କିନାଙ୍ଗ୍।

ହତ୍‌ତି 3:9

ଲାଗିଙ୍ଗ୍ ହୁଡ଼ାଟ୍, ଇମ୍‌ଣି ମାନାୟାର୍ ଶୟତାନ ଦଳ୍‌ନି ମାନାୟାର୍ ହେୱାର୍ ଈଶ୍ୱର ବାଚି କିତ୍‌ତି ସତ୍ ଯିହୁଦି ମାନାୟାର୍ ଇଞ୍ଜି ଚଞ୍ଜିଆ ଆନାରା, ମାତର୍ ହେୱାର୍ ସତ୍ ଯିହୁଦି ମାନାୟାର୍ ଆକାୟ୍। ହେୱାର୍ ୱାଜି ମି କାଲ୍‌ପାନାତାକେ ମୁଣ୍ଡିଆ ଇଡ଼୍‌ଦାନାର୍ ଆରେ ଆନେଙ୍ଗ୍ ମିଙ୍ଗେଙ୍ଗ୍ ଲାଡ୍ କିନାଙ୍ଗା ଇଞ୍ଜି ହେୱାର୍ ପୁଞ୍ଜ୍‌ନାର୍।”