فِلِپّیوں 3:17 - پنجابی نواں عہد نامہ نظرثانی شدہ چھپائی

¹⁷ بھراؤ! تُسی رَل کے میری رِیس کرو تے اوہناں نُوں سنجھانو جیہڑے اِنج ٹُردے نیں جِیکُوں تُہاڈے لئی ساڈا وی نمونہ اے۔

فِلِپّیوں 3:17 Cross References

رُومِیوں 16:17

پر بھراؤ! مَیں تُہاڈی مِنّت کرنا آں۔ تُسی اوہناں لوکاں توں جیہڑے اوس تعلِیم دے اُلٹ جیہڑی تُہانوں مِلی پُھٹ پان والے تے ٹھوکر دین والے نیں خبردار رہو تے اوہناں توں لانبھے رہو۔

۱-کُرِنتھِیوں 10:32

تُسی نا یہُودِیاں دی ٹھوکر دا سبّب بنو۔ نا یُونانِیاں تے نا خُدا دی کلِیسیا دے۔

۱-کُرِنتھِیوں 11:1

تُسی میرے وانگر بنو جیویں مَیں مسِیح وانگر بنیا آں۔

۱-کُرِنتھِیوں 4:16

سو مَیں تُہاڈی مِنّت کرنا آں پئی میرے وانگر بنو۔

فِلِپّیوں 4:9

جیہڑیاں گلّاں تُساں مَیتھوں سِکھیاں تے پائیاں تے سُنیاں تے میرے وِچ ویکھیاں نیں اوہناں اُتّے عمل کرو۔ تے جیہڑا تسلّی دا خُدا اے۔ تُہاڈے نال رہے گا۔

۱-تھِسّلُنِیکوں 1:6

تے تُسی کلام نُوں بڑی مُصِیبت وِچ پاک رُوح دی خُوشی نال مَن کے ساڈے تے نالے خُداوند دے نمونے اُتّے چَلّن والے بنے۔

۲-تھِسّلُنِیکوں 3:14

تے جیہڑا ساڈے ایس خط دی گلّ نا مَنّے اوہدے ولّ خیال رکھو۔ اوہدے نال نا بَہو نا کھلو۔ تاں جو اوہ شرمندہ ہوئے۔

۲-تھِسّلُنِیکوں 3:7

کیوں جو تُسی آپ جان دے ہو پئی تُہانوں ساڈے نمونے اُتّے کِس طرح ٹُرناں چاہیدا اے۔ ایس لئی پئی اسی تُہاڈے وِچ بے قاعدہ نئیں ساں ٹُردے۔

۲-تھِسّلُنِیکوں 3:9

ایس لئی نئیں پئی سانُوں اختیار نئیں سی۔ پر ایس واسطے پئی اسی اپنے آپ نُوں تُہاڈے لئی نمونہ بنایئے تاں جو تُسی ساڈے وانگر بنو۔

۱-تِیمُتِھیُس 4:12

کوئی تیری جوانی ولّوں تیری حقارت نا کرے۔ سگوں اِیمان والیاں لئی گلّاں کرن تے چال چَلّن تے پیار تے اِیمان پاکیزگی وِچ نمونہ بن۔

عِبرانیوں 13:7

جیہڑے تُہاڈے رہبر سن تے جِنہاں تُہانوں خُدا دا کلام سُنایا اوہناں نُوں یاد رکھو اوہناں دی زِندگی دے نتیجے اُتّے دھیان کر کے اوہناں جیہے اِیماندار ہو جاؤ۔

۱-پطرس 5:3

تے جیہڑے لوک تُہاڈے سپُرد نیں اوہناں اُتّے دابا نا پاؤ سگوں اِجّڑ لئی نمونہ بنو۔