فِلِپّیوں 2:2 - پنجابی نواں عہد نامہ نظرثانی شدہ چھپائی

² تے میری ایہہ رِیجھ پُوری کرو۔ پئی اِکّو جیہا وچار کرو۔ اِکّو جیہی مُحبّت رکھو۔ اِک جان ہوؤ۔ اِکّو وچار کرو۔

فِلِپّیوں 2:2 Cross References

یُوحنّا 3:29

جِہدے کول وَوہٹی اے اوہو لاڑا ہوندا اے پر لاڑے دا یار جیہڑا کھلو کے اوہدی گلّ سُندا اے لاڑے دی اواز نال بڑا خُوش ہوندا اے۔ سو میری ایہہ خُوشی پُوری ہوئی اے۔

اعمال 1:14

ایہہ ساریاں دے سارے کئیاں زنانِیاں دے نال تے نالے یِسُوع دی ماں مریم تے اوہدے بھراواں دے نال اِک دِل ہو کے دُعا منگن وِچ لگے رہندے سن۔

اعمال 2:1

تے جد پینتِیکُست دا دِن آگیا۔ سارے اِک تھاں اکٹّھے ہوئے۔

اعمال 2:46

تے روز دِہاڑے اِک دِل ہو کے ہیکل وِچ اکٹّھے ہوندے سن۔ تے گھراں وِچ روٹی توڑ کے خُوشی تے صاف دِلی نال اَن پانی کھاندے سن۔

اعمال 5:12

تے رسُولاں دے ہتھّوں بُہت کراماتاں تے مُعجزے لوکاں وِچ ظاہر ہوئے تے سبھ اِک دِل ہو کے سُلیمان دے برانڈے وِچ اکٹّھے سن۔

رُومِیوں 12:16

آپو وِچ اِکّو جِہیا خیال رکھو۔ اُچّے اُچّے خیال نا بنھنو۔ سگوں نِیویاں ولّ دھیان کرو۔ اپنے ولّوں سِیانے نا بن بَیٹھو۔

۱-کُرِنتھِیوں 1:10

ہُن بھراؤ! مَیں یِسُوع مسِیح دا جیہڑا ساڈا خُداوند اے ناں یاد دوا کے تُہاڈے اگّے مِنّت کرنا آں۔ پئی اِکّو جِہی گلّ آکھو تے تُہاڈے وِچ دُوجا پن نا ہوئے۔ سگوں آپو وِچ اِک دِل تے اِک صلاح ہو کے کامِل بنے رہو۔

۲-کُرِنتھِیوں 13:11

سو بھراؤ! خُوش رہو۔ کامِل بنو۔ خاطرجمع رکھو۔ اِک دِل رہو۔ میل ملاپ رکھو۔ تے خُدا مُحبّت تے تسلّی دا سرچشمہ تُہاڈے نال ہوئے گا۔

۲-کُرِنتھِیوں 2:3

تے مَیں تُہانوں ایہو گلّ لِکھی سی۔ تاں جو اجیہا نا ہوئے پئی مَیں آ کے جِنہاں توں خُوش ہونا چاہندا ساں۔ اوہناں ای دے سببّوں دلگِیر ہوواں۔ کیوں جو مَینُوں تُہاڈے ساریاں اُتّے ایس گلّ دا بھروسا اے۔ پئی جیہڑی میری خُوشی اے سو ای تُہاڈی سبھناں دی اے۔

۲-کُرِنتھِیوں 7:7

تے نا نِرا اوہدے آؤن نال۔ سگوں اوہدی اوس تسلّی نال وی جیہڑی اوہنوں تُہاڈے ولّوں ہوئی تے اوس تُہاڈا شَوق۔ تُہاڈا غم۔ تے تُہاڈا جوش۔ جیہڑا میری بابت سی ساڈے اگّے بیان کِیتا۔ جِہدے توں مَیں ہور وی خُوش ہویا۔

فِلِپّیوں 1:4

تے ہر اِک دُعا وِچ جیہڑی تُہاڈے لئی منگنا آں سدا خُوشی نال تُہاڈے لئی مِنّت کرنا آں۔

فِلِپّیوں 2:16

تے زِندگی دا کلام پیش کر دے ہو۔) تاں جو مسِیح دے دِن مَینُوں فخر ہوئے۔ پئی نا میری بھج دَوڑ بے فائدہ ہوئی نا میری محنت ایویں گئی۔

فِلِپّیوں 2:20

کیوں جو اجیہا جانی جان میرے کول کوئی نئیں۔ جِہنُوں تُہاڈی سَچّی فِکر ہوئے۔

فِلِپّیوں 4:2

مَیں یُوؤدیہ نُوں وی نصِیحت کرنا آں تے سنُتخے نُوں وی پئی اوہ خُداوند وِچ اِک دِل ہون۔

کُلُسِّیوں 2:5

تے بھانویں میرا جِسم تُہاتھوں دُور اے پر میری رُوح تُہاڈے نال اے۔ تے تُہاڈے ڈھب تے پکّے اِیمان نُوں ویکھ کے خُوش آں جیہڑا مسِیح اُتّے اے۔

۲-تھِسّلُنِیکوں 2:13

پر بھراؤ! خُدا دے پیاریو ساڈا فرض اے پئی ہرویلے تُہاڈے ولّوں خُدا دا شُکر کریئے۔ کیوں جو خُدا مُڈھوں تُہانوں چُن لیا۔ پئی رُوح دی راہِیں پاک بن کے تے سچیائی اُتّے اِیمان لیا کے نجات پاؤ۔

۲-تِیمُتِھیُس 1:4

تے تیرے اَتھرُواں نُوں یاد کر کے راتِیں دِنے تیرے مِلن دی چاہ رکھنا آں۔ پئی خُوشی وِچ بھر جاواں۔

فلِیمون 1:20

بھرا! مَیں چاہناں آں۔ پئی مَینُوں تیرے ولّوں خُداوند وِچ تسلّی ہوئے تُوں مسِیح وِچ میرے دِل نُوں ٹھنڈ پا۔

۲یُوحنّا 1:4

مَیں بُہت خُوش ہویا۔ جدوں مَیں تیرے کئی مُنڈیاں نُوں اوس حُکم اُتّے جیہڑا سانُوں باپ ولّوں مِلیا سی۔ ٹھیک ٹھیک ٹُردیاں دیکھیا۔

۳-یُوحنّا 1:4

میرے لئی ایس توں وَدّھ کے ہور کوئی خُوشی نئیں۔ پئی مَیں اپنے بچّیاں نُوں سچیائی اُتّے چلدیاں سُناں۔