فِلِپّیوں 2:3 - پنجابی نواں عہد نامہ نظرثانی شدہ چھپائی

³ دھڑے بازی تے پھنڈ مارِیاں کُجھ نا کرو۔ سگوں عاجزی نال اِک دُوجے نُوں اپنے نالوں چَنگا جانو۔

فِلِپّیوں 2:3 Cross References

لُوقا 18:14

مَیں تُہانوں آکھنا آں۔ پئی ایہہ بندے دُوجے نالوں ودِھیک نیک ہو کے اپنے گھر گیا۔ کیوں جو جیہڑا کوئی اپنے آپ نُوں اُچیاں کر دا اے۔ نِیواں کِیتا جائے گا۔ پر جیہڑا اپنے آپ نُوں نِیواں کر دا اے اوہ اُچّا کِیتا جائے گا۔

رُومِیوں 12:10

بھراواں وَرگی مُحبّت نال آپو وِچ بڑا پیار رکھو۔ عِزّت ولّوں اِک دُوجے نُوں چَنگا سمجھو۔

رُومِیوں 13:13

جیویں دِن نُوں چاہیدا اے۔ بھلمانسی نال چلیئے۔ نا لُچ پنیاں تے نشیاں وِچ۔ نا حرامکاری تے بدماشِیاں وِچ۔ نا جھگڑے تے ساڑے وِچ۔

رُومِیوں 2:8

پر اوہناں اُتّے جیہڑے لڑاکے نیں تے سچیائی نُوں نئیں سگوں ناراستی نُوں مَن دے نیں قَہر تے غضب ہوئے گا۔

۱-کُرِنتھِیوں 15:9

کیوں جو مَیں رسُولاں وِچوں ساریاں نالوں نِکّا آں سگوں رسُول اکھوان دے لائق نئیں ایس لئی پئی مَیں خُدا دی کلِیسیا نُوں ستایا سی۔

۱-کُرِنتھِیوں 3:3

کیوں جو اجے تِیکر جِسمانی ہو۔ ایس لئی پئی جد تُہاڈے وِچ ساڑا تے جھگڑا اے۔ تے تُسی جِسمانی نا ہوئے؟ تے بندیاں دِیاں طریقیاں اُتّے ٹُرن والے نا ہوئے؟

۲-کُرِنتھِیوں 12:20

کیوں جو مَیں ڈرنا آں۔ کِتے اجیہا نا ہوئے۔ پئی مَیں آ کے جیویں تُہانوں چاہناں آں ایہو جِہیا نا ویکھیاں۔ تے مَینُوں جیہا تُسی نئیں چاہندے اوہو جِہیا ای ویکھو۔ پئی تُہاڈے وِچ جھگڑا۔ ساڑا۔ غُصّہ۔ جُدائِیاں۔ بدگوئِیاں۔ چُغلیاں۔ شیخیاں تے فساد ہون۔

گلتِیوں 5:15

پر جے تُسی اِک دُوجے نُوں وَڈّھ دے تے پاڑ کھاندے ہو۔ تے خبردار رہو۔ پئی تُہاڈا اِک دُوجے کولوں ستیاناس نا ہوئے۔

گلتِیوں 5:26

اسی نا حق فخر کر کے نا اِک دُوجے نُوں چِڑائیے۔ تے نا اِک دُوجے ولّوں سڑئیے۔

اِفسِیوں 4:2

یعنی پُوری عاجزی تے حلِیمی نال صبر کر کے مُحبّت نال اِک دُوجے دی برداشت کرو۔

اِفسِیوں 5:21

تے مسِیح دے ڈر نال اِک دُوجے دے تابعیاں رہو۔

فِلِپّیوں 2:14

سارے کمّ بِناں شکایت تے بِناں حُجتّاں کریا کرو۔

کُلُسِّیوں 3:12

سو خُدا دے چُنیاں ہویاں وانگر۔ جیہڑے پاک تے پیارے نیں۔ رَحم دِلی تے مِہربانی تے عاجزی تے حلِیمی تے برداشت دا لباس پاؤ۔

کُلُسِّیوں 3:8

پر ہُن تُسی وی اوہناں سبھناں نُوں یعنی غُصّہ تے قَہر تے وَیر تے بُرا آکھنا تے مُنھوں گندِیاں گلّاں آکھنیاں چھڈ دیو۔

۱-تِیمُتِھیُس 6:4

اوہ مغرُور اے تے کُجھ وی نئیں جان دا سگوں اوہنوں بحث تے لفظی جھگڑیاں دی بیماری اے۔ جِنہاں توں ساڑا۔ لڑائِیاں۔ تے بدگوئِیاں تے بدنِیتی۔

۱-پطرس 3:8

چھیکڑلی گلّ ایہہ اے۔ پئی سارے اِک دِل تے ہمدرد ہوؤ۔ بھراواں وانگر مُحبّت کرو۔ نرم دِل تے نِیویں رہو۔

۱-پطرس 5:5

جوانو! تُسی وی بزُرگاں دی تابعیاں وِچ رہو اِک دُوجے دی سیوا واسطے عاجزی نال لکّ بنھیں رکھو۔ ایس لئی پئی خُدا مغرُوراں دا سامنا کر دا اے پر عاجزاں نُوں فضل دیندا اے۔