فِلِپّیوں 3:9 - پنجابی نواں عہد نامہ نظرثانی شدہ چھپائی

⁹ تے مَیں اوہدے وِچ لَبّھاں تے میرے کول اپنی اوہ راست بازی نا ہوئے جیہڑی شریعت ولّوں اے۔ پر اوہ جیہڑی مسِیح اُتّے اِیمان رکھن دے سببّوں اے پئی اوہ راستبازی جیہڑی خُدا ولّوں اِیمان دی راہِیں مِلدی اے۔

فِلِپّیوں 3:9 Cross References

متّی 9:13

پر تُسی جا کے ایہدا مطلب سمجھو پئی مَیں قُربانی نُوں نئیں چاہندا سگوں رَحم نُوں چاہناں آں کیوں جو مَیں نیکاں نُوں سَدّن لئی نئیں آیا سگوں گُناہِیاں نُوں۔

رُومِیوں 1:17

ایس لئی پئی خُدا دی راستبازی اِیمان توں تے اِیمان لئی اوہدے وِچ ظاہر ہوندی اے۔ جیویں لِکھیا ہویا اے۔ پئی راستباز اِیمان توں جیوے گا۔

رُومِیوں 10:10

کیوں جو راستبازی لئی دِلوں اِیمان لیاوی دا اے۔ تے نجات لئی مُنھ توں اِقرار کری دا اے۔

رُومِیوں 16:7

میرے ساکاں اندرُنِیکُس تے یُونِیاس نُوں سلام آکھو۔ اوہ تے قید وِچ میرے ساتھی سن تے رسُولاں وِچ مشہُور نیں۔ تے مَیتھوں اگیترے مسِیح وِچ سن۔

رُومِیوں 5:21

تاں جو جیویں گُناہ مَوت وِچ بادشاہی کِیتی۔ ایسے طرح فضل دی زِندگی توڑی راستبازی دی راہِیں یِسُوع مسِیح ساڈے خُداوند دی راہِیں بادشاہی کرے۔

رُومِیوں 8:1

سو ہُن اوہناں اُتّے کُجھ وی سزا دا حُکم نئیں۔ جیہڑے مسِیح یِسُوع وِچ نیں۔

رُومِیوں 8:3

ایس لئی پئی جیہڑی گلّ جِسم دی کمزوری دے سببّوں شریعت توں نا ہو سکی۔ خُدا اپنے ای پُتر نُوں گُناہی جِسم دی صُورت وِچ تے گُناہ دی قُربانی لئی گھل کے جِسم وِچ گُناہ دی سزا دا حُکم کِیتا۔

۱-کُرِنتھِیوں 1:30

پر تُسی اوہدے ولّوں یِسُوع مسِیح وِچ ہو جیہڑا ساڈے لئی خُدا ولّوں حِکمت ہویا یعنی راستبازی تے پاکیزگی تے مُکتی۔

۲-کُرِنتھِیوں 5:17

ایس لئی جے کوئی مسِیح وِچ اے۔ تے اوہ نواں مخلُوق اے پرانیاں شیواں جاندِیاں رہیاں۔ ویکھو اوہ نَوِیاں ہوگِئیاں۔

۲-کُرِنتھِیوں 5:21

جیہڑا گُناہ توں واقف نئیں سی اوسے نُوں اوس ساڈے لئی گُناہ ٹھہرایا۔ تاں جو اسی اوہدے وِچ ہو کے خُدا دی راست بازی ہو جائیے۔

گلتِیوں 2:16

تَد وی ایہہ جان کے پئی بندہ شریعت دے کمّاں نال نئیں سگوں نِرا یِسُوع مسِیح اُتّے اِیمان لیاؤن نال راستباز ٹھہردا اے۔ اساں آپ وی مسِیح یِسُوع اُتّے اِیمان لیاندا۔ ایس کر کے پئی اسی مسِیح اُتّے اِیمان لیاؤن نال راستباز سمجھے جائیے نا شریعت دیاں کمّاں نال۔ کیوں جو شریعت دیاں کمّاں نال کِسے راستباز نئیں ٹھہرنا۔

فِلِپّیوں 3:6

جوش ولّوں کلِیسیا دا ستان والا۔ شریعت دی راستی ولّوں بے عیب ساں۔

۲-تِیمُتِھیُس 1:9

جِس سانُوں نجات دِتّی تے پاک بُلاوے نال بُلایا۔ ساڈے کمّاں دے سببّوں نئیں۔ سگوں اپنے خاص اِرادے تے اوس فضل دے سببّوں جیہڑا مسِیح یِسُوع وِچ ساڈے اُتّے مُڈھوں ای ہویا۔

طِطُس 3:5

تے اوس سانُوں چھڈایا۔ پر راستبازی دے کمّاں دے سببّوں نئیں جیہڑے اساں کِیتے پر اپنی رحمت نال نَوِیں پَیدایش تے نہاؤن تے پاک رُوح دے سانُوں نَوِیاں بناؤن دے وسیلے نال۔

عِبرانیوں 6:18

تاں جو دو نا بدلن والِیاں شیواں دے سبّب جِنہاں دی بابت خُدا دا جُھوٹھ بولنا مُمکِن نئیں۔ ساڈی چنگی طرح دِل دی تسلّی ہو جائے۔ جیہڑے پناہ لین نُوں ایس لئی دَوڑنے آں۔ پئی اوس آس کِیتی ہوئی شے نُوں جیہڑی اگّے رکھی ہوئی اے۔ ہتّھ وِچ لے لَئے۔

یعقُوب 3:2

ایس واسطے پئی اسی سارے دے سارے قصور کرنے آں۔ کامِل بندہ اوہ اے جیہڑا گلّاں وِچ قصور نا کرے اوہ سارے بدن نُوں وی قابُو وِچ رکھ سکدا اے۔

۲-پطرس 1:1

شمعُون پطرس ولّوں جیہڑا یِسُوع مسِیح دا غلام تے رسُول اے۔ اوہناں لوکاں دے ناں جِنہاں ساڈے خُدا تے نجات دین والے یِسُوع مسِیح دی راستبازی دی راہِیں ساڈے وانگر قِیمتی اِیمان پایا اے۔

۱-یُوحنّا 3:4

جیہڑا گُناہ کر دا اے اوہ شریعت دے اُلٹ کر دا اے تے گُناہ شریعت دا اُلٹ اے۔