فِلِپّیوں 4:18 - پنجابی نواں عہد نامہ نظرثانی شدہ چھپائی

¹⁸ میرے کول سبھو کُجھ اے۔ سگوں بُہت وَدّھ اے۔ تُہاڈیاں گھلّیاں ہویاں شیواں اِپفُردِتُس دے ہتھّوں لے کے مَیں رَجّ گیا آں۔ اوہ اِک خُوشبوئی تے اجیہی قُربانی نیں۔ جیہڑی قبول ہوئی تے خُدا نُوں پسند اے۔

فِلِپّیوں 4:18 Cross References

اعمال 10:4

اوس اوہدے ولّ دھیان کر کے ویکھیا۔ تے ڈر کے آکھیا۔ اَے خُداوند کِیہ اے؟ اوس اوہنوں آکھیا۔ تیریاں عرضاں تے تیریاں خَیراتاں یادگیری لئی خُدا دی درگاہ وِچ اَپڑ گِئیاں نیں۔

رُومِیوں 12:1

سو بھراؤ۔ مَیں خُدا دِیاں مہربانِیاں دے سببّوں تُہاڈی مِنّت کرنا آں۔ پئی تُسی اپنے بدناں نُوں جیوندی پاک قُربانی چڑھاؤ۔ جیہڑی خُدا نُوں چنگی لگّے۔ پئی ایہو تُہاڈی رُوحانی بندگی اے۔

۲-کُرِنتھِیوں 11:8

مَیں ہورناں کلِیسیاواں نُوں لُٹیا۔ یعنی اوہناں کولوں مزدُوری لئی۔ تاں جو تُہاڈی خِدمت کراں۔

۲-کُرِنتھِیوں 9:12

کیوں جو ایس سیوا نُوں پُوریاں کرن نال نا نِریاں پاک لوکاں دِیاں لوڑاں پُوریاں ہوندیاں نیں سگوں بتھیریاں لوکاں ولّوں خُدا دی بڑی شُکر گُزاری ہوندی اے۔

اِفسِیوں 5:2

تے تُہاڈا چالا مُحبّت وِچ ہوئے جیویں مسِیح وی تُہاڈے نال مُحبّت کِیتی۔ تے ساڈے واسطے اپنے آپ نُوں خُوشبوئی وانگر خُدا دی نظر کر کے قُربان کِیتا۔

فِلِپّیوں 4:12

مَیں گھٹناں وی جاننا آں تے وَدھنا وی۔ سارِیاں گلّاں تے ہر حالت وِچ مَیں رجناں تے بُھکھیاں رہنا تے وَدھنا گھٹنا سِکھ لیا اے۔

۲-تھِسّلُنِیکوں 1:3

بھراؤ! تُہاڈے ولّوں ہر ویلے خُدا دا شُکر کرنا ساڈے اُتّے فرض اے تے چاہیدا وی اے۔ کیوں جو تُہاڈا اِیمان بُہت وَدھدا جاندا اے۔ تے تُہاڈی ساریاں دی مُحبّت آپو وِچ بُہت وَدّھدِی جاندی اے۔

عِبرانیوں 13:16

تے بھلا کرنا تے سخی ہونا ہونا نا بُھلو۔ ایس لئی پئی خُدا اجیہاں قُربانِیاں توں خُوش ہوندا اے۔

۱-پطرس 2:5

تُسی وی جِیوندے پتّھراں وانگر رُوحانی گھر بندے جاندے ہو۔ تاں جو کاہِناں دا پاک فِرقہ بن کے اجیہاں رُوحانی قُربانِیاں چاہڑو۔ جیہڑیاں یِسُوع مسِیح دی راہِیں چَنگیاں لگدِیاں نیں