فِلِپّیوں 2:7 - پنجابی نواں عہد نامہ نظرثانی شدہ چھپائی

⁷ سگوں اپنے آپ نُوں خالی کر دِتّا۔ تے ٹہلئے دی صُورت مَل لئی۔ تے بندیاں وانگر ہو گیا۔

فِلِپّیوں 2:7 Cross References

متّی 12:18

پئی ویکھو میرا بندہ جِہنُوں مَیں چُنیا۔ میرا پیارا جِہدے توں میرا جی خُوش اے مَیں اپنا رُوح اوہدے اُتّے رکھاں گا تے اوہ غیر قوماں نُوں نیاں دی خبر کرے گا۔

متّی 20:28

جیویں اِبنِ آدم سیوا کران نئیں سگوں سیوا کرن تے بتھیریاں دے تھاں ڈنڈ بھرن نُوں اپنی جان دین آیا اے۔

مرقس 9:12

تے اوس اوہناں نُوں آکھیا۔ ایلیّاہ تے ٹھیک پہلاں آن کے سبھ کُجھ سُدھار دا اے۔ تے اِبنِ آدم دے حق وِچ کِیویں لِکھیا اے۔ پئی اوہ بڑا دُکھ جھلّے گا تے ناچیز سمجھیا جائے گا۔

لُوقا 22:27

کیوں جو وَڈا کیہڑا اے۔ اوہ جیہڑا کھان بَیٹھا۔ یا اوہ جیہڑا سیوا کر دا اے؟ اوہ نئیں جیہڑا کھان بَیٹھا اے؟ پر مَیں تُہاڈے وِچ ٹہلئے وانگر آں۔

یُوحنّا 1:14

تے جِسم لیا تے فضل تے سچیائی نال بھرپُور ہو کے ساڈے کول ڈیرہ کِیتا۔ تے اساں اُسدا اجیہا جلال ویکھیا جیویں باپ دے اِکلَوتے دا جلال۔

رُومِیوں 1:3

اپنے پُتر ساڈے خُداوند یِسُوع مسِیح دی بابت وعدہ کِیتا سی جیہڑا جِسم ولّوں تے داؤد دی نسلوں پَیدا ہویا۔

رُومِیوں 15:3

کیوں جو مسِیح نے وی اپنے آپ نُوں خُوش نئیں کِیتا۔ پر جیویں لِکھیا ہویا اے۔ تیرے طعنے مارن والیاں دے طعنے میرے اُتّے آپئے۔

رُومِیوں 15:8

کیوں جو مَیں آکھنا آں پئی خُدا دی سچیائی ثابت کرن لئی ایس کر کے مسِیح سُنتی بہن والیاں دا خادم کِیتا گیا۔ تاں جو اوہناں وعدیاں نُوں۔ جیہڑے پئیو دادیاں نال کِیتے گئے سن۔ پَکیّاں کرے۔

رُومِیوں 8:3

ایس لئی پئی جیہڑی گلّ جِسم دی کمزوری دے سببّوں شریعت توں نا ہو سکی۔ خُدا اپنے ای پُتر نُوں گُناہی جِسم دی صُورت وِچ تے گُناہ دی قُربانی لئی گھل کے جِسم وِچ گُناہ دی سزا دا حُکم کِیتا۔

۲-کُرِنتھِیوں 13:4

ہاں اوہ کمزوری دے سببّوں صلِیب دِتّا گیا پر خُدا دی قُدرت دے سببّوں زِندہ اے۔ تے اسی وی اوہدے وِچ کمزور تے آں پر اوہدے نال خُدا دی اوس قُدرت نال زِندہ ہوواں گے جیہڑی تُہاڈے لئی اے۔

۲-کُرِنتھِیوں 8:9

کیوں جو تُسی ساڈے خُداوند یِسُوع مسِیح دے فضل نُوں جان دے اوہ۔ پئی اوہ بھانویں دَولتمند سی پر تُہاڈی خاطر غرِیب بن گیا۔ تاں جو تُسی اوہدی غرِیبی دے سبّب دَولت مند بن جاؤ۔

گلتِیوں 4:4

پر جدوں پُورا ویلا آ گیا خُدا اپنے پُتر نُوں گھلّیا جیہڑا عورت توں جمّیا۔ تے جنم توں شریعت دا ہٹھارُو بنیا۔

فِلِپّیوں 2:6

اوہ بھانویں خُدا دی صُورت وِچ سی۔ پر اوہنے خُدا دے برابر ہون نُوں اپنے قبضے وِچ رکھن دی شے نا جانیا۔

عِبرانیوں 12:2

تے اِیمان دے بانی تے کامِل کرن والے یِسُوع نُوں ویکھدے رہیئے۔ جِس اوس خُوشی دے سبّب جیہڑی اوہدے اگّے پئی ہوئی سی بے عِزّتی دی پرواہ نا کِیتی تے صلِیب دا دُکھ جَھل کے خُدا دے تخت دے سَجّے پاسے جا بَیٹھا۔

عِبرانیوں 13:3

قیدِیاں نُوں ایس طرح یاد کرو جیویں اوہناں دے نال قید ہو۔ تے جِنہاں نال بَھیڑا سلُوک ہوندا اے۔ اوہناں نُوں وی ایہہ سمجھ کے یاد کرو۔ پئی اسی وی جِسم والے آں۔

عِبرانیوں 4:15

کیوں جو ساڈا اجیہا سردار کاہِن نئیں جیہڑا ساڈیاں کمزوریاں وِچ ساڈا دردی نا ہوسکے سگوں سارِیاں گلّاں وِچ ساڈے وانگر ازمایا گیا۔ تَد وی بے گُناہ رہیا۔