فِلِپّیوں 4:9 - پنجابی نواں عہد نامہ نظرثانی شدہ چھپائی

⁹ جیہڑیاں گلّاں تُساں مَیتھوں سِکھیاں تے پائیاں تے سُنیاں تے میرے وِچ ویکھیاں نیں اوہناں اُتّے عمل کرو۔ تے جیہڑا تسلّی دا خُدا اے۔ تُہاڈے نال رہے گا۔

فِلِپّیوں 4:9 Cross References

متّی 1:23

”ویکھو اِک کواری جمّن والی ہوئے گی تے اوہدے ولّ پُتر ہوئے گا۔ تے اوہدا ناں عمانوایل رکھن گے۔ جِہدا مطلب اے خُدا ساڈے نال۔“

متّی 28:20

تے اوہناں نُوں سکھاؤ پئی اوہناں سارِیاں گلّاں دی پالنا کرن جِنہاں دا مَیں تُہانوں حُکم دِتّا سی۔ تے ویکھو دُنیا دے اخِیر تِیکر ہر ویلے مَیں تُہاڈے نال آں۔ آمِین۔

متّی 7:21

نا ہر کوئی جیہڑا مَینُوں خُداوند خُداوند آکھدا اے اسمان دی بادشاہی وِچ وڑے گا پر اوہ جیہڑا میرے باپ دی جو اسمان اُتّے اے مرضی پُوری کر دا اے۔

لُوقا 6:46

تے تُسی کیوں مَینُوں خُداوند خُداوند آکھدے ہو۔ تے میرے آکھے نئیں لگدے؟

لُوقا 8:21

اوس اوہناں نُوں جواب دِتّا میری ماں تے میرے بھرا ایہہ نیں جیہڑے خُدا دے کلام نُوں سُندے تے عمل کر دے نیں۔

یُوحنّا 13:17

جے تسِیں ایہہ گلّاں جان دے ہو تے اوہناں اُتّے چلدے ہو تاں مُبارک اوہ۔

یُوحنّا 15:14

تُسی تَد ای میرے دوست ہو۔ جے میرے حُکماں نُوں پُوریاں کرو۔

یُوحنّا 2:5

اوہدی ماں نَوکراں نُوں آکھیا جو کُجھ اوہ تُہانوں آکھے سو کرو۔

اعمال 9:6

پر اُٹھ کھلو تے شہر وِچ جا تے جو کُجھ تینُوں کرنا چاہیدا اے۔ تینُوں دسیا جائے گا۔

رُومِیوں 15:33

ہُن تسلّی دا خُدا تُہاڈے سبھناں نال ہوئے آمِین۔

رُومِیوں 16:20

تسلّی دا خُدا چھیتی تُہاڈے پیراں ہیٹھ شیطان نُوں لتاڑے گا۔ ساڈے خُداوند یِسُوع مسِیح دا فضل تُہاڈے نال ہوئے۔

۱-کُرِنتھِیوں 10:31

سو تُسی کھاؤ یا پِیو جو کُجھ کرو سبھ کُجھ خُدا دے جلال لئی کرو۔

۱-کُرِنتھِیوں 14:33

کیوں جو خُدا گڑبڑی دا نئیں سگوں امن دا بانی اے۔ جیویں پاک لوکاں دِیاں سارِیاں کلِیسیاواں وِچ اے۔

۱-کُرِنتھِیوں 4:16

سو مَیں تُہاڈی مِنّت کرنا آں پئی میرے وانگر بنو۔

۲-کُرِنتھِیوں 13:11

سو بھراؤ! خُوش رہو۔ کامِل بنو۔ خاطرجمع رکھو۔ اِک دِل رہو۔ میل ملاپ رکھو۔ تے خُدا مُحبّت تے تسلّی دا سرچشمہ تُہاڈے نال ہوئے گا۔

فِلِپّیوں 3:17

بھراؤ! تُسی رَل کے میری رِیس کرو تے اوہناں نُوں سنجھانو جیہڑے اِنج ٹُردے نیں جِیکُوں تُہاڈے لئی ساڈا وی نمونہ اے۔

فِلِپّیوں 4:7

تے خُدا دی تسلّی جیہڑی سمجھ توں بالکل باہر اے۔ تُہاڈے دِلاں تے خیالاں دی مسِیح یِسُوع وِچ رکھوالی کرے گی۔

۱-تھِسّلُنِیکوں 1:6

تے تُسی کلام نُوں بڑی مُصِیبت وِچ پاک رُوح دی خُوشی نال مَن کے ساڈے تے نالے خُداوند دے نمونے اُتّے چَلّن والے بنے۔

۱-تھِسّلُنِیکوں 2:14

ایس لئی پئی تُسی بھراؤ خُدا دی اوہناں کلِیسیاواں دے نمونے اُتّے چَلّن والے بن گئے۔ جیہڑیاں یہُودیہ وِچ مسِیح یِسُوع وِچ نیں۔ کیوں جو تُساں وی اپنے مُلکی بھراواں توں ہو تکلیفاں سَہیاں جیہڑیاں اوہناں وی یہُودِیاں کولوں۔

۱-تھِسّلُنِیکوں 5:23

خُدا جیہڑا تسلّی دا چشمہ اے آپ تُہانوں بالکل پاک کرے تے تُہاڈی رُوح تے جان تے بدن ساڈے خُداوند یِسُوع مسِیح دے آؤن تِیکر ثابت ثبُوت تے بے عیب بچے رہن۔

۲-تھِسّلُنِیکوں 3:4

تے سانُوں تُہاڈے ولّوں خُداوند وِچ وساہ اے۔ پئی جیہڑے حُکم اسی تُہانوں دینے آں۔ تُسی اوہناں اُتّے عمل کر دے ہو تے کر دے وی رہو گے۔

۲-تِیمُتِھیُس 4:22

خُداوند تیری رُوح دے نال رہے۔ تُہاڈے اُتّے فضل ہوندا رہے۔

یعقُوب 1:22

پر کلام اُتّے عمل کرن والے بنو نا نِرے سُنن والے جیہڑے اپنے آپ نُوں دھوکھا دیندے نیں۔

۲-پطرس 1:10

سو بھراؤ! اپنے بُلاوے تے برگزیدگی نُوں ثابت کرن دی وَدّھ کے کوشش کرو۔ کیوں جو جے تُسی ایس طرح کرو۔ تے کدی وی ٹھیڈا نا کھاؤ گے۔

۱-یُوحنّا 3:22

تاں جو کُجھ اسی منگنے آں سو اوہدے ولّوں سانُوں مِلدا اے کیوں جو اسی اوہدے حُکماں نُوں مَنّنے آں تاں جو کُجھ اوہنوں پسند آؤندا اے اوہو ای کرنے آں۔