فِلِپّیوں 2:26 - پنجابی نواں عہد نامہ نظرثانی شدہ چھپائی

²⁶ کیوں جو اوہ تُہانوں سبھناں نُوں بُہت چاہندا سی تے ایس کر کے بے چَین رہندا سی۔ پئی تُساں اوہدی بیماری دا حال سُنیا سی۔

فِلِپّیوں 2:26 Cross References

متّی 11:28

اَے سارے لوکو جیہڑے محنت کر دے تے بھار ہیٹھ دبّے پئے ہو۔ میرے کول آؤ تے مَیں تُہانوں آرام دیاں گا۔

متّی 26:37

تے پطرس تے زبدی دے دوہاں پُتراں نُوں نال لے کے اوہ دُکھی تے بُہت غمگِین ہون لگّا۔

اعمال 21:13

تَد پَولُس جواب دِتّا۔ پئی تُسی کِیہ کر دے ہو؟ روندے تے میرا دِل توڑ دے ہو؟ کیوں جو مَیں صرف یرُوشلِیم وِچ خُداوند یِسُوع دے ناں پِچّھے بَدّھے جان نُوں سگوں مر جان نُوں وی تیار آں۔

رُومِیوں 1:11

کیوں جو مَینُوں تُہاڈے ویکھن دا بُہت ای شَوق اے۔ پئی کوئی رُوحانی بخشِش تُہانوں پُچاواں۔ جِہدے نال تُسی تگڑے ہو جاؤ۔

رُومِیوں 12:15

خُوشی کرن والیاں نال خُوشی کرو۔ رون والیاں نال روؤ۔

رُومِیوں 9:2

پئی مَینُوں بُہت رنج اے۔ تے میرا دِل ہر ویلے دُکھی رہندا اے۔

۱-کُرِنتھِیوں 12:26

سو جے اِک انگ نُوں دُکھ ہوندا اے۔ تے ساریاں انگاں نُوں اوہدے نال دُکھ ہوندا اے۔ تے جے اِک انگ نُوں عِزّت مِلدی اے تے سارے انگ اوہدے نال خُوش ہوندے نیں۔

۲-کُرِنتھِیوں 9:14

تے اوہ تُہاڈے لئی دُعا منگدے نیں تے تُہانوں پیار کر دے نیں۔ ایس لئی پئی تُہاڈے اُتّے خُدا دا بڑا ای فضل اے۔

گلتِیوں 6:2

تُسی اِک دُوجے دے بھار وَنڈو تے ایس طرح مسِیح دی شریعت نُوں پُوریاں کرو۔

اِفسِیوں 3:13

سو مَیں درخواست کرنا آں پئی تُسی میرِیاں اوہناں تنگِیاں دے سببّوں جیہڑیاں تُہاڈی خاطر سہنا آں ہِمّت نا ہارو۔ اوہ تُہاڈا ٹھاٹھ نیں۔

فِلِپّیوں 1:3

مَیں جدوں تُہانوں یاد کرنا آں تَد ہرویلے اپنے خُدا دا شُکر کرنا آں۔

فِلِپّیوں 1:8

خُدا میرا گواہ اے پئی مَیں کِیویں مسِیح یِسُوع دیاں ترساں نال تُہاڈی ساریاں دی چاہ کرنا آں۔

فِلِپّیوں 2:25

تے مَیں اِپفُردِتُس نُوں تُہاڈے کول گھلّنا ضرُوری سمجھیا ایہہ میرا بھرا تے کمّ کرن وِچ میرا سنگی تے میرے نال دا سپاہی تے تُہاڈے ولّوں گھلّیا ہویا تے میرِیاں لوڑاں پُوریاں کرن لئی ٹہلیا اے۔

فِلِپّیوں 2:27

بے شک اوہ بیماری نال مرن والا ہویا سی۔ پر خُدا اوہدے اُتّے رَحم کِیتا۔ تے نِرا اوسے اُتّے ای نئیں۔ سگوں میرے اُتّے وی۔ تاں جو مَینُوں غم اُتّے غم نا ہوئے۔

فِلِپّیوں 4:1

ایس لئی میرے پیارے بھراؤ! جِنہاں دی مَینُوں چاہ اے۔ تے جیہڑے میری خُوشی تے تاج ہو۔ میرے پیاریو! خُداوند وِچ پکّے رہو۔

۱-پطرس 1:6

ایہدے سبّب تُسی بڑی خُوشی کر دے ہو۔ بھانویں ہُن تھوڑے چِر لوڑاں توں کِیتے وَن سَووَنِیاں ازمایشاں دے سببّوں تُہانوں تکلیف ہوئی اے۔