فِلِپّیوں 4:12 - پنجابی نواں عہد نامہ نظرثانی شدہ چھپائی

¹² مَیں گھٹناں وی جاننا آں تے وَدھنا وی۔ سارِیاں گلّاں تے ہر حالت وِچ مَیں رجناں تے بُھکھیاں رہنا تے وَدھنا گھٹنا سِکھ لیا اے۔

فِلِپّیوں 4:12 Cross References

متّی 11:29

میری پنجالی اپنے اُتّے رکھ لوؤ تے میرے توں سِکھّو کیوں جو مَیں حلِیم تے دِل دا غرِیب آں تے تُسی اپنیاں جِیاں وِچ آرام پاؤ گے۔

متّی 13:52

اوس اوہناں نُوں آکھیا ایس کر کے ہر اِک فقِیہ جیہڑا اسمان دی بادشاہی دا شاگِرد بن گیا اے اوہ اوس گھر دے مالک وانگر اے جیہڑا اپنے خزانے وِچوں نَوِیاں تے پرانیاں شیواں کڈھ لیاؤندا اے۔

۲-کُرِنتھِیوں 10:1

مَیں پَولُس جیہڑا تُہاڈے سامھنے عاجز تے پِٹھ پِچّھے تُہاڈے اُتّے دلیر آں۔ مسِیح دی حلِیمی تے نرمی یاد دوا کے آپ تُہاڈے اگّے عرض کرنا آں۔

۲-کُرِنتھِیوں 10:10

کیوں جو آکھدے نیں پئی اوہدے خط تے ضرُور تاثِیر کرن والے زبردست نیں پر جد آپی موجُود ہوندا اے۔ تے ماڑا جِہیا معلُوم ہوندا اے۔ تے اوہدا بولنا ایویں کوِیں ای اے۔

۲-کُرِنتھِیوں 11:27

محنت تے مُشقّت وِچ۔ کئی واری جاگدیاں رہن۔ بُھکھ تے تَریہہ دی مُصِیبت وِچ۔ کئی واری فاقے وِچ۔ پالے تے ننگے رہن دی حالت وِچ رہیا آں۔

۲-کُرِنتھِیوں 11:7

کِیہ ایہہ مَیتھوں خطا ہوئی؟ پئی مَیں تُہانوں خُدا دی خُوشخبری مُفت اپڑا کے اپنے آپ نُوں نِیویاں کِیتا۔ تاں جو تُسی اُچّے ہو جاؤ؟

۲-کُرِنتھِیوں 11:9

تے جد مَیں تُہاڈے کول ساں تے ضرورت مند ہوگیا ساں۔ تَد وی مَیں کِسے اُتّے بھار نا پایا۔ کیوں جو بھراواں مَکِدُنیہ توں آ کے میری لوڑ پُوری کر دِتّی سی۔ تے مَیں ہر گلّ وِچ تُہاڈے اُتّے بھار پان توں رُکیا رہیا۔ تے رہاں گا وی۔