فِلِپّیوں 3:1 - پنجابی نواں عہد نامہ نظرثانی شدہ چھپائی

¹ ہور بھراؤ! خُداوند وِچ خُوش رہو۔ تُہانوں اِکّو گلّ گھڑی مُڑی لِکھن وِچ مَینُوں تے کوئی اَوکھ نئیں۔ تے تُہاڈا ایہدے وِچ بچاؤ اے۔

فِلِپّیوں 3:1 Cross References

متّی 5:12

خُوش ہو تے چھالاں مارو کیوں جو اسمان وِچ تُہاڈا بدلہ بڑا اے۔ ایس کر کے پئی اوہناں پیغمبراں نُوں جیہڑے تُہاڈے توں اگّے سن ایسے طرح ستایا سی۔

لُوقا 1:47

تے میری رُوح میرے بچان والے خُدا توں خُوش ہوئی۔

رُومِیوں 5:11

تے نِرا ایہو نئیں سگوں اسی خُدا وِچ فخر وی کرنے آں۔ اپنے خُداوند یِسُوع مسِیح دی خاطر جِہدی راہِیں ہُن اسی مِلائے گئے آں۔

۲-کُرِنتھِیوں 13:11

سو بھراؤ! خُوش رہو۔ کامِل بنو۔ خاطرجمع رکھو۔ اِک دِل رہو۔ میل ملاپ رکھو۔ تے خُدا مُحبّت تے تسلّی دا سرچشمہ تُہاڈے نال ہوئے گا۔

اِفسِیوں 6:10

باقی خُداوند تے اوہدی بڑی قُوّت دی طاقت وِچ تگڑے رہو۔

فِلِپّیوں 3:3

کیوں جو سُنت والے تے اسی آں۔ جیہڑے خُدا دے رُوح دی ہدایت نال عبادت کرنے آں۔ تے مسِیح یِسُوع اُتّے فخر کرنے آں۔ تے جِسم دا بھروسا نئیں کر دے۔

فِلِپّیوں 4:4

خُداوند وِچ ہرویلے خُوش رہو۔ فیر آکھنا آں۔ پئی خُوش رہو۔

فِلِپّیوں 4:8

بھراؤ! ہور ایہہ گلّ اے جیہڑیاں گلّاں سَچیاں نیں جیہڑیاں عِزّت جوگیاں نیں جیہڑیاں نیک نیں۔ جیہڑیاں سُدّھ نیں۔ جیہڑیاں پیاریاں نیں۔ جیہڑیاں بھلیاں نیں۔ جیہڑیاں گُن دِیاں نیں تے جیہڑیاں تعرِیف دِیاں نیں اوہناں اُتّے دھیان رکھو۔

۱-تھِسّلُنِیکوں 4:1

باقی بھراؤ! اسی تُہاڈی مِنّت کرنے آں تے خُداوند یِسُوع مسِیح وِچ تُہانوں ایہہ نصِیحت کرنے آں۔ پئی جیویں تُساں ساڈے کولوں سِکھیا۔ پئی جیویں ٹُرناں تے خُدا نُوں خُوش کرنا چاہیدا اے تے جیویں تُسی ٹُر دے وی ہو اوسے طرح وَدھدے جاؤ۔

۱-تھِسّلُنِیکوں 5:16

ہر ویلے خُوش رہو۔

یعقُوب 1:2

میرے بھراؤ جدوں تُسی کئی طرح دِیاں ازمایشاں وِچ پَوو۔

۱-پطرس 3:8

چھیکڑلی گلّ ایہہ اے۔ پئی سارے اِک دِل تے ہمدرد ہوؤ۔ بھراواں وانگر مُحبّت کرو۔ نرم دِل تے نِیویں رہو۔

۱-پطرس 4:13

سگوں تُسی خُوشی کرو۔ پئی تُسی مسِیح دیاں دُکھاں وِچ سنگی اوہ۔ تاں جو اوہدے جلال دے ظاہر ہون دے ویلے بے انت خُوشی کرو۔

۲-پطرس 3:1

پیاریو! ہُن مَیں ایہہ دُوجا خط تُہانوں لِکھنا آں تے یاد دوان لئی دوہاں خطاں توں تُہاڈے صاف دِلاں نُوں جوش دوانا آں۔