فِلِپّیوں 2:6 - پنجابی نواں عہد نامہ نظرثانی شدہ چھپائی

⁶ اوہ بھانویں خُدا دی صُورت وِچ سی۔ پر اوہنے خُدا دے برابر ہون نُوں اپنے قبضے وِچ رکھن دی شے نا جانیا۔

فِلِپّیوں 2:6 Cross References

متّی 1:23

”ویکھو اِک کواری جمّن والی ہوئے گی تے اوہدے ولّ پُتر ہوئے گا۔ تے اوہدا ناں عمانوایل رکھن گے۔ جِہدا مطلب اے خُدا ساڈے نال۔“

یُوحنّا 1:18

خُدا نُوں کدی کِسے نئیں ڈِٹّھا پر اِکلَوتے پُتر نیں جیہڑا باپ دی گدّ وِچ اے اوہنوں ظاہر کِیتا۔

یُوحنّا 10:30

مَیں تے باپ اِک آں۔

یُوحنّا 10:33

یہُودِیاں اوہنوں جواب دِتّا اسی تینُوں چنگے کمّ لئی پتّھر نئیں مار دے پر کُفر لئی کیوں جو تُوں بندہ ہو کے اپنے آپ نُوں خُدا بنانا ایں۔

یُوحنّا 10:38

پر جے مَیں کرنا آں۔ تَد مَینُوں بھانویں نا ای مَنّو پر میرے کمّاں نُوں تے مَنّو تاں جو تُسی جانوں تے سمجھو پئی باپ میرے وِچ اے تے مَیں باپ وِچ۔

یُوحنّا 14:28

تُساں سُن لیا اے پئی مَیں تُہانوں آکھیا پئی مَیں جاناں تے تُہاڈے کول فیر آؤناں آں۔ جے تُسی مَینُوں پیار کر دے تے خُوش ہوندے پئی مَیں باپ کول جاناں آں کیوں جو باپ مَیتھوں وَڈا اے۔

یُوحنّا 14:9

یِسُوع اوہنوں آکھیا اَے فِلپُّس مَیں اینے چِر دا تُہاڈے نال آں تے تُوں مَینُوں نئیں جان دا؟ جِس مَینُوں ویکھیا اے اوس باپ نُوں ویکھ لیا اے۔ تے تُوں کِیویں آکھنا ایں پئی باپ سانُوں وکھال؟

یُوحنّا 17:5

تے ہُن اَے باپ تُوں مَینُوں اپنے نال جلال دے اوسے جلال نال جیہڑا مَیں دُنیا دے ہون توں پہلاں ای تیرے نال رکھدا ساں۔

یُوحنّا 20:28

تُوما اوہنوں آکھیا اے میرے خُداوند اے میرے خُدا۔

یُوحنّا 5:18

ایس لئی یہُودی ہور وی وَدّھ کے اوہدے مارن دا داء لبّھدے سن۔ کیوں جو اوس نا نِرا سبت نُوں توڑ دِتّا پر ایہہ وی پئی خُدا نُوں خاص اپنا باپ آکھ کے اپنے آپ نُوں خُدا دے برابر کِیتا۔

یُوحنّا 5:23

تاں جو سبھ لوک پُتر دی عِزّت کرن جیویں باپ دی عِزّت کر دے نیں۔ جیہڑا پُتر دی عِزّت نئیں کر دا اوہ باپ دی وی جِس اوہنوں گھلّیا عِزّت نئیں کر دا۔

رُومِیوں 9:5

بزُرگ اوہناں دے نیں۔ نالے مسِیح جِسم ولّوں اوہناں وِچوں ہویا جیہڑا سبھناں توں اُچّا خُدا سدا توڑی مُبارک اے آمِین۔

۲-کُرِنتھِیوں 4:4

یعنی اوہناں بے اِیماناں لئی جِنہاں دِیاں اَکھّیاں نُوں ایس جہان دے خُدا اَنھیاں کر دِتّا اے۔ تاں جو مسِیح جیہڑا خُدا دی صُورت اے اوہدے جلال دی خُوشخبری دا چانن اوہناں اُتّے نا پئے۔

۲-کُرِنتھِیوں 8:9

کیوں جو تُسی ساڈے خُداوند یِسُوع مسِیح دے فضل نُوں جان دے اوہ۔ پئی اوہ بھانویں دَولتمند سی پر تُہاڈی خاطر غرِیب بن گیا۔ تاں جو تُسی اوہدی غرِیبی دے سبّب دَولت مند بن جاؤ۔

۱-تِیمُتِھیُس 1:17

ہُن جُگّاں دے بادشاہ سدا حیات۔ اَن ڈِٹھ۔ اِکّو خُدا دی عِزّت تے ٹھاٹھ باٹھ سدا دے لئی ہوئے۔ آمِین۔

۱-تِیمُتِھیُس 3:16

ایہدے وِچ شک نئیں پئی دِینداری دا بھید وَڈا اے یعنی اوہ جیہڑا جِسم وِچ ظاہر ہویا۔ تے رُوح وِچ راستباز مِتھیا گیا۔ تے فرِشتیاں وِچ وکھالی دِتّا۔ غیر قوماں وِچ اوہدی منادی ہوئی دُنیا وِچ مَنّیا گیا۔ تے جلال وِچ اُتانہہ چُکیا گیا۔

طِطُس 2:13

تے اوس مُبارک آس یعنی اپنے بزُرگ خُدا تے نجات دین والے یِسُوع مسِیح دے جلال دے ظاہر ہون دی اُڈِیک وِچ رہئے۔

عِبرانیوں 1:3

اوہ اوہدے جلال دا لشکارا تے اوہدی ذات دا ٹھپّہ ہو کے سارِیاں شیواں نُوں اپنی قُدرت دے کلام نال سمبھالدا اے۔ اوہ ساڈے گُناہاں نُوں دھو کے بلندی اُتّے جناب باری دے سَجّے پاسے جا بَیٹھا۔

عِبرانیوں 1:6

تے جد پلیٹھے نُوں دُنیا وِچ فیر لے آؤندا اے تے آکھدا اے۔ پئی خُدا دے سارے فرِشتے اوہنوں سجدہ کرن۔

عِبرانیوں 1:8

پر پُتر دی بابت آکھدا اے پئی اے خُدا تیرا تخت سدا تِیکر رہے گا۔ تے تیرے راج دا ڈنڈا سچیائی دا ڈنڈا اے۔

عِبرانیوں 13:8

یِسُوع مسِیح کل تے اَج سگوں سدا تِیکر اِکّو جِہیا اے۔

مُکاشفہ 21:6

فیر اوس مَینُوں آکھیا۔ پئی ایہہ گلّاں پُوریاں ہوگِئیاں۔ مَیں الفا تے اومیگا شُروع تے اخِیر ہاں۔ مَیں تریہائے نُوں زِندگی دے پانی دے چشمے وِچوں مُفت پیاواں گا۔